દેશમાં છેલ્લા 24 કલાકમાં કોરોનાના 20,557 નવા કેસ નોંધાયા, 40 દર્દીઓના થયા મોત

દેશમાં કોરોનાના કેસમાં ઉતાર-ચઢાવ આજે પણ યથાવત છે. આજે ફરી એકવાર દેશમાં કોરોનાના 20 હજારથી વધુ નવા કેસ સામે આવી રહ્યા છે. છેલ્લા 24 કલાકમાં દેશમાં કોરોનાના 20,557 નવા કેસ નોંધાયા છે, જ્યારે 40 દર્દીઓના મોત થયા છે.

કેન્દ્રીય આરોગ્ય મંત્રાલયના આંકડાઓ અનુસાર, દેશમાં છેલ્લા 24 કલાકમાં કોરોનાના 20,557 નવા કેસ નોંધાયા છે, જેનાથી કુલ કેસોની સંખ્યા 43,803,619 થઈ ગઈ છે. એક્ટિવ કેસની વાત કરીએ તો તેની સંખ્યા 1,43,091 છે. છેલ્લા 24 કલાકમાં 18,517 લોકો કોરોનાથી સાજા થયા છે. અત્યાર સુધીમાં કુલ 43,132,140 લોકો કોરોનાથી સાજા થયા છે. છેલ્લા 24 કલાકમાં કોરોનાને કારણે 40 ​​લોકોના મોત થયા છે. કોરોનાથી મૃત્યુ પામેલા લોકોની કુલ સંખ્યા વધીને 5,28,388 થઈ ગઈ છે. છેલ્લા 24 કલાકમાં 26,04,797 લોકોને રસી આપવામાં આવી હતી. અત્યાર સુધીમાં કુલ 2,00,61,24,684 રસીકરણ કરવામાં આવ્યું છે.