• પાયલોટે કરેલા સ્વાગતથી સોશિયલ મીડિયામાં વાહવાહી મળી
• સંઘર્ષ બદલ માતાનો આભાર માન્યો, મુસાફરોએ તાળીઓ પાડી
• વાયરલ વીડિયો લાખો લોકોએ જોયો

Viral : આજના યુગમાં જ્યાં માતા-પિતા (Love For Parents) પ્રત્યે આદર ઓછો થઈ રહ્યો છે, ત્યાં એક પાયલોટે (Pilot Viral Video) પોતાની માતા માટે એવું કામ કર્યું કે, લાખો લોકોના દિલ જીતી લીધા છે. સોશિયલ મીડિયા પર વાયરલ (Social Media Viral Video) થયેલા એક વીડિયોમાં પાયલોટ જસવંત વર્માએ (Pilot Jaswanth Varma) પોતાની માતાનું ફ્લાઇટમાં (Welcoming Mother On Flight) ભાવનાત્મક જાહેરાત સાથે સ્વાગત કર્યું છે. આ વીડિયોમાં માત્ર માતા-પિતા પ્રત્યે પ્રેમ અને આદરની લાગણી જ દેખાતી નથી, પરંતુ સફળતા પાછળ માતા-પિતાનું કેટલું મોટું યોગદાન છે તે પણ જોવા મળી રહ્યું છે.

પાયલોટની ભાવનાત્મક જાહેરાત

વીડિયોમાં ફ્લાઇટ કેપ્ટન જસવંત (Pilot Jaswanth Varma) મુસાફરોને સંબોધતા કહે છે, "શુભ બપોર, મહિલાઓ અને સજ્જનો, હું તમારો કેપ્ટન જસવંત છું. ઇન્ડિગો ફ્લાઇટ પસંદ કરવા બદલ આભાર. આજે મારા માટે ખૂબ જ ખાસ દિવસ છે, કારણ કે, જે વ્યક્તિએ મને પાઇલટ બનવા માટે પ્રેરણા આપી અને મારા સપના પૂરા કરવામાં મને ટેકો આપ્યો, તે વ્યક્તિ, મારી માતા (Welcoming Mother On Flight), આજે પહેલીવાર મારી ફ્લાઇટમાં મારી સાથે મુસાફરી કરી રહી છે." આ પછી, તેણે મુસાફરોને તેની માતાનું સ્વાગત કરવા વિનંતી કરી હતી.

માતાએ દરેક સંઘર્ષમાં મને ટેકો આપ્યો

આ જાહેરાત સાંભળીને, લાલ ટી-શર્ટ પહેરેલો એક મુસાફરે પોતાની સીટ પરથી ઊભા થઈને તાળીઓ પાડવાનું શરૂ કર્યું હતું, જે માતા પ્રત્યે આદરનું સુંદર પ્રતીક હતું. જસવંતે આગળ કહ્યું, "મારી માતા તિરુપતિ બાલાજી નજીકના એક નાના ગામથી આવી હતી. પાઇલટ બનવું એ એક અસામાન્ય અને પડકારજનક રસ્તો છે, પરંતુ મારી માતાએ દરેક સંઘર્ષમાં મને ટેકો આપ્યો, અને મારા માટે ઢાલ બનીને ઉભી રહી હતી. તેમના કારણે જ હું આજે કેપ્ટન તરીકે તમારી સામે ઉભો છું. હું કહેવા માંગુ છું કે, આ બધું તમારા કારણે શક્ય બન્યું, જો તમે ત્યાં ના હોત, તો હું પણ ત્યાં ના હોત."

સોશિયલ મીડિયા પર વાયરલ

પાઇલટ જસવંત વર્માએ તેમના ઇન્સ્ટાગ્રામ એકાઉન્ટ @pilotjaswanth પર આ ખાસ ક્ષણ શેર કરી, જેના કેપ્શનમાં તેમણે લખ્યું, "માતા માટે સ્વાગત જાહેરાત." આ વીડિયો માત્ર બે દિવસમાં 30 લાખથી વધુ વખત જોવામાં આવ્યો છે. લોકોએ કોમેન્ટ સેક્શનમાં જસવંતની ભાવનાત્મક શૈલી અને તેની માતા પ્રત્યેના આદરની પ્રશંસા કરી છે. ઘણા લોકોએ લાલ ટી-શર્ટ પહેરેલા મુસાફરની પણ પ્રશંસા કરી હતી, જેણે માતાના સન્માનમાં ઉભા થઈને તાળીઓ પાડી હતી. ઘણા યુઝર્સે લખ્યું કે, આ વીડિયો જોયા પછી તેમની આંખો ભીની થઈ ગઈ છે. એક યુઝરે ટિપ્પણી કરી, "આ ક્ષણ ગર્વ અને પ્રેરણાથી ભરેલી છે. માતા પ્રત્યે આટલો આદર જોઈને હૃદય ખુશ થઈ ગયું." બીજા એક યુઝરે લખ્યું, "આ વિડીયો આપણને શીખવે છે કે, આપણે આપણા માતા-પિતાનો આદર કરવો જોઈએ, જેમના વિના આપણું અસ્તિત્વ શક્ય નથી."

આ પણ વાંચો ------ Anti Cheating Bra: જાપાનની એન્ટી-ચીટિંગ બ્રા, ફિંગરપ્રિન્ટથી જ ખુલવાનો દાવો... Viral Videoનું સત્ય જાણો