Share Market : ઘટાડા બાદ શેરબજારમાં રિકવરી! sensex માં આટલા પોઈન્ટનો ઉછાળો
- ઘટાડા બાદ શેરબજાર રિકવરી
- sensex માં 317 પોઈન્ટનો ઉછાળો
- ટાટા મોટર્સના શેરમાં ભારે ઘટાડો
Share Market Closing: આજે ભારતીય શેરબજારમાં થોડી રિકવરી જોવા મળી. ગુરુવારે, BSE સેન્સેક્સ(sensex) 317.93 પોઈન્ટ (0.41%) વધીને 77,606.43 પર બંધ થયો. જ્યારે NSEનો nifty 50 ઇન્ડેક્સ 114.90 પોઈન્ટ (0.49%) ના વધારા સાથે 23,601.75 પોઈન્ટ પર બંધ થયો. તમને જણાવી દઈએ કે આજે બજાર ઘટાડા સાથે લાલ નિશાન પર ટ્રેડિંગ શરૂ કર્યું હતું. પરંતુ થોડા સમય પછી, ખરીદી વધતી ગઈ તે ગ્રીન ઝોનમાં આવી ગયું.સેન્સેક્સ 728.69 પોઈન્ટના ઘટાડા સાથે 77,288.50 પોઈન્ટ પર બંધ થયો હતો અને નિફ્ટી 181.80 પોઈન્ટના મોટા ઘટાડા સાથે 23,486.85 પોઈન્ટ પર બંધ થયો હતો.
ટાટા મોટર્સના શેરમાં ભારે ઘટાડો
ગુરુવારે,સેન્સેક્સની 30 માંથી 20 કંપનીઓના શેર વધારા સાથે લીલા રંગમાં બંધ થયા હતા અને બાકીની 10 કંપનીઓના શેર નુકસાન સાથે લાલ રંગમાં બંધ થયા હતા.બીજી તરફ નિફ્ટી ૫૦ ની 50 કંપનીઓમાંથી 38 કંપનીઓના શેર વધારા સાથે લીલા નિશાનમાં બંધ થયા હતા અને બાકીની 12 કંપનીઓના શેર નુકસાન સાથે લાલ નિશાનમાં બંધ થયા હતા.આજેસેન્સેક્સ કંપનીઓમાં, બજાજ ફિનસર્વના શેર સૌથી વધુ 2.85 ટકાના વધારા સાથે બંધ થયા જ્યારે ટાટા મોટર્સના શેર (Tata motors)સૌથી વધુ 5.38 ટકાના ઘટાડા સાથે બંધ થયા.
આ પણ વાંચો -Cab Booking: કેબ બુકિંગ માર્કેટમાં Ola-Uber ને ટક્કર આપવા આવી રહી છે 'સહકાર ટેક્સી'
NTPC અને ઇન્ડસઇન્ડ બેંકના શેરમાં પણ વધારો નોંધાયો
આ ઉપરાંત, આજે NTPCના શેર 2.78 ટકા, ઇન્ડસઇન્ડ બેંક 2.75 ટકા, લાર્સન એન્ડ ટુબ્રો 2.10 ટકા, બજાજ ફાઇનાન્સ 1.44 ટકા, અલ્ટ્રાટેક સિમેન્ટ 1.40 ટકા, સ્ટેટ બેંક ઓફ ઇન્ડિયા 1.26 ટકા, ટાઇટન 1.20 ટકા, અદાણી પોર્ટ્સ 0.95 ટકા, HDFC બેંક 0.94 ટકા, ટેક મહિન્દ્રા 0.81 ટકા, એક્સિસ બેંક 0.68 ટકા, રિલાયન્સ ઇન્ડસ્ટ્રીઝના શેર 0.66 ટકાના વધારા સાથે બંધ થયા. બીજી તરફ, આજે સન ફાર્માના શેર ૧.૪૧ ટકા, હિન્દુસ્તાન યુનિલિવર ૧.૦૬ ટકા, કોટક મહિન્દ્રા બેંક ૦.૯૫ ટકા, ભારતી એરટેલ ૦.૭૧ ટકા, ટાટા સ્ટીલ ૦.૫૮ ટકા અને મારુતિ સુઝુકી ૦.૫૩ ટકા ઘટીને બંધ થયા હતા.
આ પણ વાંચો-Shehnaz Akhtar : કટ્ટરવાદીઓનો ભજન ગાયિકાના ઘર પર હિચકારો હુમલો
ઓટો શેરોમાં ઘટાડો
યુએસ પ્રમુખ ડોનાલ્ડ ટ્રમ્પે એપ્રિલથી ઓટો આયાત પર 25% ટેરિફની જાહેરાત કર્યા પછી ગુરુવારે સવારે ઓટો શેરોમાં ઘટાડો થયો હતો. ટાટા મોટર્સના શેર પર મહત્તમ દબાણ જોવા મળ્યું. બીએસઈ પર ટાટા મોટર્સના શેર 6.58% ઘટીને ₹661.35 પર આવી ગયા. અશોક લેલેન્ડના શેર 4.60 % ઘટ્યા, જ્યારે મહિન્દ્રા એન્ડ મહિન્દ્રા (એમ એન્ડ એમ)ના શેર 1.70 % ઘટ્યા. બજાજ ઓટોના શેરમાં 1.47% અને એપોલો ટાયર્સના શેરમાં 1.41 %નો ઘટાડો થયો.
બુધવારે બજારની ચાલ કેવી રહી?
માસિક સમાપ્તિ સત્ર પહેલા બુધવારે બેન્ચમાર્ક સૂચકાંકોએ તેમના સાત સત્રોના વધારાનો સિલસિલો તોડી નાખ્યો અને નીચા સ્તરે બંધ થયો. યુએસ ટેરિફ નીતિઓ અંગે સ્પષ્ટતાના અભાવ વચ્ચે બીજા છ મહિનામાં નફા-બુકિંગને કારણે નિફ્ટી 181 પોઈન્ટ અથવા 0.77 ટકા ઘટીને ૨૩,૪૮૬.૮૫ પર બંધ થયો. તે જ સમયે, 30 શેરો વાળા BSE સેન્સેક્સ 728.69 પોઈન્ટ અથવા 0.93% ઘટીને 77,288.50 પર બંધ થયા.