Bigg Boss 19 : અશનૂર કૌરના પ્રહારથી તાન્યા મિત્તલને ઈજા, 'વીકએન્ડ કા વાર'માં શું થશે?
- ફિનાલે ટાસ્કમાં ભૂલથી અશનૂરના હાથે પાટિયો વાગતા તાન્યા મિત્તલ ઘાયલ (Biggboss Tanya Ashnoor Fight)
- તાન્યાએ માફી સ્વીકારવાનો ઇનકાર કર્યો, જાણી જોઈને હુમલો કર્યાનો આરોપ
- શાહબાઝ બદેશા તાન્યાના સમર્થનમાં આવતા ઘર બે જૂથોમાં વિભાજિત
- અશનૂરે તાન્યા પર ખોટા નાટક અને જૂના 'લુક'ના કમેન્ટ્સનો પલટવાર કર્યો
- હવે તમામની નજર સલમાન ખાનના 'વીકએન્ડ કા વાર' પર, સજાની શક્યતા
Biggboss Tanya Ashnoor Fight : સલમાન ખાન દ્વારા હોસ્ટ કરવામાં આવી રહેલા 'બિગ બોસ 19'ના ઘરમાં હાલમાં ખૂબ જ ગરમાવો જોવા મળી રહ્યો છે. 'ટિકિટ ટુ ફિનાલે' (Ticket To Finale) ટાસ્કે માત્ર સ્પર્ધકો વચ્ચેની હરીફાઈ જ નથી વધારી, પણ તેમના જૂના વિવાદોને પણ ફરી સપાટી પર લાવી દીધા છે. આ ટાસ્ક દરમિયાન જ ટીવી અભિનેત્રી અશનૂર કૌર અને તાન્યા મિત્તલ (Tanya Mittal) વચ્ચે ઉગ્ર બોલાચાલી થઈ હતી, જેણે દર્શકોનું ધ્યાન ખેંચ્યું છે.
ટાસ્ક ચાલી રહ્યો હતો ત્યારે અશનૂર કૌરના હાથમાંથી ભૂલથી લાકડાનો પાટિયો તાન્યા મિત્તલને વાગી ગયો હતો. અશનૂરે તરત જ માફી માગતા કહ્યું, "સોરી, મેં જોયું નહીં." જોકે, તાન્યા મિત્તલે આ માફી સ્વીકારી નહોતી અને આરોપ લગાવ્યો હતો કે આ અશનૂરની જાણી જોઈને કરેલી ચાલ હતી. તાન્યાનું કહેવું હતું કે અશનૂરે ઈજા પહોંચાડવા છતાં યોગ્ય રીતે માફી માંગી નથી.
Throw Ashnoor out of the show right now!
My God! Look at her expression after she hit Tanya, she isn’t even sorry! Shame on you Ashnoor! Shame on you & those who support this behaviour! #TanyaMittal #BiggBoss19 pic.twitter.com/K99tIDpkqI
— 𝕯𝖗𝖊𝖆𝖒𝖑𝖆𝖓𝖉𝖊𝖗🌙 (@Dreamys_Dreams) November 26, 2025
વિવાદમાં શાહબાઝ બદેશાની એન્ટ્રી
આ મામલો વકરતા જ અભિનેતા શાહબાઝ બદેશા (Shehbaz Badesha) પણ તાન્યાના પક્ષમાં આવી ગયા. તેમણે કહ્યું કે અશનૂરની આ હરકત જાણી જોઈને કરવામાં આવેલી હોય તેવું લાગી રહ્યું હતું. શાહબાઝના આ નિવેદન બાદ ઘરમાં સ્પષ્ટપણે બે જૂથો પડી ગયા છે અને આગામી દિવસોમાં આ સંઘર્ષ વધુ વધવાની શક્યતા છે.
જૂના કમેન્ટ્સ પર થયો પલટવાર
તાન્યાના આરોપો પર અશનૂર શાંત રહી નહોતી. તેણે તાન્યા પર ખોટો આક્ષેપ ઊભો કરવાનો આક્ષેપ લગાવ્યો અને પૂછ્યું કે શું તાન્યાને ક્યારેય તેના વિશે કરેલી ટિપ્પણીઓ પર અફસોસ થયો છે. આ વાત તાન્યા દ્વારા અશનૂરના લુક અને રંગ-રૂપ અંગે કરવામાં આવેલી કથિત ટિપ્પણીઓ તરફ ઈશારો કરે છે.
‘બહાર આવીને જોઈ લેજે’ની ધમકી
ત્યારબાદ તાન્યાએ અશનૂરને ચેતવણી આપતા કહ્યું, "બહાર આવીને જોઈ લેજે, મારી ઘણી ઈજ્જત છે." તેના જવાબમાં અશનૂરે તત્કાળ કહ્યું કે જ્યારે કોઈ ઘરમાં કંઈ નથી કરી શકતું, ત્યારે જ બહારની ધમકીઓ આપે છે. બંને વચ્ચેના આ વાકયુદ્ધે ઘરનું વાતાવરણ વધુ તણાવપૂર્ણ બનાવી દીધું છે.
વધતો તણાવ સલમાન ખાનના નિશાન પર
હવે દર્શકો એ જાણવા આતુર છે કે 'વીકએન્ડ કા વાર'માં સલમાન ખાન (Salman Khan) આ વધી રહેલા વિવાદ પર શું વલણ અપનાવે છે. આ ટકરાવોના કારણે 'બિગ બોસ'નું ઘર વધુ રોચક બની રહેવાનું નિશ્ચિત છે.
આ પણ વાંચો : Bollywood News: ઓરીની રૂ. 252 કરોડના ડ્રગ કેસના સંદર્ભમાં પૂછપરછ