Rainbow Clouds : ઇન્ડોનેશિયાના આકાશમાં દેખાયા દુર્લભ રેઈન્બો ક્લાઉડ્સ
- Rainbow Clouds : ઇન્ડોનેશિયાના આકાશમાં જોવા મળ્યો કુદરતનો અદભૂત નજારો
- વાદળો મેઘધનુષની જેમ સાત રંગોમાં ચમકતા દેખાયા
- દુર્લભ ‘રેઈન્બો ક્લાઉડ્સ’ના ફોટો સોશિયલ મીડિયા પર વાયરલ
- વૈજ્ઞાનિકોએ આ ઘટનાને ‘ક્લાઉડ ઇરિડેસન્સ’ ગણાવી
Rainbow Clouds : કુદરતના કરિશ્મા ક્યારેક આપણને મંત્રમુગ્ધ કરી દે છે. હાલમાં ઇન્ડોનેશિયાના આકાશમાં એક અત્યંત દુર્લભ અને સુંદર નજારો જોવા મળ્યો છે, જેને જોઈને લોકો આશ્ચર્યચકિત થઈ ગયા છે. આકાશમાં વાદળો સામાન્ય સફેદ કે કાળા રંગના બદલે મેઘધનુષી રંગોમાં (Rainbow Clouds) ચમકતા જોવા મળ્યા હતા. આ ઘટનાના ફોટો અને વીડિયો સોશિયલ મીડિયા પર વાયરલ [Viral] થઈ રહ્યા છે.
શું છે આ ‘રેઈન્બો ક્લાઉડ્સ’?
વૈજ્ઞાનિક ભાષામાં આ ઘટનાને 'ક્લાઉડ ઇરિડેસન્સ' [Cloud Iridescence] કહેવામાં આવે છે. જ્યારે સૂર્યના કિરણો વાદળોમાં રહેલા નાના બરફના સ્ફટિકો અથવા પાણીના ટીપાંમાંથી પસાર થાય છે, ત્યારે પ્રકાશનું વિભાજન (Diffraction) થાય છે. આ પ્રક્રિયાને કારણે વાદળો પર મેઘધનુષ જેવા સાત રંગો પથરાયેલા દેખાય છે. આ નજારો જોવામાં એટલો અદભૂત હોય છે કે જાણે આકાશમાં કોઈએ રંગોની હોળી રમી હોય!
😍 Amazing! Rare “rainbow clouds” were spotted in the sky over Indonesia
This phenomenon occurs when sunlight passes through very tiny water droplets or ice crystals in clouds.
If the clouds are thin and located close to the Sun or the Moon, the light gets “split” into… pic.twitter.com/rWEAu4TE6E
— NEXTA (@nexta_tv) May 4, 2026
સોશિયલ મીડિયા પર ધૂમ
ઇન્ડોનેશિયાના વિવિધ ભાગોમાંથી લોકોએ આ નજારાને કેમેરામાં કેદ કર્યો હતો. નેટિઝન્સ આ ઘટનાને 'જાદુઈ' અને 'સ્વર્ગીય' ગણાવી રહ્યા છે. નિષ્ણાતોના મતે, આ પ્રકારની ઘટના ત્યારે જ જોવા મળે છે જ્યારે વાદળો ખૂબ જ પાતળા હોય અને સૂર્ય ચોક્કસ ખૂણા પર હોય.
આ પણ વાંચ : ટ્રેનના કોચમાં તોડફોડ કરી રીલ્સ બનાવતા યુવકોનો શરમજનક Video Viral