રાજ્ય સરકાર દ્વારા State Allied and Healthcare Council ની રચના કરાઈ, જાણો તેનાં વિશે
- સ્ટેટ એલાઇડ એન્ડ હેલ્થકેર કાઉન્સિલમા ૧૫ સભ્યોની નિમણૂંક કરાઇ
- જુદા-જુદા 10 અભ્યાસક્રમોની રેકગ્નાઈઝ કેટેગરીમાં વિવિધ 56 એલાઈડ હેલ્થકેર અભ્યાસક્રમોનો સમાવેશ
- આ કાઉન્સીલ હેઠળ 4 જેટલા બોર્ડ બનાવવામાં આવશે
- સ્નાતક અને અનુસ્નાતક કક્ષાએ Allied and Healthcare Education નાં ધોરણો નક્કી કરશે
રાજ્યનાં પ્રત્યેક નાગરિકને ગુણવત્તાસભર શ્રેષ્ઠત્તમ સારવાર મળી રહે અને મેડિકલ શિક્ષણને વેગ મળે તે દિશામાં સતત પ્રયત્નો હાથ ધરવામાં આવ્યા છે, જેના ભાગરૂપે રાજ્ય સરકાર દ્વારા સ્ટેટ એલાઇડ એન્ડ હેલ્થકેર કાઉન્સીલનાં (State Allied and Healthcare Council) 15 સભ્યોની નિમણૂક કરાઇ છે. રાજ્ય સરકાર દ્વારા આ કાઉન્સિલમાં 15 સભ્યોની નિમણૂક કરીને રાજ્યમાં મેડિકલ શિક્ષણનાં ઘોરણો અને ગુણવત્તા વિગેરેનો નિયમન કરવાનાં પ્રયાસો હાથ ધરાયા છે. જે માટે આ કાઉન્સીલ હેઠળ 4 જેટલા બોર્ડ પણ બનાવવામાં આવશે.
(૧) Under Graduate Allied and Healthcare Education Board
(૨) Post Graduate Allied and Healthcare Education Board,
(૩) Allied and Healthcare professions Assessment and Rating Board,
(૪) Allied and Healthcare professions Ethics and Registration Board
(1) Under Graduate Allied and Healthcare Education Board અને (2) Post Graduate Allied and Healthcare Education Board સ્નાતક, અનુસ્નાતક અને સુપર સ્પેશિયાલિટી કક્ષાએ Allied and Healthcare Education નાં ધોરણો નક્કી કરશે, ફેકલ્ટી ડેવલપમેંટની સમીક્ષા, માન્ય શૈક્ષણિક લાયકાતનાં અભ્યાસક્રમો અને એલાઈડ હેલ્થકેર વ્યવસાયિકોની મંજૂરી આપશે.
(૩) Allied and Healthcare professions Assessment and Rating Board દ્વારા લઘુત્તમ આવશ્યક ધોરણો જળવાય તે સુનિશ્ચિત કરવા માટે સંસ્થાઓનાં નિરીક્ષણની વ્યવસ્થા કરીને નવી Allied and Healthcare સંસ્થાઓ માટે મહેકમ અને બેઠક ક્ષમતાને મંજૂરી આપીને, નિરીક્ષકોની પેનલ બનાવીને, દંડની ચેતવણી લાગુ કરીને, સંસ્થાની માન્યતા પાછી ખેંચવા માટે ભલામણ કરીને અને સ્ટેટ કાઉન્સિલ દ્વારા સોંપાયેલ અન્ય કોઈ કામગીરી કરીને Allied and Healthcare સંસ્થાઓનાં મૂલ્યાંકન અને રેટિંગ નિર્ધારિત કરશે.
આ પણ વાંચો - SPIPA :ગુજરાત સરકારની પ્રતિષ્ઠિત રાજ્યકક્ષાની તાલીમ સંસ્થા
(૪) Allied and Healthcare professions Ethics and Registration Board દ્વારા રાજ્યનાં તમામ એલાઈડ હેલ્થકેર વ્યવસાયીનું ઓનલાઈન અને લાઈવ સ્ટેટ રજિસ્ટર જાળવવાનું રહેશે, વ્યાવસાયિક વર્તણૂકનું નિયમન અને નીતિને ઉત્તેજન આપવાનું અને સ્ટેટ કાઉન્સિલ દ્વારા સોંપણી કર્યા પ્રમાણે અન્ય કામગીરી કરશે.
અત્રે ઉલ્લેખનીય છે કે, રાજ્યમાં હાલ એલ્યાઇડ હેલ્થ સાયન્સ અભ્યાસક્રમો જેવા કે ફિઝીયોથેરાપીની 4810 બેઠકો, ઓપ્ટ્રોમેટ્રી 310 બેઠકો, ઓકયુપેશનલથેરાપીની 10, પ્રોસ્ટેથીકની 10 બેઠકો ઉ૫લબ્ધ છે. તેમ જ રાજયમાં અન્ય વિવિધ સ્નાતક અને અનુસ્નાતક પેરામેડીકલ અભ્યાસક્રમો કાર્યરત છે, જે પૈકી ફીઝીયોથેરાપી અભ્યાસક્રમનાં નિયમન અર્થે ફીઝીયોથેરાપી કાઉન્સીલની રચના કરવામાં આવેલ છે. જયારે, અન્ય પેરામેડીકલ અભ્યાસક્રમોનાં નિયમન જે તે યુનિર્વસીટી દ્વારા કરવામાં આવે છે.
ભારત સરકાર દ્વારા તા. 28/03/2021 ના રોજ જાહેરનામું બહાર પાડી “ધ નેશનલ કમિશન ફોર એલ્યાઇડ એન્ડ હેલ્થકેર પ્રોફેશનલ” ની રચના કરવામાં આવી છે. જે ભારતભરમાં તમામ એલાઇડ હેલ્થકેર કોર્ષનાં અભ્યાસક્રમોનું નિયમન કરનારી એપેક્ષ સંસ્થા છે. ભારતમાં અત્યાર સુધીમાં 14 રાજયો દ્વારા સ્ટેટ એલાઇડ એન્ડ હેલ્થ કેર કાઉન્સીલની રચના કરેલ છે. રાજય સરકાર દ્વારા આજે તા. 20/12/2024 ના નોટિફિકેશનથી રાજયમાં સ્ટેટ એલાઇડ એન્ડ હેલ્થકેર કાઉન્સીલના 15 સભ્યોની નિમણૂંક કરાઇ છે.
આ પણ વાંચો - Gujarat :ધ ક્લિનિકલ એસ્ટાબ્લિસમેન્ટ એક્ટ- 2024 અમલમાં
અગાઉ તા. 26/11/2024 ના નોટિફિકેશનથી આ કાઉન્સીલના નિયમો પ્રસિધ્ધ કરવામાં આવ્યા છે. આ કાઉન્સીલ દ્વારા 10 અલગ-અલગ અભ્યાસક્રમોની રેકગ્નાઈઝ કેટેગરી નિશ્ચિત કરવામાં આવી છે. આ 10 કેટેગરીમાં વિવિધ 56 એલાઈડ હેલ્થકેર અભ્યાસક્રમોનો સમાવેશ કરાયો છે. રાજ્યની ફિઝિયોથેરાપી કાઉન્સિલમાં 16,000 થી વધારે ફિઝિયોથેરાપીસ્ટોનું રજિસ્ટ્રેશન થયેલ છે, આ તમામ ફિઝિયોથેરાપીસ્ટનો એલાઇડ હેલ્થ કાઉન્સિલની રચના થતાં તેમા સમાવેશ થઇ જશે, ફિઝિયોથેરાપી અભ્યાસક્રમ ઉપરાંત અન્ય 55 અભ્યાસક્રમોનાં તજજ્ઞોની પણ નોંધણી હવે એલાઇડ હેલ્થ કેર એન્ડ સાયન્સીસ કાઉન્સીલમાં થશે.
આ કાઉન્સીલ સ્નાતક અને અનુસ્નાતક કક્ષાએ Allied and Healthcare Education નાં ધોરણો નક્કી કરશે. ફેકલ્ટી ડેવલપમેંટની સમીક્ષા, માન્ય શૈક્ષણિક લાયકાતના અભ્યાસક્રમોની મંજૂરી અને સ્નાતક તેમ જ અનુસ્નાતક શિક્ષણ માટે સરકાર દ્વારા સોંપણી કર્યા પ્રમાણે અન્ય કામગીરી કરશે. આ કાઉન્સિલ રાજ્યમાં એલાઈડ અને હેલ્થકેર સંસ્થાઓનું નિરીક્ષણ અને એલાઈડ અને હેલ્થકેર વ્યાવસાયિકોની નોંધણી પણ કરશે. આ વ્યાવસાયિકોએ પાલન કરવાનાં નીતિ અને આચાર સંહિતાનું પાલન કરાવવાનું અને રાજ્ય રજિસ્ટરમાંથી વ્યાવસાયિકોના નામ કમી કરવા સહિત શિસ્તવિષયક પગલા લેવાની કામગીરી પણ આ કાઉન્સિલ દ્વારા કરવામાં આવશે.
આ કાઉન્સિલ દ્વારા 10 અલગ-અલગ અભ્યાસક્રમોની રેકગ્નાઈઝ કેટેગરી કંઇ હશે ?
(1) મેડીકલ લેબોરેટરી અને લાઈફ સાયન્સિસ, (2) ટ્રોમા, બર્નકેર અને સર્જીકલ/એનેસ્થેશિયા રીલેટેડ ટેક્નોલોજી, (3) ફિઝિયોથેરાપી પ્રોફેશનલ, (4) ન્યુટ્રિશન સાયન્સ પ્રોફેશનલ, (5) ઓપ્થેલ્મિક સાયન્સ પ્રોફેશનલ, (6) ઓક્યુપેશનલથેરાપી પ્રોફેશનલ, (7) કોમ્યુનિટી કેર, બીહેવરલ હેલ્થ સાયન્સિસ અને અધર પ્રોફેશનલ્સ, (8) મેડીકલ રેડીયોલોજી, ઈમેજીંગ એન્ડ થેરાપ્યુટીક ટેક્નોલોજી પ્રોફેશનલ, (9) મેડીકલ ટેક્નોલોજીસ્ટ એન્ડ ફિઝીશિયન એસોસીયેટ, (10) હેલ્થ ઈન્ફોર્મેશન મેનેજમેન્ટ એન્ડ હેલ્થ ઈન્ફોર્મેટીક પ્રોફેશનલ.
આ 10 કેટેગરીમાં વિવિધ 56 એલાઈડ હેલ્થકેર અભ્યાસક્રમોનો સમાવેશ કરેલ છે.
આ પણ વાંચો - Ahmedabad : પોલીસની આબરૂ લેનારા ટપોરીઓને પોલીસે કર્યાં 'બેઆબરૂ'! જુઓ Video