ટિફની ટ્રમ્પે નવી દિલ્હીમાં આવેલા વિશ્વવિખ્યાત બીએપીએસ (BAPS) સ્વામિનારાયણ અક્ષરધામ મંદિર પરિસરની મુલાકાત લીધી હતી.

મંદિરના વિશાળ અને અદભૂત સ્થાપત્ય-સૌંદર્યને નિહાળી ટિફની ટ્રમ્પ આશ્ચર્યચકિત થઈ ગયા હતા.

ભારતીય પરંપરાગત કળા અને પથ્થર પરની ઝીણવટભરી કોતરણી જોઈને તેઓ મંત્રમુગ્ધ થઈ ગયા હતા.

આ દંપતીએ મંદિરના પવિત્ર જલાભિષેક વિધિમાં ભાગ લીધો હતો અને શાંતિપૂર્ણ પ્રાર્થના અર્પણ કરી હતી.

મંદિર પરિસરમાં આયોજિત સાંસ્કૃતિક બોટ-રાઈડનો અનોખો અનુભવ પણ તેમણે માણ્યો હતો.

ટિફનીએ લખ્યું, "આ મુલાકાત અત્યંત અદ્ભુત રહી. અહીંની સુંદરતા અલૌકિક છે."

ટિફની ટ્રમ્પે સોશિયલ મીડિયા પર આ મુલાકાતને 'અવિસ્મરણીય' ગણાવી ભારતની સમૃદ્ધ ધરોહર પ્રત્યે આદર વ્યક્ત કર્યો.