કેમેરામાં કેદ થયું પૂરનું ખૌફનાક દૃશ્ય

વાયરલ થયેલા વીડિયોમાં કેટલાક કામદારો (Workers) સુરક્ષા જેકેટ પહેરીને પોતાનો જીવ બચાવવા માટે દોડતા જોવા મળે છે. અચાનક તેમની પાછળથી કાદવ, કાટમાળ અને ધસમસતા પાણીનો વિશાળ પ્રવાહ (Massive Debris Flow) ઝડપથી આગળ વધે છે અને જાણે પહાડની જેમ તેમની તરફ ધસી આવે છે. વીડિયો રેકોર્ડ કરી રહેલો વ્યક્તિ પણ પરિસ્થિતિની ગંભીરતા સમજીને પોતાનો જીવ બચાવવા દોડે છે. તેને પાછળ ફરીને જોવાનો પણ સમય મળ્યો નહોતો. સદનસીબે બાદમાં રેસ્ક્યૂ ટીમ (Rescue Team)એ હેલિકોપ્ટર (Helicopter)ની મદદથી તેને સુરક્ષિત રીતે બહાર કાઢ્યો હતો. આ સમગ્ર ઘટનાનો વીડિયો કેમેરામાં કેદ થઈ ગયો હતો. તેમાં પૂર અને કાટમાળ કેટલી ઝડપથી તબાહી મચાવી શકે છે તેનો ખોફનાક અંદાજ મળે છે.

 

View this post on Instagram

 

A post shared by Vivek Shrestha (@vivek357155)

આંખોની સામે ઉજડી ગઈ જિંદગી (Nepal Flood Video)

આ કુદરતી આફતે અનેક પરિવારોને ક્યારેય ન ભૂલી શકાય તેવા ઘા આપ્યા છે. 68 વર્ષના કેશવ પ્રસાદ બરાલની (Keshav Prasad Baral) કહાની અત્યંત હૃદયદ્રાવક છે. જ્યારે કાદવ અને પૂરનું પાણી તેમના ઘરમાં ઘૂસ્યું ત્યારે તેમણે પોતાની પત્નીનો હાથ પકડીને છત તરફ જવાનો પ્રયાસ કર્યો હતો. પરંતુ પાણીનો પ્રવાહ એટલો જોરદાર હતો કે તેમની પત્નીનો હાથ છૂટી ગયો. ત્યારબાદ તે આંખોની સામે જ કાદવના પ્રવાહમાં વહી ગઈ. હોસ્પિટલના બેડ પર દુઃખ વ્યક્ત કરતાં કેશવ પ્રસાદે જણાવ્યું કે તેમની પત્ની હવે આ દુનિયામાં નથી. આ ઘટના પૂરથી થયેલા માનવીય નુકસાનની ગંભીરતા દર્શાવે છે.

જીવ બચાવવા ઝાડ પર ચઢી ગયા

અન્ય એક પીડિત બિબેક કુમાલે (Bibek Kumal) જણાવ્યું કે પૂર આવતાં થોડા સમય પહેલાં તેમને એવું લાગ્યું હતું કે જાણે ખૂબ જ જોરદાર ભૂકંપ (Earthquake) આવ્યો હોય. ચારેબાજુ ચીસો, પાણીનો ગર્જનાભર્યો અવાજ અને કાટમાળનો ભયાનક પ્રવાહ હતો. બચવા માટે કોઈ રસ્તો ન દેખાતા બિબેક નજીકના એક કેરીના ઝાડ (Mango Tree) પર ચઢી ગયા હતા. આ નિર્ણયને કારણે તેમનો જીવ બચી ગયો.

રેસ્ક્યૂ ઓપરેશન હજુ પણ ચાલુ

હાલમાં પ્રશાસન (Administration) અને રેસ્ક્યૂ ટીમો કાટમાળ નીચે ફસાયેલી જિંદગીઓની શોધખોળમાં વ્યસ્ત છે. અસરગ્રસ્ત વિસ્તારોમાં બચાવ કામગીરી સતત ચાલી રહી છે. જોકે, કુદરતના આ વિનાશકારી તાંડવે સ્થાનિક લોકોમાં ભારે ભય અને આઘાત છોડી દીધો છે. જેમણે પોતાના પરિવારજનો અને ઘરો ગુમાવ્યા છે, તેમના માટે આ દુર્ઘટનામાંથી બહાર આવવામાં લાંબો સમય લાગી શકે છે. નેપાળમાં ચાલી રહેલા રાહત અને બચાવ પ્રયાસો વચ્ચે ગુમ થયેલા લોકોની શોધ અને અસરગ્રસ્તોને મદદ પહોંચાડવી હાલમાં સૌથી મોટો પડકાર છે.

આ પણ વાંચો : Nepal Flood : નેપાળમાં ફસાયેલા ભારતીયોને લઈને MEAનું મોટું અપડેટ, 288 ભારતીયોનો સંપર્ક તૂટ્યો