Share Market : શેરબજાર તેજી સાથે બંધ સેન્સેક્સમાં આટલા પોઈન્ટનો ઉછાળો
- ભારતીય શેરબજારે સોમવારે નોંધપાત્ર વધારો (Share Market)
- મારુતિ સુઝુકીના શેરમાં તોફાની ઉછાળો
- સેન્સેક્સ 676.09 પોઈન્ટનો ઉછાળો
Share Market : ભારતીય શેરબજારે (Share Market)સોમવારે નોંધપાત્ર વધારા સાથે બંધ થયું, જેમાં ઘણા સકારાત્મક પરિબળોએ બજારના સેન્ટિમેન્ટને ઉત્સાહિત કર્યું. BSE સેન્સેક્સ (sensex) 676.09 પોઈન્ટ (0.84%) ઉછળીને 81,273.75 પોઈન્ટ પર બંધ થયો, જ્યારે NSE નિફ્ટી 50 ઇન્ડેક્સ 245.65 પોઈન્ટ (1.00%) વધીને 24,876.95 પોઈન્ટ પર સ્થિર થયો. ટ્રેડિંગ દરમિયાન, સેન્સેક્સ 81,765.77 અને નિફ્ટી(nifty) 25,022.00 પોઈન્ટની ઊંચી સપાટીએ પહોંચ્યા હતા, પરંતુ દિવસના અંતે પ્રોફિટ બુકિંગને કારણે થોડો ઘટાડો જોવા મળ્યો
મારુતિ સુઝુકીના શેરમાં તોફાની ઉછાળો
મારુતિ સુઝુકી(maruti suzuki)ના શેરે આ દિવસે સેન્સેક્સની કંપનીઓમાં સૌથી વધુ 8.94%નો ઉછાળો નોંધાવ્યો, જેની કિંમત ₹13,966.85ની 52-સપ્તાહની ઊંચી સપાટીએ પહોંચી અને આખરે ₹13,935.00 પર બંધ થઈ. આ વધારાનું મુખ્ય કારણ સરકાર દ્વારા પ્રસ્તાવિત GST રિફોર્મ્સ હતા, જેમાં નાની કારો (1,200 ccથી નીચે) અને હાઇબ્રિડ વાહનો (1,200 cc પેટ્રોલ અને 1,500 cc ડીઝલ) પર GST દર 28%થી ઘટાડીને 18% કરવાની યોજના છે. આ ઘટાડાથી વાહનોની કિંમતો ઘટવાની અને ખાસ કરીને દિવાળીની સીઝનમાં માંગમાં 15-20%નો વધારો થવાની અપેક્ષા છે, જે મારુતિ સુઝુકી જેવી કંપનીઓ માટે ફાયદાકારક છે, જે ભારતના પેસેન્જર કાર બજારમાં 40%થી વધુ હિસ્સો ધરાવે છે
આ પણ વાંચો -Stock Market Opening : આજે શરુઆતી કારોબારમાં ભારે ઉછાળો, સેન્સેક્સમાં 1100 પોઈન્ટનો વધારો
બજાજ ફાઇનાન્સ,અલ્ટ્રાટેક સિમેન્ટ સહિતના શેરમાં વધારો
બજાજ ફાઇનાન્સના શેર 5.02 ટકા, અલ્ટ્રાટેક સિમેન્ટ 3.71 ટકા, બજાજ ફિનસર્વ 3.70 ટકા, મહિન્દ્રા એન્ડ મહિન્દ્રા 3.54 ટકા, હિન્દુસ્તાન યુનિલિવર 3.46 ટકા, ટ્રેન્ટ 2.82 ટકા, એશિયન પેઇન્ટ્સ 2.29 ટકા, અદાણી પોર્ટ્સ 2.08 ટકા, ટાઇટન 1.86 ટકા, ટાટા મોટર્સ 1.78 ટકા, ટાટા સ્ટીલ 1.71 ટકા, એક્સિસ બેંક 1.26 ટકા, કોટક મહિન્દ્રા બેંક 1.13 ટકા, ભારતી એરટેલ 1.04 ટકા, પાવરગ્રીડ 0.76 ટકા, HDFC બેંક 0.62 ટકા, રિલાયન્સ ઇન્ડસ્ટ્રીઝ 0.52 ટકા, ICICI બેંક 0.51 ટકા અને SBIના શેર 0.04 ટકાના વધારા સાથે બંધ થયા.
આ પણ વાંચો -Gold Rate Today:સોનાનો ભાવમાં આજે વધારો થયો કે ઘટાડો? જાણો લેટેસ્ટ રેટ
માર્કેટમાં તેજીનું મુખ્ય કારણ
વડાપ્રધાન નરેન્દ્ર મોદીએ સ્વાતંત્ર્ય દિવસના ભાષણમાં GST રિફોર્મ્સનો ઉલ્લેખ કર્યો, જેમાં 12% અને 28% ટેક્સ સ્લેબ નાબૂદ કરીને મોટાભાગની વસ્તુઓ અને સેવાઓને 5% અને 18% સ્લેબમાં સ્થાનાંતરિત કરવાનો પ્રસ્તાવ છે. આ ઉપરાંત, લક્ઝરી વસ્તુઓ માટે નવો 40% સ્લેબ રજૂ થઈ શકે છે. ઓટોમોબાઈલ, ખાસ કરીને નાની કારો અને ટુ-વ્હીલર્સ પર GST ઘટાડવાની યોજના (28%થી 18%)એ ઓટો સેક્ટરમાં ઉત્સાહ જગાવ્યો
આ શેર ઘટાડા સાથે બંધ થયા
બજારમાં તેજી હોવા છતાં, આ શેર ઘટાડા સાથે બંધ થયા. બીજી તરફ, સોમવારે L&T ના શેર 1.18 ટકા, Eternal 1.16 ટકા, Tech Mahindra 1.02 ટકા, NTPC 0.91 ટકા, Infosys 0.82 ટકા, BEL 0.62 ટકા, Sun Pharma 0.62 ટકા, TCS 0.33 ટકા અને HCL Tech ના શેર 0.11 ટકાના ઘટાડા સાથે બંધ થયા.