Bigg Boss 19 : ક્યારે, ક્યાં અને કેવી રીતે જોઈ શકશો સલમાનનો શૉ, જાણો આ વખતે શું છે ખાસ?

• Bigg Boss 19 ને લઈને દર્શકોમાં ભારે ઉત્સાહ
• આ સીઝનમાં કરવામાં આવ્યા અનેક ફેરફાર
• આ સીઝનમાં કરાશે AI નો પણ ઉપયોગ
• આ સીઝનમાં સલમાન સિવાય બે હોસ્ટ હશે
• ફરાહ ખાન અને કરણ જોહર કરી શકે છે હોસ્ટ 
• આ સીઝન 3 મહિનાને બદલે 5 મહિના ચાલશે

Bigg Boss 19 : ટેલિવિઝન પર સૌથી વધુ ચર્ચિત રિયાલિટી શોમાંથી એક, સલમાન ખાનનો 'બિગ બોસ' તેની 19મી સીઝન સાથે પરત ફરવા માટે તૈયાર છે. આ શોને લઈને દર્શકોમાં પહેલાથી જ ભારે ઉત્સાહ છે, કારણ કે નિર્માતાઓ આ વખતે ઘણા મોટા ફેરફારો કરી રહ્યા છે. આ સીઝનમાં શોનું ફોર્મેટ જ અલગ નહીં હોય, પરંતુ તેમાં 'આર્ટિફિશિયલ ઇન્ટેલિજન્સ' (AI)નો પણ ઉપયોગ કરવામાં આવશે, જે રમત રમવાની રીતને સંપૂર્ણપણે બદલી નાખશે.

બિગ બોસ 19' 24 ઓગસ્ટે કલર્સ ચેનલ અને જિયો સિનેમા પર પ્રસારિત થશે. આ વખતે દર્શકો ટીવી પહેલાં OTT પર શો જોઈ શકશે. આ શો રાત્રે 10:30 વાગ્યે ટીવી પર પ્રસારિત થશે, પરંતુ તે જિયો સિનેમા પર રાત્રે 9 વાગ્યે સ્ટ્રીમ થશે.

 

View this post on Instagram

 

A post shared by Salman Khan (@beingsalmankhan)

'લોકશાહી' આ વખતે થીમ

'બિગ બોસ 19'નું મુખ્ય આકર્ષણ તેની નવી થીમ છે, જે સંપૂર્ણપણે રાજકારણ અને 'લોકશાહી' પર આધારિત છે. આ વખતે ઘરમાં કેપ્ટનની જગ્યાએ 'લીડર' પસંદ કરવામાં આવશે. અહેવાલ છે કે આખા ઘરને બે અલગ અલગ ટીમોમાં વહેંચવામાં આવશે અને આ ટીમો વચ્ચે ચૂંટણી દ્વારા લીડરની પસંદગી કરવામાં આવશે.

સલમાન ખાન સાથે વધુ હોસ્ટ હશે

આ સિઝન વિશે વધુ એક મોટા સમાચાર બહાર આવ્યા છે. આ વખતે 'બિગ બોસ' 3 મહિનાને બદલે 5 મહિના ચાલશે. શોને લાંબો ચલાવવા માટે સલમાન ખાન સાથે વધુ બે હોસ્ટ પણ ઉમેરી શકાય છે. મીડિયા રિપોર્ટ્સ અનુસાર, કરણ જોહર અને ફરાહ ખાન પણ 'બિગ બોસ 19' હોસ્ટ કરતા જોવા મળી શકે છે. જોકે, હજુ સુધી તેની સત્તાવાર પુષ્ટિ કરવામાં આવી નથી.

પ્રીમિયરમાં સ્ટાર્સનો મેળાવડો જોવા મળશે

શોના પ્રીમિયર એપિસોડમાં સલમાન ખાનના સ્વેગ અને સ્પર્ધકોની એન્ટ્રી ઉપરાંત, ઘણા વધુ સ્ટાર્સ પણ હાજર રહેશે. એવા અહેવાલો છે કે અભિનેત્રી સોનાલી બેન્દ્રે પણ પ્રીમિયરમાં સલમાન ખાન સાથે સ્ટેજ શેર કરી શકે છે.

આ પણ વાંચો :  કેટલુ ભણેલા છે Gaur Gopal Das ? ફૈમિલી-લાઈફ સ્ટાઈલ જોઈને તમે પણ રહી જશો દંગ, જીવે છે લક્ઝરી લાઈફ