સર ટ્રેનમાં કોઈ બોંબ લઈને જઈ રહ્યું છે અને બાળકો પકડી રાખ્યા છે, રેલ્વે કંટ્રોલ રૂમમાં મેસેજ મળતા દોડધામ

ટ્રેનના કોચ નંબર એસ-3મા સીટ નંબર 63 પર મેસેજ કરનાર યુવક મળી આવતા તેની પૂછપરછ કરવામાં આવી હતી. તેની સાથેના યુવકે ટીકિટ બતાવતા બન્ને મુસાફરો મેડતા રેલ્વે સ્ટેશનથી દાદર રેલ્વે સ્ટેશન સુધીની ટીકિટ લીધી હતી. મેસેજ કરનાર યુવકને સાબરમતી રેલ્વે પોલીસ મથકે લાવી પૂછપરછ કરવામાં આવી હતી. યુવકનુ નામ દેવેન્દ્રસિંહ રાઠોડ અને તે મૂળ રાજસ્થાનનો અને હાલ સુરતમાં રહેતો હોવાની કબૂલાત કરી હતી. વધુ પૂછપરછ કરતા તેણે જણાવ્યું હતું કે તે પોતાના મિત્ર નેમીચંદ કડવા સાથે જોધપુર સુપરફાસ્ટ ટ્રેનમાં ઘાંચીપુરથી મેડતા જતા હતા, જે દરમિયાન ટ્રેનના ટોઈલેટ પાસે એક રેલ્વે કંટ્રોલનો નંબર મળ્યો હતો અને તે નંબર ઉપર મજાક મજાકમાં બોંબ સંબંધે અફવાનો મેસેજ આરોપી મુસાફરે કર્યો હતો. જે બાદ B.D.D.S  ટીમે ટ્રેનમાં તપાસ કરતા કોઈ પણ વાંધાજનક બોંબ કે વસ્તુ મળી આવી નહોતી.

આ મામલે સાબરમતી રેલ્વે પોલીસ મથકે યુવક સામે ખોટો મેસેજ કરી લોકોમાં ભયનો અને ગભરાટનો માહોલ ઉભો થાય અને અંશાતિ ઉભી કરવા મામલે ગુનો નોંધાતા પોલીસે તેની ધરપકડ કરી છે  અને આરોપીની પૂછપરછ હાથ ધરી છે.