નહીં ઘટે તમારા લોનની EMI, RBIએ રેપો રેટ યથાવત્ રાખ્યો

• 5.50 ટકા પર રેપો રેટ યથાવત્
• વિકાસ દર 6.8 ટકા રહેશેઃ RBI
• ટેરિફ, વેપાર નીતિની અસર પડશે

સામાન્ય જનતાને ઝટકો આપતા RBI એ રેપો રેટમાં કોઈ ફેરફાર ન કરવાનો નિર્ણય લીધો છે. આનો અર્થ એ થયો કે હોમ લોન અને અન્ય રિટેલ લોન માટે EMI યથાવત રહેશે. આ સતત બીજી વખત છે જ્યારે RBI એ વ્યાજ દરમાં કોઈ ફેરફાર કર્યો નથી. હાલનો RBI રેપો રેટ 5.50 ટકા છે. ઘણા અર્થશાસ્ત્રીઓએ અપેક્ષા રાખી હતી કે RBI રેપો રેટમાં 0.25 ટકાનો ઘટાડો કરીને બધાને આશ્ચર્યચકિત કરશે.

ચાલુ નાણાકીય વર્ષ માટે ફુગાવાનો અંદાજ 0.50 ટકા ઘટાડી દેવામાં આવ્યો

RBI ગવર્નરે જણાવ્યું હતું કે ચાલુ નાણાકીય વર્ષ માટે ફુગાવાનો અંદાજ 0.50 ટકા ઘટાડી દેવામાં આવ્યો છે, જેના કારણે દેશનો ફુગાવાનો અંદાજ 2.6 ટકા થયો છે. ઓગસ્ટની બેઠકમાં આ અંદાજ 3.1 ટકા નક્કી કરવામાં આવ્યો હતો, જે અગાઉ 3.7 ટકા હતો. આ સૂચવે છે કે RBI સતત તેના ફુગાવાના અંદાજમાં ઘટાડો કરી રહી છે. ચાલુ નાણાકીય વર્ષમાં ભારતનો વિકાસ દર 6.8 ટકા રહેવાની ધારણા છે. અગાઉ RBI એ 6.5 ટકાનો અંદાજ લગાવ્યો હતો.

આ વર્ષે રેપો રેટમાં 100 બેસિસ પોઈન્ટ સુધીનો ઘટાડો કરવામાં આવ્યો હતો

RBI ગવર્નર સંજય મલ્હોત્રાની અધ્યક્ષતામાં મોનેટરી પોલિસી કમિટી (MPC) ની ત્રણ દિવસીય બેઠક બાદ, બુધવારે જાહેરાત કરવામાં આવી હતી કે વ્યાજ દર (રેપો રેટ) યથાવત રહેશે. આનો અર્થ એ થયો કે ઓગસ્ટ પછી, ઓક્ટોબર માટે રેપો રેટ 5.5 ટકા પર રહેશે. અગાઉ, આ વર્ષે રેપો રેટમાં 100 બેસિસ પોઈન્ટ સુધીનો ઘટાડો કરવામાં આવ્યો હતો.

RBI એ GDP વૃદ્ધિ દરમાં 6.8 ટકાનો વધારો થવાનો અંદાજ લગાવ્યો

જોકે, RBI એ GDP વૃદ્ધિ દરમાં 6.8 ટકાનો વધારો થવાનો અંદાજ લગાવ્યો છે. આ વર્ષે આ બીજી વખત છે જ્યારે રેપો રેટમાં કોઈ ફેરફાર કરવામાં આવ્યો નથી. યુએસ પ્રમુખ ડોનાલ્ડ ટ્રમ્પ દ્વારા આવશ્યક ચીજવસ્તુઓ પર વધારાના ટેરિફ લાદવામાં આવ્યા પછી RBI મોનેટરી કમિટીની આ એક મહત્વપૂર્ણ બેઠક હતી. બજાર વિશ્લેષકોએ પહેલાથી જ અપેક્ષા રાખી હતી કે, મજબૂત GDP વૃદ્ધિ દર અને નિયંત્રિત ફુગાવાને ધ્યાનમાં રાખીને, RBI બીજી વખત રેપો રેટને યથાવત રાખવાનો નિર્ણય લેશે.

આ પણ વાંચો: Chennai : થર્મલ પાવર પ્લાન્ટ દુર્ઘટનામાં 9 આસામી કામદારોના મોત; PM Modi અને CM સ્ટાલિને વળતરની જાહેરાત કરી