Gujarat Bomb threat: ગુજરાત હાઈકોર્ટ તથા ઈન્ડિગોની ફ્લાઈટને બોમ્બથી ઉડાવવાની ધમકી મળી

• Gujarat High Court Bomb threat: હાઇકોર્ટના રજીસ્ટ્રારને ઇમેલથી અપાઈ ધમકી
• હાઇકોર્ટને બોમ્બથી ઉડાવી દેવાની ધમકી
• BDDS સહિતની ટીમ દ્વારા હાઇકોર્ટમાં તપાસ શરૂ

Gujarat Bomb threat: અમદાવાદ હાઇકોર્ટને ફરી એક વાર બોમ્બથી ઉડાવી દેવાની ધમકી મળી છે. જેમાં અજાણ્યા ઈમેલ મળતા પોલીસનું સઘન ચેકીંગ હાથ ધરાયુ છે. તેમજ બોમ્બ સ્ક્વોડ, ડોગ સ્ક્વોડ દ્વારા હાઇકોર્ટેમાં સઘન ચેકીંગ થઇ રહ્યું છે. જોકે હજુ સુધી કોઈ શંકાસ્પદ વસ્તુ કે કોઈ ચિંતાજનક સામગ્રી મળી નથી. હાઇકોર્ટની કામગીરી તપાસ વચ્ચે રાબેતા મુજબ ચાલુ છે.

કેપ્સ્યૂલથી માનવબોમ્બ એટેક થશે

અમદાવાદ એરપોર્ટ પર મદીનાથી હૈદરાબાદ જતી ઈન્ડિગોની ફ્લાઈટ 6E058નું ઇમર્જન્સી લેન્ડિંગ કરવામાં આવ્યું છે. હૈદરાબાદ એરપોર્ટને ધમકીભર્યો ઈ-મેલ મળ્યો હતો કે ઈન્ડિગોની ફ્લાઈટમાં મક્કા મદીનાથી હૈદરાબાદ મુસાફરી કરી રહેલા મોહમ્મદ નામની વ્યક્તિએ કેપ્સ્યૂલ ગળી છે. આ કેપ્સ્યૂલથી માનવબોમ્બ એટેક થશે. આ મેલ બાદ હૈદરાબાદ ATCએ ફ્લાઇટનું ઈમર્જન્સી લેન્ડિંગ અમદાવાદ એરપોર્ટ પર કરાવ્યું હતું. ધમકીભર્યો મેલ મળતાં જ ફ્લાઇટને તાત્કાલિક અમદાવાદ એરપોર્ટ પર બપોરે 12 વાગ્યે લેન્ડ કરાઈ હતી. ફ્લાઇટમાં 180થી વધારે પેસેન્જર અને 6 ક્રૂ-મેમ્બર હાજર હતા.

બોમ્બની ધમકી બાદ વિમાનનું ઈમરજન્સી લેન્ડિંગ
અમદાવાદ એરપોર્ટ પર વિમાનનું ઈમરજન્સી લેન્ડિંગ
મદીના-હૈદરાબાદ ઈન્ડિગો ફ્લાઈટને મળી ધમકી
એક શંકાસ્પદ વ્યક્તિની અટકાયત, ફ્લાઈટમાં સર્ચ
CISF અને બોમ્બ સ્ક્વોડની ટીમ દ્વારા તપાસ તેજ#Gujarat #Ahmedabad #AirportEmergency #BombThreat… pic.twitter.com/ubQ13al7EI

— Gujarat First (@GujaratFirst) December 4, 2025

હાઇકોર્ટને અગાઉ પણ ધમકી ભર્યા ઈમેલ મળેલા

હાઇકોર્ટને અગાઉ પણ ધમકી ભર્યા ઈમેલ મળેલા છે. જેને પગલે ફરી એક વાર હાઇકોર્ટમાં રજીસ્ટાર પરથી સોલા પોલીસને જાણ કરાઈ છે. ઉલ્લેખનીય છે કે અગાઉ પણ ગુજરાત હાઇકોર્ટને બોમ્બથી ઉડાવી દેવાની ધમકી મળી હતી. જેમાં હાઈકોર્ટના રજીસ્ટર મેઇલ આઇડી પર મેઇલ કરી ધમકી આપવામાં આવી હતી.

Gujarat High Court Bomb threat: હાઇકોર્ટના ઈમેલ પર અજાણી વ્યક્તિએ ઈમેલ કર્યો

હાઇકોર્ટના ઈમેલ પર અજાણી વ્યક્તિએ ઈમેલ કર્યો હતો. અગાઉ 3 RDX આધારિત IED પ્લાન્ટ કર્યા હોવાની ધમકીભર્યો ઈમેલ મળ્યો હતો. જેમાં "1 VIP અમારી કિંમત" લખાણ પણ ઇમેઇલમાં લખવામાં આવ્યું હતુ. રેની જોશિલ્ડાના નામે હાઇકોર્ટના રજીસ્ટ્રારને ધમકીભર્યો ઈમેલ મળ્યો હતો.

સાયબર ક્રાઈમ ટીમે મેલના IP એડ્રેસની તપાસ શરૂ કરી

ગુજરાતમાં છેલ્લા ઘણા સમયથી બોમ્બથી સરકારી કે ખાનગી સંસ્થાને ઉડાવી દેવાની ધમકી ભર્યા મેઈલ મળી રહ્યા છે. જેમાં અગાઉ વડોદરાના રિફાઈનરી CBSE સ્કૂલને બોમ્બથી ઉડાવી દેવાની ધમકી ભર્યો મેઈલ મળ્યો હતો. નોંધનીય બાબત એ છે કે, સતત આવી ઘટનાઓ સામે આવી રહી છે. જેમાં આ ધમકીથી સ્થાનિકોમાં ભયનો માહોલ ફેલાયો હતો, તાજેતરમાં જ સ્કૂલને પણ આ પ્રકારની ધમકી મળી હતી. તેમાં તાત્કાલિક તમામ વિદ્યાર્થીઓને રજા આપી દીધી હતી.

પોલીસ, બોમ્બ સ્ક્વોડ અને ડોગ સ્ક્વોડ સાથે સ્કૂલમાં સઘન તપાસ શરૂ કરી

પોલીસ, બોમ્બ સ્ક્વોડ અને ડોગ સ્ક્વોડ સાથે સ્કૂલમાં સઘન તપાસ શરૂ કરી હતી. અગાઉ રિફાઈનરી CBSE સ્કૂલના આચાર્યને ઈ-મેલ દ્વારા ધમકી મળી કે સ્કૂલમાં બોમ્બ મૂકવામાં આવ્યો છે, જે ફાટશે. આ મેલ મળતાની સાથે જ સ્કૂલે વિદ્યાર્થીઓને ઘરે મોકલી દીધા હતા. જવાહરનગર પોલીસ, બોમ્બ સ્ક્વોડ, ડોગ સ્ક્વોડ અને ફાયર બ્રિગેડની ટીમો ઘટનાસ્થળે પહોંચી અને સર્ચ ઓપરેશન શરૂ કર્યું હતુ. CISFના જવાનોને પણ રિફાઈનરી વિસ્તારની સુરક્ષા માટે તૈનાત કરાયા હતા. હાલ પણ સાયબર ક્રાઈમ ટીમે મેલના IP એડ્રેસની તપાસ શરૂ કરી છે.

આ પણ વાંચો: Ahmedabad: ઉદગમ સ્કૂલના સંચાલકોની દાદાગીરીથી લોકો થયા પરેશાન