viral video: દુલ્હન જાન લઈને વરરાજાના ઘરે પહોંચી, અનોખા લગ્ન જોઈ લોકો દંગ!
- ઉજ્જૈનમાં યોજાયા અનોખા લગ્ન
- દુલ્હન જાન લઈને વરરાજાના ઘરે પહોંચી
- જાન લઈને પહોંચેલી દુલ્હનનું કરાયું સ્વાગત
- રાજસ્થાની શ્રીમાળી બ્રાહ્મણ સમુદાયની અનોખી પરંપરા
viral video:બાબા મહાકાલની નગરી ઉજ્જૈનમાં એક લગ્ન દરમિયાન એક અનોખો દ્રશ્ય જોવા મળ્યો.જેમાં પરંપરા અને આધુનિક વિચારસરણી બંનેનું સુંદર મિશ્રણ હતું. સામાન્ય રીતે, વરરાજા લગ્નની જાન લઈને ઘોડા પર સવાર થઈને દુલ્હન લેવા જાય છે પરંતુ અહી દુલ્હન વરરાજાની જેમ ઘોડા પર સવાર થઈને જાન લઈને પહોંચે છે. જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે. રાજસ્થાની શ્રીમાળી બ્રાહ્મણ સમુદાયમાં આ વિધિ "દુલ્હન કી બંદોલી" તરીકે ઓળખાય છે.
દુલ્હન જાન લઈને વરરાજાના ઘરે પહોંચી
આ અનોખી ધાર્મિક વિધિમાં, કન્યા, વરરાજાની જેમ શાહી પોશાક પહેરીને, ઘોડા પર સવારી કરતી હતી. ઢોલના નાદ અને પરિવારના સભ્યોના ઉત્સાહની વચ્ચે કન્યાની જાન વરરાજાના ઘર તરફ આગળ વધતી હતી, ત્યારે દ્રશ્ય એક પ્રાચીન "સ્વયંવર" જેવું લાગતું હતું. સમગ્ર વાતાવરણ એક પ્રાચીન સ્વયંવર જેવું લાગતું હતું. સમુદાયના સભ્યોએ સમજાવ્યું કે આ ધાર્મિક વિધિ પુત્રો અને પુત્રીઓ બંને માટે સમાન આદરનું પ્રતીક છે.
મહિલાઓએ શુભ ગીતો ગાઈને કન્યાનું સ્વાગત કર્યું
જેમ દીકરાના લગ્નની જાન નિકળે છે તેમ દીકરીઓને પણ એ જ આદર આપવામાં આવે છે. જ્યારે કન્યાની જાન
વરરાજાના ઘરે પહોંચે છે, ત્યારે વરરાજાની માતા અને પરિવારની અન્ય મહિલાઓ શુભ ગીતો ગાય છે અને કન્યાનું સ્વાગત કરીને આરતી કરે છે. ત્યારબાદ વરરાજાના પરિવાર દ્વારા કન્યાને લગ્નનો લહેંગો અને સાડી ભેટમાં આપવામાં આવે છે. કન્યા આ પહેરીને મંડપમાં બેસે છે.
પરંપરાનું મહત્વ
ગૌરી પૂજન પછી કરવામાં આવતી આ વિધિ માત્ર પરંપરાઓને જીવંત રાખે છે એટલું જ નહીં, પરંતુ સમાજને સંદેશ પણ આપે છે કે છોકરીઓને પણ છોકરાઓ જેટલો જ ખુશી અને સન્માનનો અધિકાર છે. આ લગ્નની એક ખાસ વાત એ છે કે જ્યારે લગ્નની વિધિઓનો સમય આવે છે, ત્યારે વરરાજા શરૂઆતના ચાર ફેરા દરમિયાન કન્યાને પોતાના ખોળામાં લઈ જાય છે.
આ પણ વાંચો: Viral Video: વિદ્યાર્થિનીઓને જે થાળીઓમાં ભોજન પીરસાતું તે શ્વાન ચાટતો જોવા મળ્યો, વીડિયો વાયરલ થતાં..!