વીડિયોના પ્રથમ ભાગમાં જોવા મળ્યો રસપ્રદ દૃશ્ય

વાયરલ થયેલા આ વીડિયોને 2 અલગ ભાગોમાં વહેંચવામાં આવ્યો છે. પ્રથમ ભાગમાં એક નર ગોરિલ્લા (Male Gorilla) ઝડપથી દોડતો જોવા મળે છે. તેની પાછળ એક માદા ગોરિલ્લા (Female Gorilla) ગુસ્સાભેર તેનો પીછો કરતી નજરે પડે છે. વીડિયો જોતા એવું લાગે છે કે બંને વચ્ચે કોઈ મોટો વિવાદ થયો હોય અને નર ગોરિલ્લા પોતાનો બચાવ કરવા માટે ત્યાંથી ભાગવાનો પ્રયાસ કરી રહ્યો હોય. આ દૃશ્યે શરૂઆતથી જ લોકોનું ધ્યાન ખેંચી લીધું હતું, પરંતુ ખરેખર ચર્ચા તો વીડિયોના બીજા ભાગને લઈને શરૂ થઈ.

એકલો બેઠેલો ગોરિલ્લો બન્યો ચર્ચાનો વિષય

વીડિયોના બીજા ભાગમાં એક ગોરિલ્લા ઘાસ (Grass) પર એકલો બેઠેલો જોવા મળે છે. તેના ચહેરા પર ગંભીરતા સ્પષ્ટ દેખાય છે. તેણે એક હાથ પોતાની ઠોડી (Chin) નીચે ટેકવેલો છે અને તેની નજર દૂર ક્યાંક ખોવાઈ ગયેલી લાગે છે. તેને જોઈને એવું અનુભવાય છે કે જાણે તે પોતાના જીવન વિશે ઊંડો વિચાર કરી રહ્યો હોય અથવા કોઈ મહત્વપૂર્ણ નિર્ણય સુધી પહોંચવાનો પ્રયાસ કરી રહ્યો હોય. આ જ દૃશ્ય સોશિયલ મીડિયા પર સૌથી વધુ વાયરલ બન્યું છે. Nature Unedited નામના ઈન્સ્ટાગ્રામ એકાઉન્ટ પરથી આ વીડિયો શેર કરવામાં આવ્યો છે, જેને અત્યાર સુધી 3.6 મિલિયન વ્યૂઝ મળી ચુક્યા છે.

સોશિયલ મીડિયા યુઝર્સે બનાવી પોતાની વાર્તા

જોકે કેટલાક સોશિયલ મીડિયા યુઝર્સ (Users)એ બાદમાં માહિતી આપી હતી કે વીડિયોના બંને ભાગ અલગ-અલગ સ્થળો અને અલગ સમયના છે. બંનેને જોડીને એક નવી વાર્તા તૈયાર કરવામાં આવી છે. પરંતુ ત્યાં સુધીમાં આ વીડિયો લાખો લોકો સુધી પહોંચી ગયો હતો. લોકોએ આ ગોરિલ્લાને પોતાની કલ્પનાઓ સાથે જોડીને અનેક રમૂજી વાર્તાઓ બનાવી નાખી. ઘણા લોકો તેને ‘કિયોમાસા (Kiyomasa)’ નામના ગોરિલ્લાની વૈવાહિક સમસ્યા (Marital Problem) સાથે જોડીને મજાક કરવા લાગ્યા.

‘ઝઘડો થયા પછીનો પતિ’ તરીકે થઈ રહી છે સરખામણી

કમેન્ટ સેક્શન (Comment Section)માં લોકોની પ્રતિક્રિયાઓ ખૂબ જ રસપ્રદ જોવા મળી. ઘણા યુઝર્સે લખ્યું કે ગોરિલ્લાનો ચહેરો અને તેની બોડી લેંગ્વેજ (Body Language) એવી લાગી રહી છે જાણે કોઈ પતિ (Husband) પત્ની (Wife) સાથેની ચર્ચા કે ઝઘડામાં હારી ગયા પછી ઘરની બહાર બેસીને પોતાની ભૂલો વિશે વિચારી રહ્યો હોય. કેટલાક લોકોએ મજાકમાં લખ્યું કે કદાચ તેને પત્નીએ ઠપકો આપીને રૂમની બહાર મોકલી દીધો હશે અને હવે તે બગીચામાં બેઠો વિચારી રહ્યો છે કે આખરે તેની ભૂલ ક્યાં થઈ. કેટલાકે તો એવી પણ કલ્પના કરી કે તે પોતાની આગામી માફીની રણનીતિ (Apology Strategy) તૈયાર કરી રહ્યો છે.

In Japan, a gorilla named Kiyomasa got into a fight with his mate. She kicked him out of their enclosure at the zoo, and he was later spotted sitting alone, seemingly rethinking his life choices pic.twitter.com/5FbIrCfEKF

— Nature Unedited (@NatureUnedited) June 9, 2026

લોકો પોતાના અનુભવો સાથે જોડવા લાગ્યા

સૌથી વધુ લોકપ્રિય એવી પ્રતિક્રિયાઓ રહી જેમાં લોકોએ પોતાના વ્યક્તિગત અનુભવો (Personal Experiences) આ ગોરિલ્લા સાથે જોડ્યા. ઘણા લોકોએ કહ્યું કે આ દૃશ્ય તેમને જીવનની એવી પળોની યાદ અપાવે છે જ્યારે કોઈ ઝઘડા કે મતભેદ પછી તેઓ લાંબા સમય સુધી એકલા બેસીને વિચારતા રહેતા હતા કે તેમને શું બોલવું જોઈતું હતું અને શું નહીં.

આ પણ વાંચો : Viral Video : "ઘરેથી ભાગીને લગ્ન કરવાની આ સજા છે..." છોકરીના વીડિયોએ લોકોને મૂંઝવણમાં નાખી દીધા