રિલાયન્સ 'ગેસ ચોરી'ના આરોપમાંથી 'નિદોર્ષ', દિલ્હી હાઈકોર્ટે સરકારની અરજી ફગાવી
દિલ્હી હાઈકોર્ટ તરફથી આજે સરકારને મોટો ઝટકો લાગ્યો છે. સરકારે રિલાયન્સ ઇન્ડસ્ટ્રીઝ અને તેના ભાગીદારો સામે અરજી દાખલ કરી હતી, જેને હાઇકોર્ટે ફગાવી દીધી હતી. હકીકતમાં, સરકારે તેની અરજીમાં આરોપ મૂક્યો હતો કે રિલાયન્સ ઇન્ડસ્ટ્રીઝે તેની ભાગીદાર કંપનીઓ સાથે મળીને KG બેસિનમાં ONGCના કૂવામાંથી ગેસની 'ચોરી' કરી હતી. આ વિસ્તારમાં ગેસ કાઢવા માટે રિલાયન્સ ઇન્ડસ્ટ્રીઝ બ્રિટનની બીપી અને કેનેડાની નિકો રિસોર્સિસ સાથે મળીને કામ કરે છે.
જસ્ટિસ અનૂપ જયરામ ભંભાણીએ કેસની સુનાવણી કરતી વખતે સિંગાપોર ઇન્ટરનેશનલ આર્બિટ્રેશનના 24 જુલાઈ 2018ના નિર્ણયને માન્ય રાખ્યો હતો. સિંગાપોરની આંતરરાષ્ટ્રીય આર્બિટ્રેશન કોર્ટે આ મામલે રિલાયન્સ ઈન્ડસ્ટ્રીઝની આગેવાની હેઠળના કંપની જૂથની તરફેણમાં ચુકાદો આપ્યો હતો. પોતાની અરજીમાં સરકારે આર્બિટ્રેશન કોર્ટના જ નિર્ણયને પડકાર્યો હતો. સરકારનો આરોપ છે કે આ નિર્ણય જાહેર નીતિ પર હુમલો છે. ઉપરાંત, આ કોન્ટ્રાક્ટર રિલાયન્સ 'છેતરપિંડી' અને ગુનાહિત કૃત્યો કરવા છતાં સારી રકમ કમાવવા માટે પ્રીમિયમ ચૂકવે છે.
વર્ષ 2014માં કેન્દ્ર સરકારે આરઆઈએલને તેના બ્લોકને અડીને આવેલા ઓએનજીસીના બે બ્લોકમાંથી ખોટ ગેસના ડ્રેઇનિંગ અને સેલિંગ મારફતે કરવામાં આવેલા ખોટા સંપત્તિ સર્જન પેટે 1.47 અબજ ડોલર ચૂકવવા માટે જણાવ્યું હતું. તેણે જણાવ્યું હતું કે, આ બ્લોક્સમાંથી ગેસ ઉત્પાદન માટે આરઆઈએલને અધિકાર નથી. તેણે આ માટે કેન્દ્ર સરકારની મંજૂરી પણ નથી માગી. પાછળથી તે જ વર્ષે ઓએનજીસીએ તેના બ્લોક્સમાંથી આરઆઈએલ ગેસ ઉત્પાદન કરી રહ્યું હોવાની દિલ્હી હાઈકોર્ટમાં ફરિયાદ કરી હતી.
સિંગાપુર ટ્રિબ્યનલે જણાવ્યું હતું કે, જ્યાં સુધી ગેસનું ઉત્પાદન કોન્ટ્રેક્ટ એરિયામાંથી થઈ રહ્યું હોય ત્યાં સુધી તેનો સ્રોત કોઈપણ હોય પ્રોડક્શન શેરિંગ કોન્ટ્રેક્ટ (PSC) ગેસના ઉત્પાદન પર પ્રતિબંધની છૂટ આપતો નથી. તેણે જણાવ્યું હતું કે કોન્સોર્ટિયમ કોઈપણ પ્રકારના ડયૂઝ ચૂકવવા માટે જવાબદાર નથી. ઉપરાંત, તેણે કેન્દ્ર સરકારને જણાવ્યું હતું કે, આર્બિટ્રેશનના ખર્ચ પેટે તે કોન્સોર્ટિયમને 83 કરોડ ડોલર ચૂકવે. કોન્સોર્ટિયમમાં યુકે-સ્થિત બીપી પીએલસી અને કેનેડાની નીકો રિસોર્સિઝનો સમાવેશ થાય છે.
આ પણ વાંચો : GPSC પરીક્ષા મામલે હાઇકોર્ટમાં સુનાવણી, અરજદારોને મેઈન્સ પરીક્ષા આપવા કર્યો હુકમ