બોમ્બની ધમકી મળતા જ હજારો વિદ્યાર્થીઓ અને વાલીઓમાં ગભરાટ ફેલાય છે. શાળાઓમાં તાત્કાલિક રજા આપી દેવી પડે છે અને શિક્ષણ કાર્ય ખોરવાય છે.

ધમકી મળતાની સાથે જ સ્થાનિક પોલીસ, બોમ્બ સ્ક્વોડ (BDDS) અને ડોગ સ્ક્વોડ ઘટનાસ્થળે પહોંચીને કલાકો સુધી સર્ચ ઓપરેશન હાથ ધરે છે.

રાહતની વાત એ છે કે અત્યાર સુધી મળેલી તમામ ધમકીઓ માત્ર અફવા સાબિત થઈ છે, કોઈ પણ જગ્યાએથી શંકાસ્પદ વસ્તુ મળી આવી નથી.

ગુજરાત સાયબર ક્રાઈમ અને ક્રાઈમ બ્રાન્ચ આ ઈમેલના મૂળ સુધી પહોંચવા માટે આંતરરાષ્ટ્રીય એજન્સીઓની મદદ લઈ રહી છે : સૂત્ર

નિષ્ણાતો માને છે કે વારંવારની આવી ધમકીઓથી બાળકોના મન પર નકારાત્મક અસર પડે છે અને તેઓ શાળાએ જતાં ડર અનુભવે છે.

પોલીસે સ્પષ્ટતા કરી છે કે અફવા ફેલાવનારા કે ખોટી ધમકી આપનારાઓને છોડવામાં આવશે નહીં અને તેમની સામે કડક IPC ની કલમો હેઠળ ગુનો નોંધવામાં આવશે.

તંત્ર દ્વારા વાલીઓને વિનંતી કરવામાં આવી છે કે તેઓ અફવાઓથી દૂર રહે, સોશિયલ મીડિયા પર પુષ્ટિ વગરની માહિતી શેર ન કરે અને પોલીસને સહકાર આપે.