Viral Video : દીકરીને Junk Food ની લતથી બચાવવા પિતાનો ‘ખતરનાક’ જુગાડ! વાયરલ વીડિયો જોઈ તમારું પણ મગજ ચકડોળે ચડી જશે!

નકલી Ultrasoundથી દીકરીને ડરાવી

ઇન્સ્ટાગ્રામ (Instagram) પર અર્ચના સિંહનો એક વીડિયો ખૂબ ચર્ચામાં આવ્યો છે. વીડિયોમાં એક પિતા પોતાની દીકરીને જંક ફૂડ ખાવાથી રોકવા માટે અનોખી રીત અપનાવે છે. પિતા લેપટોપ (Laptop) અને માઉસની મદદથી દીકરીના પેટનું નકલી અલ્ટ્રાસાઉન્ડ (Fake Ultrasound) કરતા દેખાય છે. સ્ક્રીન પર એવું બતાવવામાં આવે છે કે બાળકીના પેટમાં કીડા છે. આ દૃશ્ય જોઈ દીકરી ખૂબ ડરી જાય છે અને રડતી રડતી પોતાની માતા પાસે દોડી જાય છે. ત્યારબાદ તે ફરી ક્યારેય જંક ફૂડ નહીં ખાય તેવી વાત કરે છે.

 

View this post on Instagram

 

A post shared by Archana Singh (@archanasingh085)

વીડિયો સામે આવ્યા બાદ લોકોના અભિપ્રાય વહેંચાઈ ગયા છે. કેટલાક લોકોએ તેને બાળકોને જાગૃત કરવાની સ્માર્ટ રીત ગણાવી, જ્યારે અન્ય લોકોએ કહ્યું કે આવા ડરથી બાળકના મન પર ખરાબ અસર પડી શકે છે. એક યુઝરે લખ્યું કે બાળકોને ખોટું બોલીને શીખવવું યોગ્ય નથી, કારણ કે તેઓ મોટાઓ પાસેથી જ વર્તન શીખે છે.

ફોનની લત છોડાવવા શાળાનો ડરામણો પ્રયોગ

આવો જ એક કિસ્સો ઉત્તરાખંડના ખટીમાની આદર્શ ઇન્ડિયા મોન્ટેસરી સ્કૂલમાંથી સામે આવ્યો હતો. મોબાઇલ ફોનના નુકસાન સમજાવવા માટે એક બાળકની આંખ પર પટ્ટી બાંધી લાલ રંગ લગાવવામાં આવ્યો હતો અને એવું બતાવવામાં આવ્યું કે વધુ ફોન જોવાને કારણે તેની આંખો ખરાબ થઈ ગઈ છે.

 

View this post on Instagram

 

A post shared by Adarsh India Montessori School (@adarsh_india_montessori_school)

બાળકને એવું પણ બોલાવવામાં આવ્યું કે ડોક્ટરે તેની આંખો કાઢી નાખી છે. આ દૃશ્ય જોઈ અનેક નાના બાળકો રડી પડ્યા અને ડરી ગયા. ઘણા બાળકોએ ફોન ન વાપરવાનો વાયદો કર્યો, પરંતુ શાળાની આ રીતની વ્યાપક ટીકા થઈ હતી.

આ પણ વાંચો : Syria Viral Story : ધરપકડથી બચવા 13 વર્ષ સુધી ફ્રિજમાં છુપાયો શખ્સ, બહાર આવ્યો ત્યારે સંતાનોએ પિતા માનવાનો કર્યો ઇનકાર