• Gandhinagar MLA Quarters માંથી કપલ પકડાયું
• વાંસદાના MLAના ક્વાટર્સમાં હતા યુવક-યુવતી
• પોલીસે યુવક અને યુવતીના નિવેદન નોંધ્યા
• યુગલ 18 વર્ષથી વધુની ઉંમરના અને સહમતિથી આવ્યા હતા
• પોલીસે યુગલના સ્ટેટમેન્ટ નોંધીને જવા દીધા
• પોલીસને બાતમી મળતા તપાસ હાથ ધરી હતી
• સેક્ટર 21 ખાતે જૂના MLA કવાટર્સની ઘટના
• વાંસદાના કોંગ્રેસ ધારાસભ્ય અનંત પટેલનું ક્વાટર્સ
• MLA ક્વાટર્સમાં યુગલ કેવીરીતે આવ્યું તેને લઈ સવાલ

Gandhinagar MLA Quarters : ગુજરાતના પાટનગર ગાંધીનગરમાં આવેલ ધારાસભ્ય નિવાસસ્થાન (MLA Quarters) હંમેશા રાજકીય ગતિવિધિઓનું કેન્દ્ર રહ્યું છે, પરંતુ તાજેતરમાં અહીં બનેલી એક ઘટનાએ સમગ્ર વિસ્તારમાં અને રાજકીય વર્તુળોમાં ભારે ચર્ચા જગાવી છે. સેક્ટર 21 ખાતે આવેલા જૂના MLA Quarters માં એક યુવક-યુવતીને શંકાસ્પદ સ્થિતિમાં પકડવામાં આવતા અનેક સવાલો ઊભા થયા છે.

શું છે સમગ્ર મામલો?

ગાંધીનગરના સેક્ટર 21 ખાતે આવેલા જૂના MLA Quarters માં પોલીસને એક ખાનગી બાતમી મળી હતી. આ બાતમીના આધારે પોલીસે તાત્કાલિક દરોડો પાડ્યો હતો. તપાસ દરમિયાન, વાંસદાના કોંગ્રેસના ધારાસભ્ય અનંત પટેલના સરકારી ક્વાર્ટર્સમાંથી એક યુવક અને એક યુવતી મળી આવ્યા હતા. તેમની હાજરી શંકાસ્પદ જણાતા પોલીસે આ મામલે તપાસ હાથ ધરી હતી. ખાનગી બાતમીના આધારે તપાસ કરવા પહોંચેલી પોલીસે સૌપ્રથમ બંનેના નિવેદનો (સ્ટેટમેન્ટ્સ) નોંધ્યા હતા. આ નિવેદનો દરમિયાન પોલીસ સમક્ષ એ હકીકત સામે આવી કે યુવક અને યુવતી બંને 18 વર્ષથી વધુની ઉંમરના (પુખ્ત વયના) છે અને તેઓ એકબીજાને ઓળખતા હતા.

 

View this post on Instagram

 

A post shared by Gujarat First (@gujaratfirst)

પોલીસે કપલને સ્ટેટમેન્ટ બાદ જવા દીધા

સૌથી મહત્ત્વની વાત એ હતી કે, તેઓ તેમની પરસ્પર સહમતિથી ધારાસભ્યના નિવાસસ્થાને આવ્યા હતા. ભારતીય કાયદા મુજબ, બે પુખ્ત વયના વ્યક્તિઓ જો સહમતિથી સાથે હોય, તો તે કોઈ ગુનો ગણાતો નથી. આ તથ્યોને ધ્યાનમાં રાખીને, પોલીસે સ્થળ પર કોઈ ગુનાહિત પ્રવૃત્તિ કે કાયદાનું ઉલ્લંઘન ન જણાતા, બંને યુગલના નિવેદનોની નોંધણી કરીને તેમને જવા દીધા હતા. જોકે, આ ઘટનાથી ક્વાર્ટર્સના ઉપયોગ અને સુરક્ષા અંગે સવાલો ચોક્કસ ઊભા થયા છે, પરંતુ યુગલ પરની પોલીસની કાર્યવાહી માત્ર કાયદાકીય પાસાં પર આધારિત હતી.

સરકારી MLA Quarters માં સુરક્ષા અને દુરુપયોગ પર ગંભીર સવાલો

વાંસદાના ધારાસભ્ય અનંત પટેલના સરકારી ક્વાર્ટર્સમાંથી યુગલ મળી આવવાના કિસ્સામાં સૌથી મોટો અને ચિંતાજનક મુદ્દો MLA ક્વાર્ટર્સની સુરક્ષા વ્યવસ્થા અને તેના અધિકૃત ઉપયોગ અંગે ઊભો થયો છે. MLA ક્વાર્ટર્સ એ રાજ્ય સરકારની સત્તાવાર મિલકત (સરકારી પ્રોપર્ટી) છે, જેના ઉપયોગ માટે સ્પષ્ટ નિયમો હોય છે, પરંતુ આ ઘટના એ વાત તરફ સ્પષ્ટ ઇશારો કરે છે કે ક્વાર્ટર્સનો ક્યાંક ને ક્યાંક દુરુપયોગ થઈ રહ્યો હતો. મુખ્યત્વે બે ગંભીર સવાલો ચર્ચામાં છે: પ્રથમ એ કે શું ધારાસભ્યની ગેરહાજરીમાં તેમના ક્વાર્ટર્સનો ઉપયોગ અન્ય કોઈ વ્યક્તિ દ્વારા ખાનગી હેતુઓ માટે કરવામાં આવી રહ્યો હતો? અને બીજું, જો આ ક્વાર્ટસમાં ઉચ્ચ સુરક્ષા હોય તો, કોઈ પણ અજાણી વ્યક્તિ ક્વાર્ટર્સમાં આટલી સરળતાથી કેવી રીતે પ્રવેશી શકી, જે સુરક્ષા વ્યવસ્થાની પોલ ખોલે છે.

આ પણ વાંચો :  Gandhinagar : કેબિનેટ બેઠકમાં મહત્વપૂર્ણ નિર્ણય, ખેડૂતોના પાક નુકસાનના સર્વેનો આપ્યો આદેશ