Bigg Boss 19 માં દીપિકા પાદુકોણનો Ex-Boyfriend? શોમાં નવો ધમાકો!
- Big Boss 19 સીઝનના સ્પર્ધકો કોણ? તે અંગે હજુ સસ્પેન્સ
- દીપિકા પાદુકોણના એક્સ બોયફેંડને કરાયો હતો અપ્રોચ
- મુઝમ્મિલ ઇબ્રાહિમે આ વાતને ગણાવી અફવા
- કહ્યું, હું બિગબોસ જેવા શૉમાં જવાનો નથી
Big Boss 19: ટીવીના સૌથી લોકપ્રિય રિયાલિટી શો 'બિગ બોસ 19' વિશે ઉત્સુકતા વધી રહી છે, જેનો ગ્રાન્ડ પ્રીમિયર 24 ઓગસ્ટે યોજાવાનો છે. આ વખતે શોનો સમયગાળો ત્રણ મહિનાથી વધારીને પાંચ મહિના કરવાનો નિર્ણય લેવામાં આવ્યો છે, જેના કારણે દર્શકોને નાટક અને મનોરંજનનો લાંબો ડોઝ મળવાની અપેક્ષા છે. શોના ફોર્મેટમાં પણ ફેરફાર થયાના અહેવાલો છે, જેમાં સૌથી મોટો ફેરફાર એ છે કે આ વખતે 'બિગ બોસ'ના ઘરમાં કોઈ જેલ નહીં હોય.
Muzammil Ibrahim And Deepika Padukone
શોના સંભવિત સ્પર્ધકોની યાદીમાં ઘણા જાણીતા નામોની ચર્ચા થઈ રહી છે, પરંતુ એક નામે બધાને આશ્ચર્યચકિત કર્યા છે - તે છે મોડેલ અને અભિનેતા મુઝમ્મિલ ઇબ્રાહિમ. તેમની ચર્ચાનું મુખ્ય કારણ અભિનેત્રી દીપિકા પાદુકોણ સાથેનો તેમનો જૂનો સંબંધ છે. અહેવાલો અનુસાર, જ્યારે બંને 2002 માં મોડેલિંગ કારકિર્દી શરૂ કરી રહ્યા હતા ત્યારે તેઓ બે વર્ષ સુધી એકબીજા સાથે સંબંધમાં હતા. મુઝમ્મિલે પોતે એક ઇન્ટરવ્યુમાં ખુલાસો કર્યો હતો કે દીપિકાએ આ સંબંધ શરૂ કર્યો હતો અને પછીથી તેનો અંત લાવ્યો હતો. તેણે કહ્યું હતું કે બ્રેકઅપ પછી પણ તેઓ સંપર્કમાં રહ્યા, પરંતુ દીપિકાના લગ્ન પછી, તેમની વાતચીત સંપૂર્ણપણે બંધ થઈ ગઈ.
Big Boss 19 જવાનો મુઝમ્મીલે ઇનકાર કર્યો
મુઝમ્મીલ ઇબ્રાહિમે 'બિગ બોસ'માં જોડાવાના સમાચાર પર સ્પષ્ટતા આપી છે. તેણે કહ્યું કે તેણે તેનો સંપર્ક કરનારા બધા લોકોને બ્લોક કરી દીધા છે. તેણે 'બિગ બોસ'માં જવાનો સ્પષ્ટ ઇનકાર કર્યો, પરંતુ એમ પણ કહ્યું કે તે 'ખતરોં કે ખિલાડી' જેવા પ્રતિભા આધારિત રિયાલિટી શોમાં ભાગ લેવા માંગે છે. મોડેલિંગમાં પોતાની ઓળખ બનાવનાર મુઝમ્મીલે 2003 માં 'ગ્લેડ્રેગ્સ મેનહન્ટ'નો ખિતાબ જીત્યો અને બાદમાં 'ધોકા' જેવી ફિલ્મોમાં પણ કામ કર્યું.
View this post on Instagram
Big Boss 19 ના અન્ય સંભવિત સ્પર્ધકો
મુઝમ્મીલ ઉપરાંત, 'બિગ બોસ 19' માટે કેટલાક અન્ય નામોની અટકળો ચાલી રહી છે, જેમાં અશ્નૂર કૌર, બસીર અલી, મનોરંજન રિપોર્ટર નયનદીપ રક્ષિત, આવાઝ દરબાર અને નગ્મા મિરાજકરનો સમાવેશ થાય છે. જોકે, શોના નિર્માતાઓ તરફથી હજુ સુધી આ નામોની કોઈ સત્તાવાર પુષ્ટિ કરવામાં આવી નથી. એવું પણ કહેવામાં આવી રહ્યું છે કે આ વખતે શો ટીવી પર આવતા પહેલા ડિજિટલ પ્લેટફોર્મ પર સ્ટ્રીમ થશે, જેમ કે 'બિગ બોસ ઓટીટી' ના સફળ મોડેલમાં જોવા મળ્યું હતું. દર્શકો હવે 24 ઓગસ્ટની રાહ જોઈ રહ્યા છે, જ્યારે શોનો પડદો ઉંચકવામાં આવશે અને વાસ્તવિક સ્પર્ધકોના નામ જાહેર કરવામાં આવશે.
આ પણ વાંચો: Big Boss 18 ફેમ ઇન્ફ્લૂએન્ઝર કશિષ કપુર વિવાદમાં, મોટી ઠગાઇનો આરોપ