આ બે દિવસીય કાર્યક્રમમાં 19.70 લાખથી વધુ બાળકો અને 17.59 લાખથી વધુ વાલીઓએ ઉત્સાહપૂર્વક સહભાગી બનીને નવો રેકોર્ડ બનાવ્યો.

પ્રથમ દિવસે 3 થી 6 વર્ષના બાળકો માટે પ્રવૃત્તિઓ યોજાઈ, જ્યારે બીજા દિવસે નવા પ્રવેશપાત્ર 2 થી 3 વર્ષના બાળકો અને વાલીઓને માર્ગદર્શન અપાયું.

આંગણવાડી કેન્દ્રોમાં કાગળના માસ્ક, ફોટો ફ્રેમ અને વિવિધ હસ્તકળાની પ્રવૃત્તિઓ દ્વારા બાળકોની સર્જનાત્મકતાને એક નવું મંચ મળ્યું.

મહિલા અને બાળ વિકાસ વિભાગનો આ સરાહનીય પ્રયાસ આંગણવાડીમાં પૂર્વ પ્રાથમિક શિક્ષણના મહત્વને વાલીઓ સુધી પહોંચાડવામાં સફળ રહ્યો.