Anand : લ્યો બોલો... હવે પાનનાં ગલ્લે વિદેશી દારૂનું વેચાણ! વાઇરલ Video એ ખોલી પોલ!
- Anand નાં પેટલાદનાં નાર ગામે વિદેશી દારૂ વેચાણનો વીડિયો વાઇરલ!
- નાર ગામમાં પાનનાં ગલ્લે માંગો તે બ્રાન્ડનો વિદેશી દારૂ ઉપલબ્ધ હોવાનો દાવો
- વીડિયો વાઇરલ થતાં સ્થાનિક પોલીસની કામગીરી સામે ઉઠ્યા સવાલ
Anand : રાજ્યમાં દારૂની હેરાફેરી અને વેચાણ કરવા માટે બુટલેગરો અવનવા કીમિયા અપનાવતા હોય છે. ત્યારે આણંદમાંથી એક ચોંકાવનારો વીડિયો સામે આવ્યો છે. આ વાઇરલ વીડિયો પેટલાદ તાલુકાનાં (Petlad) એક ગામનો હોવાનું સામે આવ્યું છે. વાઇરલ વીડિયોમાં એક પાનનાં ગલ્લે વિદેશી દારૂનું વેચાણ થતું હોવાનું જણાય છે. આ વીડિયો સામે આવતા સ્થાનિક પોલીસ હવે શું કાર્યવાહી કરશે તેનાં પર સૌની નજર છે.
આ પણ વાંચો - Bhavnagar : એકલા રહેતા યુવકની ઘરમાંથી મળી શંકાસ્પદ હાલતમાં લાશ
પાનનાં ગલ્લે વિદેશી દારૂનું વેચાણ થતું હોવાનો દાવો
સોશિયલ મીડિયા પર એક વીડિયો વાઇરલ થયો છે, જે આણંદ જિલ્લાનાં (Anand) પેટલાદ તાલુકાનાં નાર ગામનો હોવાનો જાણવા મળ્યું છે. આ વાઇરલ વીડિયો ગામમાં આવેલા એક પાનનાં ગલ્લા પરનો છે જ્યાં વિદેશી દારૂનું વેચાણ થતું હોવાનો દાવો કરાયો છે. નાર ગામમાં આવેલા આ પાનનાં ગલ્લે માંગો તે બ્રાન્ડનો વિદેશી દારૂ ઉપલબ્ધ હોવાનો પણ આરોપ થયો છે.
બાળકોના ચોકલેટના ડબ્બાની પાછળ આવી વસ્તુ પણ વેંચાય! | Gujarat First
એક તરફ આગળ પલાસ્ટીકના ડબ્બા...જેની અંદર છે ચોકલેટ જ ચોકલેટ...જે સામાન્ય રીતે બાળકોની પ્રિય હોય છે....પણ એ પ્લાસ્ટિકના ડબ્બાની પાછળ એવી વસ્તુનું વેચાણ થઇ રહ્યું છે...જેને અનેક લોકોના ઘર બરબાદ કર્યા છે...હા પાનના… pic.twitter.com/4W0s4BNUPs
— Gujarat First (@GujaratFirst) March 18, 2025
આ પણ વાંચો - Anand : બહારનું ખાતા પહેલા સાવધાન! ત્રણ હોટેલ-રેસ્ટોરન્ટ સીલ કરાયાં
સ્થાનિક પોલીસની કામગીરી સામે સવાલ
જો કે, આ વીડિયો સામે આવતા સોશિયલ મીડિયા પર લોકો અલગ અલગ પ્રતિક્રિયા આપી રહ્યા છે. સાથે યુઝર્સ સ્થાનિક પોલીસની કામગીરીને લઈને પણ અનેક સવાલ કરી રહ્યા છે. ગાંધીનાં ગુજરાતમાં દારૂબંધી માત્ર કાગળ પર હોય તેમ કહી રહ્યા છે. ત્યારે, આ વાઇરલ વીડિયો સામે આવ્યા બાદ સ્થાનિક પોલીસ દ્વારા શું કાર્યવાહી કરવામાં આવે છે, તેનાં પણ સૌની નજર છે.
આ પણ વાંચો - Ahmedabad : માણસા નગરપાલિકાનાં ચૂંટણી પરિણામને હાઇકોર્ટમાં પડકાર