TKMOC: ખરેખર કોમલ ભાભીએ શો છોડ્યો? નવા પાત્રોનો થયો પ્રવેશ
- TKMOC શૉ કોમલભાભીએ છોડી દીધો હોવાની અફવા નીકળી
- પાત્ર ભજવનાર અંબિકા રંજનકરે શૉ છોડવાની વાત પર મૌન તોડ્યુ
- કેટલાક એપિસોડમાં ગેરહાજરી જોવા મળતા ચાહકોના મન હતા પ્રશ્ન
- હું હાલ અંગત કારણોસર શૂટિંગ નથી કરી રહી : અંબિકા રંજનકર
TKMOC : લોકપ્રિય ટીવી સીરિયલ 'તારક મહેતા કા ઉલ્ટા ચશ્મા' ની 'કોમલ ભાભી' એટલે કે અભિનેત્રી અંબિકા રંજનકરે આખરે શો છોડવાની અફવાઓ પર પોતાનું મૌન તોડ્યું છે. તાજેતરમાં, કેટલાક એપિસોડમાં તેમની ગેરહાજરીથી ચાહકોના મનમાં ઘણા પ્રશ્નો ઉભા થયા હતા, જેના કારણે એવું અનુમાન લગાવવામાં આવી રહ્યું હતું કે તેમણે શો છોડી દીધો છે.
એક ઇન્ટરવ્યુમાં આ બધી અફવાઓને ફગાવી દેતા, અંબિકાએ સ્પષ્ટતા કરી કે તેમણે શો છોડ્યો નથી અને તે તેનો ભાગ રહેશે. પોતાની ગેરહાજરીનું કારણ સમજાવતા, તેમણે કહ્યું, "હું કેટલાક અંગત કારણોસર શૂટિંગથી દૂર હતી. મને મારા માટે થોડો સમય જોઈતો હતો." અંબિકા 17 વર્ષ પહેલા શરૂ થયેલા તેના પહેલા એપિસોડથી જ શો સાથે સંકળાયેલી છે.
View this post on Instagram
TKMOCમાં નવા પરિવારનો પ્રવેશ
જ્યારે એક તરફ જૂની અફવાઓનો અંત આવ્યો છે, ત્યારે 'તારક મહેતા કા ઉલ્ટા ચશ્મા' ના નિર્માતાઓએ ગોકુલધામ સોસાયટીમાં એક નવા રાજસ્થાની પરિવારનું સ્વાગત કર્યું છે. આ નવા પરિવારના આગમનની માહિતી શોના પ્રોમો દ્વારા ઇન્સ્ટાગ્રામ પર આપવામાં આવી છે. આ 'રતન-રૂપા'નો પરિવાર છે, જે હવે સોસાયટીના નવા રહેવાસી બન્યા છે.
નવા પાત્રો કોણ છે?
નવા પાત્રો વિશે વાત કરીએ તો, અભિનેતા કુલદીપ ગૌર 'રતન બિંજોલા' ની ભૂમિકા ભજવી રહ્યા છે, જે એક સાડીની દુકાનના માલિક છે. તેમની પત્ની 'રૂપા બદીટોપ' ની ભૂમિકા અભિનેત્રી ધરતી ભટ્ટ ભજવી રહી છે, જે એક ગૃહિણી તેમજ સોશિયલ મીડિયા પ્રભાવક છે. તેમના બાળકો 'વીર' અને 'બંસરી' ની ભૂમિકા અનુક્રમે અક્ષર સેહરાવત અને માહી ભદ્રા ભજવી રહ્યા છે.
આ પણ વાંચો : જાણો કોણ છે Manika Vishwakarma? જેણે જીત્યો મિસ યુનિવર્સ ઈન્ડિયા 2025નો ખિતાબ