આજે રાજ્યનાં અનેક ભાગોમાં કમોસમી વરસાદ થતાં લોકોને ગરમીથી રાહત થઈ છે. 

બીજી તરફ જગતનાં તાતની ચિંતા વધી છે. કેરી, જુવાર, બાજરી સહિતનાં પાકને નુકસાનની ભીતિ છે. 

હવામાન વિભાગ દ્વારા આગામી બે દિવસ માટે એલર્ટ જાહેર કરવામાં આવ્યું છે. 

કચ્છ, બનાસકાંઠા, સાબરકાંઠા, પાટણ માટે ઓરેન્જ એલર્ટ જાહેર કરવામાં આવ્યું છે. 

અમદાવાદ, ગાંધીનગર, મહેસાણા, અમરેલી, ખેડા સહિતનાં જિલ્લાઓમાં ઓરેન્જ એલર્ટ જાહેર કરાયું છે.  

જુનાગઢ, અમરેલી, ભાવનગર, ભરૂચ, છોટા ઉદેપુર, ગીર સોમનાથમાં પણ એલર્ટ જાહેર કરાયું છે.

વીજળીનાં કડાકા-ભડાકા સાથે 62 થી 87 કિમી પ્રતિકલાકે પવન ફૂંકાવાની આગાહી છે.

જ્યારે, રાજ્યનાં અન્ય વિસ્તારોમાં પણ યલો એલર્ટની હવામાન વિભાગે આગાહી કરી છે.