‘મર્દ હો તુમ મર્દ’ કહીં માર્યો ધક્કો , ઋષિકેશમાં બંજી જમ્પિંગ કરવા આવેલા યુવકનો Video Viral

કૂદતા પહેલાં ધ્રૂજવા લાગ્યા યુવકના પગ

લગભગ 30 સેકન્ડના આ વીડિયોની શરૂઆતમાં બન્જી જમ્પિંગ કરાવતો વ્યક્તિ યુવકને પ્લેટફોર્મ પર ઊભા રહીને યોગ્ય પોઝિશન સમજાવતો જોવા મળે છે. જોકે ઊંચાઈ જોઈને યુવક ડરી જાય છે અને લોખંડની રેલિંગને મજબૂતીથી પકડી લે છે. યુવક કહે છે, “ભાઈ, પગ કાંપી રહ્યા છે.” આ સાંભળીને ત્યાં હાજર વ્યક્તિ તેની હિંમત વધારવા માટે કહે છે, “મર્દ હો તુમ મર્દ.” આ વાત સાંભળ્યા બાદ યુવક થોડો ઉત્સાહિત થાય છે અને ‘હર-હર મહાદેવ’નો જયઘોષ કરે છે. જોકે થોડી જ ક્ષણોમાં તેનો ડર ફરી સામે આવી જાય છે.

યુવકની વાતોએ વધારી મજા

આગળ યુવકને બેલ્ટ પકડીને પાછળની તરફ ઝૂકવા માટે કહેવામાં આવે છે. ત્યારે યુવક એવી રમૂજી વાત કરે છે કે સોશિયલ મીડિયા યુઝર્સનું ધ્યાન તેના પર ગયું. તે કૂદવા માટે તૈયાર થવાનો પ્રયાસ કરે છે, પરંતુ વારંવાર ગભરાઈ જાય છે. એક સમયે યુવક કહે છે કે “ભાઈ બસ કર, ધક્કો મારીને ખતમ કર.” તેની આ વાત સાંભળીને ત્યાં હાજર વ્યક્તિ ફરી તેને ‘મર્દ હો તુમ મર્દ’ કહીને હિંમત આપતો જોવા મળે છે.

સોશિયલ મીડિયા પર રમૂજી કમેન્ટ્સ

rishikesh_walaaa નામના Instagram પેજ પરથી શેર થયેલા આ વીડિયોએ યુઝર્સમાં ભારે મજાક અને ચર્ચા જગાવી છે. લોકો યુવકની સ્થિતિ અને તેની વાતો પર અલગ-અલગ રમૂજી કમેન્ટ્સ કરી રહ્યા છે. કેટલાક યુઝર્સે તો ‘મર્દ’વાળા ડાયલોગને લઈને પણ મજેદાર પ્રતિક્રિયાઓ આપી છે.

 

View this post on Instagram

 

A post shared by GANGA BUNGY 219 | RISHIKESHWALA (@rishikesh_walaaa)

આ પણ વાંચો: Vadodara: તલાટી ગ્રામસભા અધવચ્ચે છોડી ભાગી ગયા! લાછનપુરાની ગ્રામ સભામાં કેમ મચ્યો હોબાળો?