Stock Market Crash : શેરબજારમાં કડાકો... સેન્સેક્સ 700 પોઈન્ટ તૂટયો
Stock Market Crash : ભારતીય શેરબજારમાં સતત (Stock Market Crash )ઘટાડો જોવા મળી રહ્યો છે. આજે પણ બજારમાં ઘટાડો જોવા મળ્યો. સેન્સેક્સ 720 પોઈન્ટથી વધુ ઘટ્યો, જ્યારે નિફ્ટી 225 પોઈન્ટ ઘટ્યો. નિફ્ટી 225 પોઈન્ટ ઘટીને 24837 પર બંધ થયો, અને સેન્સેક્સ 721 પોઈન્ટ ઘટીને 81463 પોઈન્ટ પર ટ્રેડ થઈ રહ્યો છે. BSE સેન્સેક્સની વાત કરીએ તો, ટોચના 30 માંથી ફક્ત 1 શેર વધુ ટ્રેડ થઈ રહ્યો છે. સન ફાર્મા સિવાય, અન્ય તમામ શેરોમાં ઘટાડો થયો છે.
બજાજ ફાઇનાન્સના શેરમાં 4.65 ટકાનો ઘટાડો
સૌથી મોટો ઘટાડો બજાજ ફાઇનાન્સના શેરમાં 4.65 ટકાનો રહ્યો છે.આ ઉપરાંત ટેક મહિન્દ્રા, ઇન્ફોસિસ, પાવર ગ્રીડના શેરમાં 2 ટકાથી વધુનો ઘટાડો જોવા મળ્યો. ઘટાડાને કારણે રોકાણકારોને ભારે નુકસાન થયું છે. BSE માર્કેટ કેપિટલાઈઝેશન 4.75 લાખ કરોડ રૂપિયા ઘટીને 453.35 રૂપિયા થયું.
ભારત-યુકે FTA સોદા પછી પણ ઘટાડો કેમ થયો?
સૌથી મોટો ઘટાડો નાણાકીય ક્ષેત્રમાં આવ્યો, જ્યાં નિફ્ટી સર્વિસ ઇન્ડેક્સ 1% થી વધુ ઘટ્યો. બજાજ ફાઇનાન્સ અને બજાજ ફિનસર્વના શેર અનુક્રમે 5.5% અને 4.5% ઘટ્યા. એક્સિસ બેંક, HDFC બેંક અને કોટક બેંકના શેર પણ 1% સુધી ઘટ્યા.ભારત અને યુએસ વચ્ચેના સંભવિત વચગાળાના વેપાર કરારથી રોકાણકારોના સેન્ટિમેન્ટ પર અસર પડી રહી છે. તે જ સમયે, આ સોદા અંગે યુએસ સાથે વાટાઘાટો હજુ પણ અટકી છે.
આ પણ વાંચો -AESL Q1FY26 :અદાણી એનર્જી સોલ્યુશન્સનું નાણાકીય FY26 ના પ્રથમ ત્રિમાસિકગાળામાં મજબૂત પ્રદર્શન
ભારતીય શેર વેચ્યા
વિદેશી સંસ્થાકીય રોકાણકારો (FII) ભારે વેચાણ કરી રહ્યા છે અને છેલ્લા ચાર ટ્રેડિંગ દિવસોમાં જ તેમણે 11,572 કરોડ રૂપિયાના ભારતીય શેર વેચ્યા છે.ભારત અને યુકેએ મુક્ત વેપાર કરાર (FTA) પર હસ્તાક્ષર કર્યા. ટેરિફ ઘટાડાને કારણે કાપડ, વ્હિસ્કી અને ઓટોમોબાઇલ્સ જેવા ક્ષેત્રોને આ કરારથી ફાયદો થવાની અપેક્ષા છે, પરંતુ રોકાણકારો હજુ સુધી તેનાથી તાત્કાલિક લાભની અપેક્ષા રાખતા નથી.
આ પણ વાંચો -Gold Rate Today : એક ઝટકે સોના-ચાંદીના ભાવમાં મોટો ઘટાડો, જાણો લેટેસ્ટ રેટ
આ શેરોમાં મોટો ઘટાડો
સ્વાન એનર્જીના શેરમાં 7 ટકાથી વધુ ઘટાડો થયો છે. કેફિન ટેકનો શેર ૫.૫૨ ટકા, નુવામા વેલ્થનો શેર ૫.૨ ટકા ઘટ્યો છે. એપોલો ટ્યુબનો શેર ૮.૫૦ ટકા, સોના બીએલડબ્લ્યુ પ્રિસિઝનનો શેર ૪.૩૪ ટકા અને ભેલનો શેર ૪.૩૪ ટકા ઘટ્યો છે. બજાજ ફાઇનાન્સનો શેર ૪.૭૧ ટકા ઘટ્યો છે. અદાણી ગ્રીન એનર્જીનો શેર ૪.૩૯ ટકા ઘટ્યો છે.