Share Market : સતત ચોથા દિવસે શેરબજાર કડાકા સાથે બંધ,આ શેરમાં મોટું નુકસાન

• ટેરિફ બાદ શેરબજારમાં  મોટી  અસર 
• સન ફાર્માના શેરમાં ભયાનક ઘટાડો
• સેન્સેક્સમાં 585 પોઈન્ટનો ઘટાડો 

Share Market Closing: અમેરિકાના રાષ્ટ્રપતિ દ્વારા ભારત પર 25 ટકા ટેરિફ લાદવાની જાહેરાતની આજે ભારતીય શેરબજાર પર મોટી અસર જોવા મળી હતી. ટ્રમ્પની જાહેરાત પછી, ભારતીય બજારમાં આજે સતત બીજા દિવસે અને એકંદરે સતત ચોથા દિવસે ઘટાડો નોંધાયો હતો. અઠવાડિયાના છેલ્લા દિવસે, શુક્રવારે, BSE સેન્સેક્સ (sensex)585.67 પોઈન્ટ (0.72%) ના ઘટાડા સાથે 80,599.91 પોઈન્ટ પર બંધ થયો. તેવી જ રીતે, આજે NSE નિફ્ટી 50 ઇન્ડેક્સ પણ 203.00 પોઈન્ટ (0.82%) ના ઘટાડા સાથે 24,565.35 પોઈન્ટ પર બંધ થયો. તમને જણાવી દઈએ કે ગુરુવારે, સેન્સેક્સ 296.28 પોઈન્ટ (0.36%) ના ઘટાડા સાથે 81,185.58 પોઈન્ટ પર બંધ થયો અને નિફ્ટી 86.70 પોઈન્ટ (0.35%) ના ઘટાડા સાથે 24,768.35 પોઈન્ટ પર બંધ થયો.

સન ફાર્માના શેરમાં ભયાનક નુકસાન

ગુરુવારે, સેન્સેક્સની 30 કંપનીઓમાંથી, ફક્ત 6 શેર વધારા સાથે લીલા રંગમાં બંધ થયા અને બાકીની 24 કંપનીઓ નુકસાન સાથે લાલ રંગમાં બંધ થયા. તેવી જ રીતે, નિફ્ટીની 50 કંપનીઓમાંથી, ફક્ત 11 શેર વધારા સાથે લીલા રંગમાં બંધ થયા અને બાકીની 39 કંપનીઓ નુકસાન સાથે લાલ રંગમાં બંધ થયા. આજે, સેન્સેક્સની કંપનીઓમાં, ટ્રેન્ટના શેર સૌથી વધુ 3.23 ટકાના વધારા સાથે બંધ થયા. બીજી તરફ, આજે સન ફાર્માના શેર સૌથી વધુ 4.49 ટકાના ઘટાડા સાથે બંધ થયા.

આ પણ  વાંચો -Share Market: ટેરિફને કારણે શેરબજારમાં મોટો ઘટાડો...સેન્સેક્સ-નિફ્ટીમાં આટલા પોઈન્ટ તૂટયો

ટાટા સ્ટીલ, ઇન્ફોસિસનો સમાવેશ થાય

આ ઉપરાંત, આજે ટાટા સ્ટીલના શેર ૩.૦૪ ટકા, મારુતિ સુઝુકી ૨.૬૫ ટકા, ટાટા મોટર્સ ૨.૬૦ ટકા, ઇન્ફોસિસ ૨.૫૨ ટકા, અદાણી પોર્ટ્સ ૧.૯૧ ટકા, ભારતી એરટેલ ૧.૭૪ ટકા, ટેક મહિન્દ્રા ૧.૭૧ ટકા, બજાજ ફિનસર્વ ૧.૬૭ ટકા, બીઇએલ ૧.૫૫ ટકા, મહિન્દ્રા એન્ડ મહિન્દ્રા ૧.૩૫ ટકા, એલ એન્ડ ટી ૧.૨૭ ટકા, ટીસીએસ ૧.૧૩ ટકા, ઇટરનલ ૧.૧૦ ટકા, એનટીપીસી ૧.૦૨ ટકા, એચસીએલ ટેક ૦.૯૮ ટકા, ટાઇટન ૦.૯૩ ટકા, અલ્ટ્રાટેક સિમેન્ટ ૦.૮૦ ટકા, આઇસીઆઇસીઆઇ બેંક ૦.૬૯ ટકા, એક્સિસ બેંક ૦.૬૮ ટકા, બજાજ ફાઇનાન્સ ૦.૪૩ ટકા, એચડીએફસી બેંક ૦.૩૨ ટકા, એસબીઆઈ ૦.૩૧ ટકા અને પાવર ગ્રીડના શેર ૦.૦૨ ટકા ઘટ્યા હતા. સાથે બંધ.