Tirupati માં મંદિર ઉપર ચડીને યુવકે ઉત્પાત મચાવ્યો, વાંચો વિગતવાર
- પ્રતિષ્ઠિત મંદિરની સુરક્ષામાં પોલપટ્ટી જણાઇ
- ગોવિંદરાજ સ્વામી મંદિરની શીખર પર શખ્સ પહોંચ્યો
- શિખર પરના કળશને નુકશાન પહોંચાડ્યું
- મોડી રાત્રે દિલધડક રેસ્ક્યૂ ઓપરેશન હાથ ધરવું પડ્યું
Drunk Man Scales Govindaraja Swamy Temple in Tirupati : આંધ્રપ્રદેશના તિરુપતિમાં શ્રી ગોવિંદરાજ સ્વામી મંદિરમાં એક નશામાં ધૂત વ્યક્તિએ હોબાળો મચાવ્યો હોવાની ચોંકાવનારી ઘટના સામે આવી છે. યુવક સુરક્ષા કર્મચારીઓથી બચવામાં સફળ રહ્યોસ અને મંદિરની દિવાલો પર ચઢી ગયો હતો, બાદમાં તેણે દારૂની બોટલ માંગી હોવાનું જાણવા મળી રહ્યું છે. તેણે ઉપરથી કહ્યું કે, જો તેને ચોથાઈ બોટલ મળશે તો જ તે નીચે આવશે.
A serious and disturbing incident at the Sri Govindaraja Swamy Temple in Tirupati has exposed the complete failure of the coalition government. Due to lax security under B R Naidu, an intoxicated man climbed the temple gopuram and demanded liquor, openly insulting the sanctity of… pic.twitter.com/kzpZ71qBFm
— YSR Congress Party (@YSRCParty) January 3, 2026
કર્મચારીઓએ જોતા જ કળશ ખેંચ્યા
આ વ્યક્તિની ઓળખ તેલંગાણાના નિઝામાબાદ જિલ્લાના રહેવાસી કુટ્ટાડી તિરુપતિ (ઉં. 45) તરીકે થઈ છે. તિરુપતિ દેવસ્થાનમ (TTD) અનુસાર, શંકાસ્પદ વ્યક્તિ લાકડાના બાંબુ સાથે ચાલીને મંદિર પરિસરમાં પ્રવેશ્યો હતો. ત્યારબાદ તે મંદિરના ગોપુરમ (ટાવર) પર ચઢી ગયો હતો, અને મંદિરના સતર્ક કર્મચારીઓ દ્વારા તેને જોતા જ કળશ (પવિત્ર શિખરો) નીચે ખેંચવાનો પ્રયાસ કર્યો હતો.
પોલીસ મથક લઇ જવામાં આવ્યો
તિરુપતિ પોલીસ અને ફાયર વિભાગના કર્મચારીઓએ શંકાસ્પદ વ્યક્તિને નીચે લાવવા માટે લગભગ ત્રણ કલાક સુધી દોરડા અને લોખંડની સીડીનો ઉપયોગ કર્યો હતો. શંકાસ્પદ વ્યક્તિએ ગોપુરમ પર બે કળશને નુકસાન પહોંચાડ્યું હોવાનું માનવામાં આવે છે. ત્યારબાદ તેને અટકાયતમાં લેવામાં આવ્યો છે, અને વધુ પૂછપરછ માટે તિરુપતિ પૂર્વ પોલીસ સ્ટેશન લઈ જવામાં આવ્યો છે.
તિરુપતિ સાંસદે ચિંતા વ્યક્ત કરી
તિરુપતિના સાંસદ ડૉ. એમ. ગુરુમૂર્તિએ ફરી એકવાર ટીટીડી ગોવિંદરાજ સ્વામી મંદિરમાં ગંભીર સુરક્ષા ખામી પર નિરાશા વ્યક્ત કરી છે. ગુરુમૂર્તિએ આશ્ચર્ય વ્યક્ત કરતા કહ્યું કે, “આ મંદિર તિરુપતિના હૃદયમાં આવેલું છે, અને શહેરના સૌથી મોટા મંદિરોમાંનું એક છે. ત્યારે એક શંકાસ્પદ વ્યક્તિ માત્ર મંદિર પરિસરમાં પ્રવેશીને, નદીમી ગોપુરમ પર ચડી ગયો, અને ગોપુરમ પરના ફૂલદાની તોડવાનો પ્રયાસ કર્યો, ત્યારે ટીટીડી વિજિલન્સ વિભાગ અને સુરક્ષા કર્મીઓ શું કરી રહ્યા હતા, આ અત્યંત આઘાતજનક છે.”
સુરક્ષા સુનિશ્ચિત કરવા માટે નક્કર પગલાં લીધા નથી
તિરુપતિના સાંસદે શોક વ્યક્ત કરતા કહ્યું કે, “થોડા વર્ષો પહેલા, એક ચોરે આ જ રીતે ગોવિંદરાજ સ્વામી મંદિરમાં પ્રવેશ કર્યો હતો. અને મંદિરમાંથી મુગટ ચોરીને ભાગી ગયો હતો. તે આઘાતજનક ચોરીએ ગંભીર સુરક્ષા ખામીઓનો પર્દાફાશ કર્યો હતો, છતાં ટીટીડી અધિકારીઓએ સુરક્ષા વ્યવસ્થામાં ખામીઓને દૂર કરવા અને મંદિર માટે યોગ્ય સુરક્ષા સુનિશ્ચિત કરવા માટે નક્કર પગલાં લીધા નથી. શુક્રવારે રાત્રે એક નશામાં ધૂત વ્યક્તિએ મંદિર પરિસરમાં જે રીતે પ્રવેશ કર્યો, અને નદીમી ગોપુરમને નુકસાન પહોંચાડવાનો પ્રયાસ કર્યો તેનાથી આ સ્પષ્ટ થાય છે.”
આ પણ વાંચો --------- Youtuber Shadab Jakati ફરી વિવાદમાં, મહિલાના પતિનો ગંભીર આરોપ