Personal Loan પર RBIનો નવો નિયમ, હવે સરળતાથી નહીં મળે લોન!

• RBI એ એક નવો નિયમ લાગુ કર્યો
• હવે15 દિવસની અંદર અપડેટ કરવાની રહેશે.
• લોન લેનારાઓને નિયંત્રિત કરવામાં મદદ મળશે.

Personal Loan Rule:હવે પર્સનલ લોન (Personal Loan) લેનારાઓ માટે મલ્ટીપલ લોન લેવી મુશ્કેલ બનશે. RBI એ એક નવો નિયમ લાગુ કર્યો છે, જે લોન લેવા અને આપવા બંનેમાં મોટો ફેરફાર લાવવા જઈ રહ્યો છે. આ નિયમ મુજબ, હવે લેન્ડર્સએ ક્રેડિટ બ્યૂરોમાં લોનની જાણકારી 1 મહિનાને બદલે 15 દિવસની અંદર અપડેટ કરવાની રહેશે. આનાથી લોન લેનારાઓને ડિફોલ્ટ અને પેમેન્ટ રેકોર્ડની સચોટ જાણકારી જલદી મળી શકશે. આનાથી લોન લેનારાઓના જોખમનું વધુ સારું મૂલ્યાંકન શક્ય બનશે અને મલ્ટીપલ લોન લેનારાઓને નિયંત્રિત કરવામાં મદદ મળશે.

મલ્ટીપલ લોન પર લાગશે રોક

ઓગસ્ટ 2024 માં જાહેર કરાયેલા નિર્દેશોને 1 જાન્યુઆરી, 2025 થી લાગુ કરવામાં આવ્યા છે. રિઝર્વ બેન્કનું માનવું છે કે આનાથી ધિરાણકર્તાઓને જોખમ મેનેજમેન્ટમાં મદદ મળશે. અત્યાર સુધી અલગ અલગ EMI ચુકવણી તારીખોને કારણે મહિનામાં એક વાર રિપોર્ટ કરવાથી ચુકવણી રેકોર્ડમાં 40 દિવસ સુધીનો વિલંબ થઈ શકે છે. પરંતુ હવે દર 15 દિવસે અપડેટ થવાથી આ વિલંબ સમાપ્ત થશે અને ધિરાણકર્તાઓને વાસ્તવિક સમયમાં માહિતી મળશે. એકંદરે હવે EMI રિપોર્ટિંગમાં વિલંબ ઓછો થશે અને પેમેન્ટ ડિફોલ્ટ વિશે સાચી માહિતી ઝડપથી ઉપલબ્ધ થશે.

આ પણ  વાંચો -Stock Market:શેરબજાર ખૂલતા જ કડાકો,સેન્સેક્સ આટલા પોઈન્ટ તૂટયો

મલ્ટીપલ લોન લેવાની આદત પર લાગશે લગામ

આ નિયમથી મલ્ટીપલ લોન લેવાની આદત પર પણ રોક લાગશે. નવા લોન લેનારાઓને ઘણી જગ્યાએથી વધુ લોન મળે છે જે તેમની ચુકવણી કરવાની ક્ષમતા કરતાં વધુ હોય છે. બેન્કોએ પોતે રેકોર્ડને વધુ વારંવાર અપડેટ કરવાનું સૂચન કર્યું હતું જેથી લોન લેનારાઓ વિશે સાચી માહિતી ઉપલબ્ધ થઈ શકે. હવે જો કોઈ વ્યક્તિ મલ્ટીપલ લોન લે છે અને તેની EMI અલગ અલગ તારીખે હોય છે તો તેની નાણાકીય પ્રવૃત્તિઓ 15 દિવસની અંદર ક્રેડિટ બ્યુરો સિસ્ટમમાં દેખાશે. આનાથી ધિરાણકર્તાઓને ધિરાણ લેનારાઓની નાણાકીય સ્થિતિ અંગે સચોટ અને તાજો ડેટા મળશે.

આ પણ  વાંચો -Stock Market:આ 5 કંપનીઓના શેર પર રાખો નજર, તેજીની શક્યતા!

'એવરગ્રીનિંગ' પર પ્રતિબંધ મૂકવામાં આવશે!

ધિરાણકર્તાઓનું માનવું છે કે આ ફેરફારથી 'એવરગ્રીનિંગ' જેવી પ્રવૃત્તિઓ પર રોક લાગશે. આમાં લોન લેનારાઓ જ્યારે જૂની લોન ચૂકવી શકતા નથી ત્યારે નવી લોન લે છે, જેના કારણે તેમની વાસ્તવિક સ્થિતિ છુપાયેલી રહે છે. રિપોર્ટિંગ સમય ઘટાડવાથી ક્રેડિટ બ્યુરો અને ધિરાણકર્તાઓને વધુ વિશ્વસનીય ડેટા મળશે અને લોન આપવાની પ્રણાલી મજબૂત બનશે. આરબીઆઈના આ નવા નિયમથી લોન આપવાની સિસ્ટમ વધુ પારદર્શક અને મજબૂત બનશે.લોન લેનારાઓ પર તેની શું અસર પડે છે તે જોવું રસપ્રદ રહેશે.