Share Market : સતત ઘટાડા બાદ શેરબજારમાં રિકવરી,સેન્સેકસ-નિફ્ટીમાં આટલા પોઈન્ટનો ઉછાળો
- શેરબજારમાં સારી તેજી જોવા મળી
- સેન્સેક્સમાં 539.83 પોઈન્ટનો ઉછાળો
- ભારતીય શેરબજારમાં તેજી ફરી આવી
Share Market : ઘણા દિવસોની સુસ્તી પછી આજે શેરબજારમાં સારી તેજી જોવા મળી. BSE સેન્સેક્સ (Sensex Today)539.83 પોઈન્ટ વધીને 82,726.64 પોઈન્ટ પર બંધ થયો. તે જ સમયે, NSE નિફ્ટી 159.00 પોઈન્ટ વધીને 25,219.90 પોઈન્ટ પર પહોંચ્યો. સેન્સેક્સમાં સમાવિષ્ટ 30 કંપનીઓમાંથી, ટાટા મોટર્સ, મારુતિ, એટરનલ (અગાઉ ઝોમેટો), રિલાયન્સ, અદાણી પોર્ટ્સ અને ભારતી એરટેલના શેર સૌથી વધુ વધ્યા. જોકે, ટાઇટન, ટાટા સ્ટીલ, ઇન્ફોસિસ વગેરેમાં ઘટાડો થયો. એશિયન બજારોમાં, જાપાનનો નિક્કી 225, ચીનનો શાંઘાઈ SSE કમ્પોઝિટ, હોંગકોંગનો હેંગ સેંગ અને દક્ષિણ કોરિયાનો કોસ્પી નફામાં હતો. મંગળવારે યુએસ બજારો સકારાત્મક વલણ સાથે બંધ થયા. આંતરરાષ્ટ્રીય સ્ટાન્ડર્ડ બ્રેન્ટ ક્રૂડ 0.23 ટકા વધીને $68.75 પ્રતિ બેરલ પર બંધ થયો.
આના કારણે શેરબજારમાં તેજી ફરી આવી
શેરબજારના નિષ્ણાતોના મતે, HDFC બેંક, ICICI બેંક, ભારતી એરટેલ, રિલાયન્સ ઇન્ડસ્ટ્રીઝ અને ઇન્ફોસિસ સહિતના પસંદગીના મોટા શેરોમાં ખરીદીને કારણે ભારતીય શેરબજારમાં તેજી ફરી આવી. બીજી તરફ, યુએસ રાષ્ટ્રપતિ ડોનાલ્ડ ટ્રમ્પે જાપાન સાથે વેપાર કરારની જાહેરાત કર્યા પછી, સકારાત્મક વૈશ્વિક સંકેતોએ પણ બજારને મજબૂત બનાવ્યું. ટ્રમ્પે કહ્યું કે યુએસ અને જાપાને એક વેપાર કરારને અંતિમ સ્વરૂપ આપ્યું છે, જેના હેઠળ યુએસમાં જાપાની આયાત પર 15 ટકા ટેરિફ લાદવામાં આવશે. જાપાન સાથેના આ કરારથી આશા જાગી છે કે યુએસ ટૂંક સમયમાં ભારત અને ચીન સહિત અન્ય મુખ્ય અર્થતંત્રો સાથે કરાર કરી શકે છે.
આ પણ વાંચો -ED એ Myntra સામે કરી મોટી કાર્યવાહી , FEMA હેઠળ કેસ નોંધ્યો
સેન્સેક્સમાં મિશ્ર ટ્રેડિંગ
ગઈકાલે મંગળવારે ખાનગી બેંકો અને Eternal (Zomato) ના મજબૂત પ્રથમ ક્વાર્ટરના પરિણામોને કારણે સેન્સેક્સમાં મિશ્ર ટ્રેડિંગ થયું હતું. બજાર શરૂઆતમાં ઝડપથી આગળ વધ્યું હતું પરંતુ બાદમાં બજાર સ્થિર થયું હતું. ગઈકાલે Paytm, KEI Industries, Dixon Tech અને Dalmia Bharat એ મજબૂત વૃદ્ધિ નોંધાવી હતી. ગઈકાલે IRFC પણ ખૂબ જ મજબૂત સ્થિતિમાં હતો. ગતરોજની આ અસરને પરિણામે આજે નિફ્ટીમાં ડો. રેડ્ડીઝ, ઈન્ફોસિસ અને ટાટા કન્ઝ્યુમરના પરિણામો આવશે. બજાર F&O માં Oracle, Syngene, Coforge, Persistent અને SRF ના પરિણામો પર ખાસ નજર રાખશે. બીજી તરફ દેશની સૌથી મોટી ડિપોઝિટરી NSDL નો IPO આવતા અઠવાડિયે આવી શકે છે. કંપની 4000 કરોડ રૂપિયાની સેલિંગ ઓફર કરશે.