ATM Fee :1 મેથી ATM માંથી પૈસા ઉપાડવા થશે મોંઘા! લાગશે આટલો ટેક્સ

• ATM માંથી પૈસા ઉપાડવા થશે મોંઘા
• પૈસા ઉપાડતા હવે 19 રૂપિયા લાગશે ટેક્સ
• બેલેન્સ ચેક કરવા હવે 7 રૂપિયા ચકવવા પડશે

ATM Fee: જો તમને વારંવાર ATM માંથી પૈસા ઉપાડવાની આદત હોય તો તમારે થોડા દિવસોમાં આ આદત સુધારી લેવી જોઈએ.ખરેખર 1મેથી ATM માંથી પૈસા ઉપાડવા મોંઘા થવા જઈ રહ્યા છે.તમને જણાવી દઈએ કે રિઝર્વ બેંક ઓફ ઈન્ડિયા (RBI) એ બેંકોને ATM ઇન્ટરચેન્જ ફી વધારવાની મંજૂરી આપી છે, જેના કારણે જો હોમ બેંક નેટવર્કની બહારના ATMમાંથી કોઈ ઉપાડ કરવામાં આવે છે અથવા બેલેન્સ ચેક કરવામાં આવે છે, તો તે તમને પહેલા કરતા થોડો વધુ ખર્ચ કરશે.

ATM ચાર્જ કેટલો વધશે?

પહેલાં,જ્યારે તમે તમારા હોમ બેંકના ATM ને બદલે બીજી બેંકના ATM માંથી પૈસા ઉપાડતા હતા.ત્યારે તમારે 17 રૂપિયા ચૂકવવા પડતા હતા.જે હવે 19 રૂપિયા થઈ ગયા છે. જ્યારે અન્ય બેંકના ATM માંથી બેલેન્સ ચેક કરવા માટે પહેલા 6 રૂપિયા ચૂકવવા પડતા હતા જે હવે વધારીને 7 રૂપિયા કરવામાં આવ્યા છે.

આ પણ  વાંચો -Share Market : દિવસ ભરની વધઘટ બાદ બજારનું લીલા નિશાનમાં Closing

આ મફત વ્યવહાર મર્યાદા છે.

ટ્રાન્ઝેક્શન ફી ફક્ત અન્ય બેંકના ATM માંથી જ લેવામાં આવશે.જ્યારે તમે મફત વ્યવહાર મર્યાદા ઓળંગો છો.તમને જણાવી દઈએ કે મેટ્રો શહેરોમાં, હોમ બેંક સિવાય અન્ય બેંકોના ATM માંથી મફત વ્યવહારોની મર્યાદા 5 છે,જ્યારે નોન-મેટ્રો શહેરોમાં મફત વ્યવહારોની મર્યાદા 3 છે.RBI એ નેશનલ પેમેન્ટ કોર્પોરેશન ઓફ ઈન્ડિયા (NTPC) દ્વારા મોકલવામાં આવેલા ATM ફીમાં વધારો કરવાના પ્રસ્તાવને મંજૂરી આપી દીધી છે.આ નિર્ણય એવા સમયે લેવામાં આવ્યો છે જ્યારે વ્હાઇટ લેબલ એટીએમ ઓપરેટરો ફી વધારવાની વાત કરી રહ્યા હતા.અને દલીલ કરી રહ્યા હતા કે વધતા ઓપરેશનલ ખર્ચને કારણે જૂની સુવિધામાં સેવા પૂરી પાડવી મુશ્કેલ છે.

આ પણ  વાંચો -Adani Group : વર્ષ 2025ની શરૂઆતમાં કંપનીના શેરમાં ભારે ઘટાડો

વ્હાઇટ લેબલ એટીએમ શું છે?

નાના શહેરો અને ગામડાઓમાં એટીએમ સુવિધાઓ ઉપલબ્ધ કરાવવા માટે, આરબીઆઈએ એટીએમ પેમેન્ટ એન્ડ સેટલમેન્ટ સિસ્ટમ એક્ટ 2007 હેઠળ એવા સ્થળોએ એટીએમ લગાવવાની મંજૂરી આપી છે.જ્યાં કોઈપણ બેંકનું બોર્ડ નથી.આ ATM માંથી ડેબિટ અને ક્રેડિટ કાર્ડનો ઉપયોગ કરીને પૈસા ઉપાડી શકાય છે. આ સાથે, બિલ ચુકવણી, મીની સ્ટેટમેન્ટ,ચેક બુક વિનંતી,રોકડ ડિપોઝિટ જેવી સુવિધાઓ પણ ઉપલબ્ધ છે.