શું ચંદ્રિકા દીક્ષિતના ખરાબ દિવસો પાછા આવ્યા?

ચંદ્રિકાએ પોતાના ઇન્સ્ટાગ્રામ (Instagram) એકાઉન્ટ પર એક વીડિયો શેર કર્યો છે. આ ક્લિપમાં તે સવારે વડા પાઉંની લારી લગાવતી, કઢાઈની પૂજા કરતી, તિલક લગાવતી, ચા પીતી અને સવારથી સાંજ સુધી લારી પર વડા પાઉં વેચતી જોવા મળે છે. આ વીડિયો પોસ્ટ કરીને તેણે કેપ્શનમાં (Caption) લખ્યું, "જેટલો આભાર માનું એટલો ઓછો છે. હર હર મહાદેવ." વીડિયોની સ્ક્રીન પર તેણે ટેક્સ્ટ લખ્યું છે કે, "સમયથી મોટું કંઈ નથી" અને સાથે રડતો ઇમોજી (Emoji) પણ મૂક્યો છે.

સોશિયલ મીડિયા યુઝર્સ થયા આશ્ચર્યચકિત

ચંદ્રિકાનો આ અવતાર જોઈને લોકો આશ્ચર્યચકિત થઈ ગયા છે. કેટલાક લોકો સોશિયલ મીડિયા પર તેની મજાક ઉડાવતા કહી રહ્યા છે કે, "ફરી લારી પર આવી ગઈ, બસ થોડા દિવસની જ સફળતા (Success) હતી." જ્યારે કેટલાક લોકો તેને સાંત્વના આપતા કહી રહ્યા છે કે બધું સારું થઈ જશે. લોકો એટલા માટે પણ હેરાન છે કારણ કે બિગ બોસમાંથી બહાર આવ્યા બાદ ચંદ્રિકાએ વડા પાઉંની એક આખી દુકાન ખોલી હતી. હવે સવાલ એ થાય છે કે તે દુકાનનું શું થયું? શું તેણે દુકાન વેચી દીધી?

 

View this post on Instagram

 

A post shared by Chandrika Gera (@chandrika.dixit)

બીજી તરફ, કેટલાક નેટિઝન્સનું માનવું છે કે આ બધું માત્ર પબ્લિસિટી (Publicity) મેળવવા માટેનો એક નવો કિમીયો છે, અથવા તો આ કોઈ જૂનો વીડિયો છે જે પોસ્ટ કરીને તે ફેન્સને કન્ફ્યુઝ કરી રહી છે. જો કે, આ વીડિયોને કારણે તે ફરી એકવાર હેડલાઇન્સમાં (Headlines) આવી ગઈ છે.

ડિવોર્સ ડ્રામા અને કન્ટેન્ટ ક્રિએશન

અત્રે ઉલ્લેખનીય છે કે, થોડા સમય પહેલાં ચંદ્રિકા પોતાના પતિ સાથે છૂટાછેડાના ડ્રામા (Drama) માટે ચર્ચામાં હતી. તે એક અજાણ્યા પુરુષ (Mystery Man) સાથે રોમેન્ટિક વીડિયો બનાવતી હતી અને પતિ પર દગાખોરીનો આરોપ લગાવતી હતી. પરંતુ આજે બંને ફરી સાથે આવી ગયા છે અને સાથે મળીને વીડિયો બનાવે છે. આ પબ્લિસિટી સ્ટન્ટ (Stunt) પછી પબ્લિક તેને બહુ સિરિયસલી લેતી નથી. વડા પાઉં વેચવા ઉપરાંત તે એક સોશિયલ મીડિયા કન્ટેન્ટ ક્રિએટર (Content Creator) પણ છે અને આજકાલ પતિ ગૌરવ ગેરા સાથે મળીને ક્રિન્જ વીડિયો શેર કરતી રહે છે.

આ પણ વાંચો : Vada Pav Girl : આખરે Chandrika Dixit પતિ જોડે પરત ફરી, સેંથામાં સિંદૂર ભર્યું !