Bhavnagar: સામાન્ય બોલાચાલીમાં એક્સ આર્મીમેને કર્યું ફાયરિંગ, મામલો પોલીસ મથકે પહોંચ્યો
- ભાવનગર (Bhavnagar) શહેરમાં મોડી રાત્રે બે રાઉન્ડ ફાયરિંગની ઘટના બની
- સામાન્ય બોલાચાલીમાં નયનસિંહ ડોડીયા નામના વ્યક્તિએ કર્યું ફાયરિંગ
- Ex આર્મી મેન નયનસિંહે લાયસન્સ વાળી ગનમાં થી કર્યું ફાયરિંગ
- ગોહિલ શક્તિસિંહ ભરતસિંહ , જાડેજા ધ્રુવરાજસિંહ ચંદ્રસિંહ થયા ઇજાગ્રસ્ત
- બોરતળાવ પોલીસ સ્ટેશનમાં નોંધાઈ ફરિયાદ
Bhavnagar: ભાવનગર (Bhavnagar) શહેરના ફુલસર વિસ્તારમાં આવેલા કર્મચારીનગરમાં મોડી રાત્રે બે રાઉન્ડ ફાયરિંગની ચોંકાવનારી ઘટના બની હતી. આ ઘટનામાં એક્સ આર્મીમેન નયનસિંહ ડોડિયાએ લાઇસન્સવાળી પિસ્તલમાંથી હવામાં ગોળીબાર કર્યો હોવાનો આક્ષેપ છે.
ભાવનગરમાં (Bhavnagar) મોડી રાત્રે બે રાઉન્ડ ફાયરિંગની ઘટના
મળતી માહિતી મુજબ ગત રાત્રિના સમયે ગોહિલ શક્તિસિંહ ભરતસિંહ અને જાડેજા ધ્રુવરાજસિંહ ચંદ્રસિંહ કાર લઈને પસાર થઈ રહ્યા હતા. આ દરમિયાન કાર ઝડપી હોવાની બોલાચાલી નયનસિંહ ડોડિયા સાથે થઈ હતી ત્યારે ગુસ્સે ભરાયેલા નયનસિંહે દારૂની હાલતમાં પોતાની લાઇસન્સવાળી ગન કાઢીને પહેલા એક અને પછી બીજો રાઉન્ડ હવામાં ફાયર કર્યો હોવાનું કહેવાય છે.
બોરતળાવ પોલીસ સ્ટેશનમાં નોંધાઈ ફરિયાદ
આ ઘટનામાં ઝપાઝપી અને મારામારી પણ થઈ હતી, જેમાં શક્તિસિંહ ગોહિલ અને ધ્રુવરાજસિંહ જાડેજા ઈજાગ્રસ્ત થયા હતા. બંનેને સારવાર માટે હોસ્પિટલમાં ખસેડવામાં આવ્યા છે.આ ઘટનાની જાણ થતાંની સાથે જ બોરતળાવ પોલીસ સ્ટેશનનો સ્ટાફ ઘટનાસ્થળે પહોંચી ગયો હતો. નયનસિંહ ડોડિયા પણ પોતે પોલીસ સ્ટેશને પહોંચી ગયો હતો. બંને પક્ષકારોની ફરિયાદના આધારે પોલીસે ગુનો નોંધી વધુ તપાસ હાથ ધરી છે. આ ઘટનાથી વિસ્તારમાં ભયનો માહોલ સર્જાયો છે.
Bhavnagar | સામાન્ય બોલાચાલીમાં
EX આર્મીમેને કર્યુ ફાયરિંગ | Gujarat Firstભાવનગર શહેરમાં મોડી રાત્રે બે રાઉન્ડ ફાયરિંગની ઘટના
ફુલસર વિસ્તારમાં આવેલા કર્મચારીનગરની ઘટના
સામાન્ય બોલાચાલીમાં EX આર્મીમેને કર્યુ ફાયરિંગ
નયનસિંહ ડોડિયા નામના વ્યક્તિએ બે રાઉન્ડ ફાયરિંગ કર્યા
કાર… pic.twitter.com/IIdkXpIvkK— Gujarat First (@GujaratFirst) November 27, 2025
અહેવાલ: કૃણાલ બારડ
આ પણ વાંચો: Modasa : ગુરુ-શિષ્યના સંબંધને લાંછન લગાવતો કિસ્સો પ્રકાશમાં આવ્યો