Mahakumbh 2025 : વાયરલ મોનાલિસાને મોં પર માસ્ક અને આંખો પર ચશ્મા પહેરવાની ફરજ પડી

• વાદળી આંખો અને સાદગીને કારણે ઇન્ટરનેટ વાયરલ
• ગુસ્સામાં યુટ્યુબરનો મોબાઈલ તોડી નાખ્યો
• તે માળા વેચી શકી ન હતી તેથી તે મહાકુંભ છોડીને ચાલી ગઈ

ઉત્તર પ્રદેશના પ્રયાગરાજમાં ભવ્ય મહાકુંભ મેળો 2025 ચાલી રહ્યો છે, જે 26 ફેબ્રુઆરીએ મહા શિવરાત્રીના શુભ અવસર પર સમાપ્ત થશે. મહાકુંભને લગતા ઘણા વીડિયો સોશિયલ મીડિયા પર સામે આવી રહ્યા છે, જેમાં બાબા દ્વારા યુટ્યુબરને માર મારતા તથા IIT બાબાની માહિતીપ્રદ ક્લિપ પણ સામેલ છે. જોકે, એક વધુ ચહેરો ઇન્ટરનેટ પર ધૂમ મચાવી રહ્યો છે અને તે છે ઇન્દોરની માળા વેચનાર મોનાલિસા.

મોનાલિસા તેની વાદળી આંખો અને સાદગીને કારણે ઇન્ટરનેટ વાયરલ

મોનાલિસા તેની વાદળી આંખો અને સાદગીને કારણે ઇન્ટરનેટ વાયરલ થઇ રહી છે. પરંતુ જ્યારે યુટ્યુબર્સ અને ઇન્ફલૂએન્સર્સની ભીડ તેની સુંદરતાને કેદ કરવા માટે મેળામાં તેને ફોલો કરવા લાગી, ત્યારે તે એટલી ગુસ્સે થઈ ગઈ કે તેણે પોતાનો ચહેરો છુપાવવા માટે માસ્ક પહેરવુ પડ્યુ હતુ. એટલું જ નહીં, તે મેળો પણ છોડી ગઇ છે. એક ક્લિપમાં, તે કેમેરાથી નારાજ થઈને એક પુરુષનો મોબાઈલ ફોન છીનવીને જમીન પર ફેંકતી જોવા મળે છે.

વ્યથિત મોનાલિસાએ મોબાઇલ તોડી નાખ્યો

આ વીડિયો 19 જાન્યુઆરીના રોજ ઇન્સ્ટાગ્રામ હેન્ડલ @laxmi_nath_official2 પરથી પોસ્ટ કરવામાં આવ્યો હતો. તેણે કેપ્શનમાં લખ્યું - મુશ્કેલીમાં મુકાયેલી મોનાલિસાએ તેનો મોબાઈલ તોડી નાખ્યો. વાયરલ ક્લિપમાં જોઈ શકાય છે કે યુટ્યુબર્સ અને લોકોના ટોળાએ મોનાલિસાને ઘેરી લીધી છે. તે પોતાનો ચહેરો છુપાવતી જોવા મળે છે. લોકો કેમેરા સામે રાખીને ફરતા હોય છે. જ્યારે લોકોને ના પાડવા છતાં વીડિયો બનાવવાનું બંધ કરતા નથી, ત્યારે મોનાલિસા એક વ્યક્તિ પાસેથી ફોન છીનવી લે છે અને તેને જમીન પર ફેંકી દે છે. વીડિયોમાં લોકો એમ કહેતા સાંભળી શકાય છે કે મોનાલિસા મોબાઈલ તોડી રહી છે.

તે માળા વેચી શકી ન હતી તેથી તે મહાકુંભ છોડીને ચાલી ગઈ

આ વીડિયો @rakesh.bharti.vlogs દ્વારા પોસ્ટ કરવામાં આવ્યો હતો અને તેણે લખ્યું હતું - મોનાલિસા, તે છોકરી જે મહાકુંભમાં પોતાની સુંદર આંખોના હાવભાવથી વાયરલ થઈ હતી. તમને જણાવી દઈએ કે મોનાલિસા સાથે સેલ્ફી લેવાની લોકોની ઈચ્છા એટલી વધી ગઈ હતી કે તે માળા પણ વેચી શકતી નહોતી. આ કારણે પરિવારે મોનાલિસાને તેના ઘરે પાછી મોકલવાનો નિર્ણય કર્યો. જોકે, મોનાલિસાની બે બહેનો હજુ પણ મહાકુંભમાં માળા વેચી રહી છે, જેમાંથી એકને લોકો મોનાલિસા માને છે!