Viral : રીલબાજીના ચક્કરમાં યુવતિ માંડ બચી, યુઝરે લખ્યું, 'ફેશનના ચક્કરમાં સત્યાનાશ'

• રીલબાજીના ચક્કરમાં યુવતિ માંડ માંડ બચી
• દિવા મુકવાનો વીડિયો બનાવવા જતા વાળમાં આગની ઝાર લાગી
• યુવતિએ સમયસૂચકતા વાપરીને સ્થિતી કાબુમાં લઇ લીધી

Viral : તમે "સાવધાની હટી, દૂર્ઘટના ઘટી" આ વાક્ય ઘણી વાર સાંભળ્યું અને વાંચ્યું હશે. આ વાક્ય મોટાભાગે વાહનોની પાછળ લખાયેલું જોવા મળે છે, જો કે, તે દરેક વ્યક્તિ અને દરેક પરિસ્થિતીઓને લાગુ પડે છે. ફક્ત વાહન ચલાવતી વખતે જ સાવધાની રાખવી જરૂરી છે, એવું નથી. ઘરના ઘણા કામો છે, જેમાં સાવધાની જરૂરી છે, અને તેમ ના કરવાથી ગંભીર પરિણામો આવી શકે છે. આ વાતને સાબિત કરવા માટે એક સોશિયલ મીડિયામાં (Social Media) વિડીયો વાયરલ (Viral Video) થઈ રહ્યો છે. જેમાં દિપાવલી પર્વમાં યુવતિ હાથમાં પ્રગટાવેલા દિવાની થાળી લઇને ઘરની બહાર આવે છે. અને કેમેરાની સામે દિવા મુકી રહી છે. તેવામાં કેમેરા સામે પોઝ આપવામાં તે થોડીક બેદરકાર બને છે, ત્યાં જ દિવાની આગ તેના વાળમાં લાગી જાય છે.

યુવતિ જોડે આ ઘટના ઘટી

હાલમાં વાયરલ થઈ રહેલા વિડીયોમાં એક યુવતિ સાડીમાં સજ્જ થઇને તેના ઘરમાંથી બહાર નીકળતી દેખાય છે. તેણીના પાસે હાથમાં એક પ્લેટ છે, જેમાં ઘણા પ્રગટાવેલા દીવા છે. તે એક દીવો ઉપાડે છે, અને તેને એક જગ્યાએ મૂકે છે. આ ઘટનાનો વીડિયો લેતી વખતે, તે કેમેરા તરફ જુએ છે, અને એક નાની દુર્ઘટના બને છે. છોકરીના વાળ એક દીવાના સંપર્કમાં આવે છે, જેનાથી તેમાં આગ લાગી જાય છે. બચાવા માટે, યુવતિ તરત જ પરિસ્થિતિને ધ્યાનમાં લે છે, અને આગ ઓલવી નાખે છે.

બેદરકારીના કારણે દુર્ઘટના સર્જાઇ

દિવાળી પછી તમે સોશિયલ મીડિયા પર અસંખ્ય વિડીયો જોયા હશે જેમાં નાની-મોટી બેદરકારીને કારણે કોઈ દુર્ઘટના સર્જાઈ છે. તમે હમણાં જ જોયેલો વિડીયો તેમાંથી એક છે, જે @_vatsalasingh નામના X-પ્લેટફોર્મ એકાઉન્ટ પર પોસ્ટ કરવામાં આવ્યો છે. કેપ્શનમાં લખ્યું છે, "રીલ ફેશનના નામે દીપાવલી બરબાદ થઈ ગઈ." આ વીડિયોને હજારો લોકોએ જોયો છે. અને તેના પર સેંકડો લોકો દ્વારા કોમેન્ટ કરવામાં આવી છે.

આ પણ વાંચો ----- Viral : સિંગલ પટ્ટી રોડ પર બે વાહનો સામસામે આવતા શરૂ થઇ અહંકારની લડાઇ