વર્ષ 2024 માં ભારત સરકારે ગુજરાત માટે કરી આ મહત્ત્વની જાહેરાતો, ગુજરાત સરકારનાં જનસુખાકારી માટે સકારાત્મક કાર્યો

વડાપ્રધાન નરેન્દ્ર મોદીનાં (PM Narendra Modi) માર્ગદર્શન અને મુખ્યમંત્રી ભૂપેન્દ્ર પટેલનાં (CM Bhupendra Patel) નેતૃત્વ હેઠળ ગુજરાત સરકાર (Gujarat Government) દ્વારા આ વર્ષે જનસુખાકારી માટે અનેક મહત્ત્વપૂર્ણ નિર્ણય લેવામાં આવ્યા છે. આ નિર્ણયોમાં બુલેટ ટ્રેન પ્રોજેક્ટ, અમદાવાદ-ગાંધીનગર મેટ્રો, વડોદરામાં ટાટા એરક્રાફ્ટ કોમ્પ્લેક્સ, સાણંદમાં ચિપ પ્લાન્ટ, ધોલેરા-ભીમનાથ બ્રોડગેજ રેલવે લાઇન પ્રોજેક્ટ, ધોલેરામાં સેમિકન્ડક્ટર ફેબ્રિકેશન યુનિટ, રાજકોટ અને સુરત ખાતે આંતરરાષ્ટ્રીય એરપોર્ટ સહિતનાં વિવિધ મહત્ત્વપૂર્ણ પ્રોજેક્ટ સામેલ છે.

વર્ષ 2024 માં ભારત સરકારની રાજ્ય માટેની જાહેરાતો અને મહત્ત્વની પહેલ

જણાવી દઈએ કે, વડાપ્રધાન નરેન્દ્ર મોદીનાં (PM Narendra Modi) માર્ગદર્શન અને મુખ્યમંત્રી ભૂપેન્દ્ર પટેલનાં (CM Bhupendra Patel) નેતૃત્વ હેઠળ દેશનો સૌપ્રથમ બુલેટ ટ્રેન પ્રોજેક્ટ ગુજરાતમાં ઝડપથી આગળ વધી રહ્યો છે. ગુજરાતનું અમદાવાદ તથા મહારાષ્ટ્રનું મુંબઈ, એવા પહેલા શહેરો હશે, જે ઝડપી ગતિની આ બુલેટ ટ્રેનનાં પ્રત્યક્ષ સાક્ષી બનશે. જ્યારે, અમદાવાદ-ગાંધીનગર મેટ્રો ટ્રેન (Metro Train) પણ કાર્યરત થઈ છે અને આગળનાં ફેઝનું કામ પૂરગતિમાં કાર્યરત છે. નવા એરપોર્ટની વાત કરીએ તો આ વર્ષે રાજકોટ અને સુરત ખાતે આંતરરાષ્ટ્રીય એરપોર્ટ કાર્યરત થયા છે. સાથે જ ઉડાન યોજના હેઠળ ભાવનગર, જામનગર, કંડલા, કેશોદ, મુંદ્રા અને પોરબંદર એરપોર્ટને કનેક્ટિવિટી મળી છે. વડોદરામાં C-295 એરક્રાફ્ટનાં ઉત્પાદન માટે ટાટા એરક્રાફ્ટ કોમ્પ્લેક્સ કાર્યરત થયું છે. રૂપિયા 1238 કરોડનાં ખર્ચે તૈયાર થનાર આ નેશનલ મેરિટાઇમ હેરિટેજ કોમ્પલેક્સ અને લાઇટ હાઉસ મ્યુઝિયમનાં નિર્માણને કેન્દ્રીય કેબિનેટે મંજૂરી આપી છે.

કેન્દ્રીય કેબિનેટે (Union Cabinet) સાણંદમાં કેયન્સ સેમિકોનનાં રૂપિયા 3300 કરોડનાં ખર્ચે નિર્માણ થનાર પ્લાન્ટને પણ મંજૂરી આપી છે, જેની ક્ષમતા રોજની 60 લાખ ચીપ્સ ઉત્પાદનની હશે. ઉપરાંત, ધોલેરા-ભીમનાથ 23.33 કિલોમીટર નવી બ્રોડગેજ રેલવે લાઇન પ્રોજેક્ટ માટે કેન્દ્ર સરકારે રૂપિયા 466 કરોડની ફાળવણી કરી, જેના કારણે ધોલેરાને સીધી રેલવે કનેક્ટિવિટી ઉપલબ્ધ થશે. રાજ્યમાં 500 મેગાવોટનાં ઓફશોર વિન્ડ એનર્જી પાર્ક પ્રોજેક્ટની સ્થાપના માટેની વાયેબિલિટી ગેપ ફંડીંગ યોજનાને પણ કેન્દ્રીય કેબિનેટની મંજૂરી મળી છે. આ સાથે ધોલેરામાં ટાટા ઇલેક્ટ્રોનિક્સ પ્રાઇવેટ લિમિટેડ અને પાવરચિપ સેમિકન્ડક્ટર મેન્યુફેચરિંગ કોર્પોરેશનનાં 911 હજાર કરોડનાં રોકાણ સાથેની સેમિકન્ડક્ટર ફેબ્રિકેશન યુનિટ, તેમ જ સાણંદમાં સી.જી. પાવર, રેનેસાસ ઇલેકટ્રોનિક કોર્પોરેશન અને સ્ટાર્સ માઇક્રો ઇલેક્ટ્રોનિક્સનાં સંયુક્ત ઉપક્રમે 7600 કરોડનાં રોકાણનાં સેમિકન્ડક્ટર ATMP ફેબ્રિકેશન યુનિટને કેન્દ્રીય કેબિનેટે મંજૂરી આપી છે. નોંધનીય છે કે, વડાપ્રધાન નરેન્દ્ર મોદીનાં (PM Narendra Modi) હસ્તે આ વર્ષે રૂપિયા 9 હજાર કરોડનાં ખર્ચે તૈયાર થનાર મુંદ્રા પાણીપત પાઇપ લાઇનનનો શિલાન્યાસ પણ થયો હતો.

ઉપરાંત, જામનગર – બઠિંડા (ભટીંડા) 1316 કિલોમીટરનાં હાઇવેનું નિર્માણ, જે બઠીંડા, બાડમેર અને જામનગર ત્રણ મોટી રિફાઇનરીઓને જોડે છે. દ્વારકાથી બેટ દ્વારકા સુધી રૂ. 979 કરોડના ખર્ચે સુદર્શન સેતુનું નિર્માણ કરવામાં આવ્યું છે. 2.3 કિમી લાંબા આ બ્રિજની સાથે-સાથે 2.45 કિમીનાં એપ્રોચ રોડ તથા પાર્કિંગની સુવિધા પણ વિકસિત કરવામાં આવી છે. તેના કારણે હવે દ્વારકાથી બેટ દ્વારકા સરળતાથી પહોંચી શકાશે. રૂ. 1195 કરોડના ખર્ચે નિર્માણ થયેલ રાજકોટ AIIMS નું વડાપ્રધાન નરેન્દ્ર મોદીના (PM Narendra Modi) હસ્તે લોકાર્પણ કરવામાં આવ્યું હતું. રૂ. 1200 કરોડનાં ખર્ચે સાબરમતી ગાંધી આશ્રમનો પુનઃવિકાસ પ્રોજેક્ટ પણ હાલ પૂરઝડપે કાર્યરત છે.

આ પણ વાંચો - Lothal : દેશના પ્રથમ નેશનલ મેરિટાઇમ હેરિટેજ કોમ્પ્લેક્સની કાર્યપ્રગતિ

રૂ. 3 લાખ 32 હજાર કરોડનું માતબર બજેટ રજૂ કરાયું

ગુજરાતની જનતા માટે ગરવું ગુજરાત, ગુણવંતુ ગુજરાત, ગ્રીન ગુજરાત, ગ્લોબલ ગુજરાત અને ગતિશીલ ગુજરાત એમ 5G નાં મંત્ર સાથે સર્વગ્રાહી દિશાદર્શન કરતું રૂ. 3 લાખ 32 હજાર કરોડનું માતબર બજેટ (Gujarat Government) રજૂ કરવામાં આવ્યું હતું. વર્ષ 2024-25 માં જેન્ડર બજેટમાં મહિલા સશક્તિકરણની કુલ 804 યોજનાઓ આવરી લેવામાં આવી છે. રાજ્ય સરકાર દ્વારા નારી ગૌરવ નીતિ 2024 પણ જાહેર કરાઈ છે. ઉપરાંત, કુટિર ગ્રામોદ્યોગ પોલિસીની ઘોષણા કરાઈ, ખરીદ નીતિ 2024 લાગૂ કરવામાં આવી, ગ્રીન હાઈડ્રોજન પોલિસી બનાવવામાં આવી. નવી ગુજરાત ટેક્સટાઈલ પોલિસી-2024 ની પણ જાહેરાત કરવામાં આવી છે.

આ સિવાય વાયબ્રન્ટ ગુજરાત  ગ્લોબલ સમિટનું (Vibrant Gujarat Global Summit) 10 મા સંસ્કરણનું સફળતાપૂર્વક આયોજન કરવામાં આવ્યું અને રૂ. 45 લાખ કરોડથી વધુનાં 98,000 થી વધુ MoU થયા હતા. સૌ પ્રથમ વખત જિલ્લા સ્તરે ‘વાયબ્રન્ટ ગુજરાત, વાયબ્રન્ટ ડિસ્ટ્રિક્ટ’ નું પણ આયોજન આ વર્ષે કરવામાં આવ્યું હતું. કેન્દ્રનાં નીતિ આયોગની પેટર્ન પર રાજ્યમાં ગુજરાત રાજ્ય ઇન્સ્ટિટ્યૂશન ફોર ટ્રાન્સફોર્મેશનની (GRIT) સ્થાપના કરવામાં આવી છે. આ સંસ્થા રાજ્યની વિકાસ વ્યૂહરચનાઓને આગળ ધપાવશે. સપ્ટેમ્બર 2024 માં નીતિ આયોગનાં જી-હબ ઇનિશિએટિવ હેઠળ સુરત ઇકોનોમિક ડેવલપમેન્ટ પ્લાન જાહેર કરાયો. રાજ્યમાં શહેરીકરણ સુદૃઢ થાય તે માટે નવી 9 મહાનગરપાલિકા અને 1 નગરપાલિકાની રચના કરાશે.

રાજ્યનાં ખેડૂતો માટે સરકારનાં મહત્વની જાહેરાતો અને નિર્ણય

જણાવી દઈએ કે, સરકારની “કિસાન સૂર્યોદય યોજના" હેઠળ 96 ટકા ગામનાં ખેડૂતોને દિવસે વીજળી મળતી થઈ છે. રાજ્યનાં 18,225 ગામ પૈકી 17,193 ગામમાં 20.51 લાખથી વધુ ખેતીવાડી વીજ જોડાણો કરાયા છે. રૂ. 2800 કરોડથી વધુનાં મૂલ્યની વિવિધ કૃષિ પેદાશોની ટેકાના ભાવે ખરીદી કરાઈ છે અને 11 મી નવેમ્બરથી 90 દિવસ સુધી મગફળી, મગ, અડદ અને સોયાબીનની ટેકાનાં ભાવે ખરીદી કાર્ય આરંભાયું છે. 246 તાલુકાઓમાં રવી કૃષિ મહોત્સવ દ્વારા 2.10 લાખથી વધુ ખેડૂતોએ આધુનિક ખેતીનું માર્ગદર્શન મેળવ્યું છે. જ્યારે, ઇ-સેવાઓ વધુ સુલભ બને તે માટે PACS એટલે કે પ્રાથમિક કૃષિ ધિરાણ સંસ્થાઓને સામાન્ય સેવા કેન્દ્રો (CSCs) તરીકે વિકાસાવવા માટે GOI ની પહેલ અન્વયે 3,233 PACS ઓનબોર્ડ થયા છે. નળકાંઠાનાં વિસ્તારમાં 39 ગામોને સિંચાઈની સુવિધા મળી રહે તે માટે રૂ. 400 કરોડથી વધુનાં કામોનો પ્રારંભ થયો છે. જ્યારે ‘શ્રમિક અન્નપૂર્ણા યોજના’ હેઠળ 2 કરોડ 68 લાખ લોકોને ભોજન વિતરણ કરાયું છે. ‘શ્રમિક બસેરા યોજના’ ની શરૂઆત, આગામી ત્રણ વર્ષમાં રૂ. 1500 કરોડના ખર્ચે 3 લાખ જેટલા શ્રમિક બસેરાનાં નિર્માણનું આયોજન કરાયું છે.

આ પણ વાંચો - SWAR-સુશાસનમાં વધુ એક યશ કલગી

રાજ્યની દીકરીઓ માટે સરકારનાં મહત્ત્વપૂર્ણ નિર્ણય

રાજ્યની દીકરીઓની વાત કરીએ તો દીકરીઓ વધુ ભણે અને આગળ વધે તે માટે શરૂ કરાયેલી ‘નમો લક્ષ્મી’ યોજના દ્વારા લગભગ 10 લાખ વિદ્યાર્થિનીઓને રૂ. 138 કરોડથી વધુની સહાય સરકાર (Gujarat Government) દ્વારા ચૂકવાઇ છે. વિદ્યાર્થીઓ વિજ્ઞાન પ્રવાહમાં ભણવા પ્રેરાય તે માટે શરૂ કરાયેલી ‘નમો સરસ્વતી વિજ્ઞાન સાધના યોજના’ અંતર્ગત 2.5 લાખથી વધુ વિદ્યાર્થીઓને ₹ 28 કરોડથી વધુની સહાય ચૂકવાઇ છે. જ્યારે ‘નમો શ્રી યોજના’ હેઠળ ગર્ભવતી મહિલાઓને 12 હજાર રૂપિયાની આર્થિક સહાય આપવાની યોજના દ્વારા 1.45 લાખ લાભાર્થીઓને સહાય આપવામાં આવી છે.

આ સિવાય, PMJAY-MA હેઠળ મળતી સહાય બમણી થઈ છે અને હવે રૂ. 10 લાખ સુધીની સારવાર નિઃશુલ્ક મળે છે. પ્રધાનમંત્રી નેશનલ ડાયાલિસિસ પ્રોગ્રામ (PMNDP) અંતર્ગત ગુજરાતમાં નવા 188 ડાયાલિસિસ કેન્દ્રો કાર્યરત થયા છે. જ્યારે, રાજ્યમાં કુલ 35 ડે-કેર કીમોથેરાપી સેન્ટર્સ પણ શરૂ કરવામાં આવ્યા છે, જેમાં 63 હજારથી વધુ દર્દીઓનાં 1.69,066 કીમોથેરાપી સેશન્સ થયા છે. સરકારી અને ગ્રાન્ટ-ઇન-એઈડ પ્રાથમિક શાળાનાં ૪૧ લાખ વિદ્યાર્થીઓને પૌષ્ટિક અલ્પાહાર આપવા માટે ‘મુખ્યમંત્રી પૌષ્ટિક અલ્પાહાર યોજના’નો આરંભ કરાયો છે. જ્યારે યુવાનોનાં ઇનોવેટિવ વિચારોને ગુડ ગવર્નન્સમાં સાંકળવાની દિશામાં “સરદાર પટેલ ગુડ ગવર્નન્સ ફેલોશીપ” ની શરૂઆત થઈ છે.

આ સિવાય વર્ષ 2024 ના રાજ્ય સરકારનાં મહત્ત્વના સકારાત્મક કાર્યોની વાત કરીએ તો આ મુજબ છે...

> સુરતમાં વિશ્વનાં સૌથી મોટા કોર્પોરેટ ઓફિસ હબ ડાયમંડ બુર્સનું લોકાર્પણ આ વર્ષે થયું.
> કેન્દ્ર અને રાજ્ય સરકારની 680 થી પણ વધુ યોજનાઓની માહિતી નાગરિકોને “મારી યોજના” એક જ ડિજિટલ પ્લેટફોર્મ પરથી મળી રહેશે.
> ગુજરાતમાં ‘એક પેડ માં કે નામ’ અંતર્ગત 17 કરોડ 19 લાખથી વધુ વૃક્ષોનું વાવેતર કરાયું છે.
> મુખ્યમંત્રી ભૂપેન્દ્ર પટેલને (CM Bhupendra Patel) મળતી ભેટ-સોગાદોનાં વેચાણ માટે પોર્ટલનું લોન્ચ કરાયું છે.
> રાજ્યનાં 21 જિલ્લાઓનાં 50 તાલુકાઓમાં સરકારી પુસ્તકાલયો શરૂ કરવાનો ઐતિહાસિક નિર્ણય રાજ્ય સરકાર દ્વારા લેવાયો છે.
> ભ્રષ્ટ અને ગુનાહિત પ્રવૃત્તિઓ દ્વારા મેળવેલી સંપત્તિઓને જપ્ત કરવા માટે ગુજરાત સ્પેશિયલ કોર્ટ્સ ઍક્ટ, 2024 અમલી કરાઈ છે.
> ગુજરાત માનવબલિ અને બીજી અમાનુષી, અનિષ્ટ તેમ જ અઘોરી પ્રથા, કાળા જાદુ અટકાવવા નિર્મૂલન વિધેયક સર્વાનુમતે પસાર કરાયો છે.
> ગુજરાત પોલીસે તાજેતરમાં સુરતમાં તેના પ્રથમ એન્ટી-નાર્કોટિક્સ યુનિટનું ઉદઘાટન કર્યું હતું.
> રાજ્યની 34 નગરપાલિકાઓમાં સિટિઝન સિવિક સેન્ટર કાર્યરત થતાં. આ નગરોનાં નાગરિકોને સરકારી સેવાઓ મેળવવામાં વધુ સરળતા રહેશે.
> ઓક્ટોબરથી ડિસેમ્બર 2024 માં વસૂલાત પાત્ર ફ્યુઅલ સરચાર્જમાં 40 પૈસાનો ઘટાડો કરાયો છે.

આ વર્ષે ગુજરાતની સિદ્ધિઓ :

જણાવી દઈએ કે, યુનાઇટેડ નેશન્સની એજન્સી વર્લ્ડ ટુરિઝમ ઓર્ગેનાઈઝેશન દ્વારા કચ્છનું ધોરડો ગામ “બેસ્ટ ટુરિઝમ વિલેજ” જાહેર થયું છે. જ્યારે UNESCO ના Prix Versailles એવોર્ડ અંતર્ગત ભુજનું સ્મૃતિવન ભૂકંપ મેમોરિયલ અને મ્યુઝિયમ વિશ્વનાં સૌથી સુંદર મ્યુઝિયમ્સની યાદીમાં સામેલ થયું છે. છોટાઉદેપુરનાં હાંફેશ્વર ગામને કેન્દ્રનાં પર્યટન મંત્રાલય દ્વારા હેરિટેજ કેટેગરીમાં શ્રેષ્ઠ ગ્રામીણ પર્યટન સ્પર્ધા 2024 નો એવોર્ડ મળ્યો છે. ઉપરાંત, વાવકુલ્લી-2 પંચાયતને દેશની સર્વશ્રેષ્ઠ “સુશાસન યુક્ત પંચાયત” તરીકે પ્રથમ પુરસ્કાર પ્રાપ્ત થયો છે. 75 માં પ્રજાસત્તાક દિવસની પરેડમાં ગુજરાતનો ટેબ્લો સતત બીજા વર્ષે પીપલ્સ ચોઇસ એવોર્ડમાં પ્રથમ ક્રમે રહ્યો છે. 2024 નાં વર્ષનાં પ્રથમ દિવસે સમગ્ર ગુજરાતમાં એક સાથે 108 સ્થળો પર 50,086 લોકોએ સૂર્ય નમસ્કાર કરીને નવો ગિનીઝ બુક ઓફ વર્લ્ડ રેકોર્ડ સ્થાપતિ કર્યો છે.

આ પણ વાંચો - SHREE YANTRA: કલિયુગમાં કલ્પવૃક્ષ-સાવ સહજ ઉપાસના