Chhota Udepur: બોડેલીમાં પતંગની દોરીએ બાઈક ચાલકનો લીધો જીવ
- છોટાઉદેપુરના બોડેલીમાં પતંગની દોરીથી બાઈકનું મૃત્યુ
- અલીપુરા ચાર રસ્તા પાસે બની હતી ઘટના
- બાઇક ચાલકના ગળામાં દોરી આવી જતાં ગંભીર ઈજા
- સારવાર દરમિયાન બાઇક ચાલક જગદીશ તરબડાનું મોત
- તરબડાથી બોડેલી જતા સમયે દોરી આવી જતા અકસ્માત
Chhota Udepur:છોટાઉદેપુરના બોડેલીમાં પતંગની ચાઈનીઝ દોરી (Chinese Rope)એ એક બાઈકનો જીવ લીધો છે. ગળામાં આવી જતાં બાઈક ચાલકનું કરુણ મોત થઈ ગયું છે. તેનું હોસ્પિટલમાં સારવાર દરમિયાન મોત થઈ ગયું છે. ખેડા જીલ્લાના નડિયાદમાં પણ એક યુવતીનું ગળું કપાયું છે. જેથી તેને સારવાર લેવી પડી છે.
સારવાર દરમિયાન મોત બાઈક ચાલકનું મોત
મળતી જાણકારી અનુસાર ગઈકાલે સંખેડા તાલુકાના વાગેથાના 42 વર્ષિય જગદીશભાઈ તરબડા બાઈક લઈને બોડેલીથી ડભોઇ તરફ જઈ રહ્યા હતા. ત્યારે અલીપુરા ચાર રસ્તા નજીક તેમના ગળામાં ચાઈનીઝ દોરી આવી જતાં એકાએક નીચે પટકાયા હતા. જેથી જગદીશભાઈ તરબડા તાત્કાલિક સારવાર માટે હોસ્પિટલ ખસેડાયા હતા. જો કે સારવાર દરમિયાન મોત થઈ ગયું છે. જગદીશભાઈ દરબડાના એકાએક થયેલા મોતથી પરિવારમાં દુઃખ છવાઈ ગયું છે. ઉતરાયણ આવે તે પહેલા જ પતંગની દોરીએ એક વ્યક્તિનો જીવ લઈ લેતાં આસપાસના વિસ્તારમાં ભારે ચકચાર મચી ગઈ છે.
Chhota Udepur | એક દોરીએ લીધો આધેડનો જીવ !, બહાર નીકળતા પહેલા તમે પણ સાચવજો | Gujarat First
Chhota Udepur ના Bodeli માં પતંગની દોરીથી આધેડનું મૃત્યુ
ગઈકાલે અલીપુરા ચાર રસ્તા પાસે બની હતી ઘટના
બાઇક ચાલકના ગળામાં દોરી આવી જતાં ગંભીર ઈજા
સારવાર દરમિયાન બાઇક ચાલક જગદીશ તરબડાનું… pic.twitter.com/RX9mXLamRu— Gujarat First (@GujaratFirst) November 18, 2025
નડિયાદમાં યુવતીનું ગળું કપાયું
ઉલ્લેખનીય છે કે ખેડા જીલ્લાના વડા મથક નડિયાદમાં પણ એક યુવતીનું દોરીથી ગળું કપાયું છે. આ ઘટના દુર્ઘટના રવિવારે નડિયાદના વૈશાલી સિનેમા રોડથી માનવ સેવા પરિવાર ટી પોઈન્ટ પર બની હતી. કોલેજના પ્રથમ વર્ષમાં અભ્યાસ કરતી મનીષા મારવાડી નામની યુવતી પોતાના ટુ-વ્હિલર પર જતી હતી ત્યારે તેના ગળામાં ચાઈનીઝ દોરી આવી ગઈ હતી. જેથી યુવતીનું ગળું કપાઈ જતાં લોહીલુહાણ હાલતમાં રસ્તા પર પડી ગઈ હતી. તેને ગળાના ભાગે ઈજાઓ પહોંચી છે. ઘટના બાદ ઈજાગ્રસ્ત મનીષા મારવાડીના પિતાએ ચાઈનીઝ દોરી સામે કડકમાં કડક પગલાં લેવા રજૂઆત કરી હતી.
ચાઈનીઝ દોરી પર પ્રતિબંધ છતાં ઉપયોગ
ઉલ્લેખનીય છે ગુજરાતમાં ચાઈનીઝ દોરી પર પ્રતિબંધ છે. તેમ છતાં કોઈના જીવની પરવા કર્યા વગર લોકો ઉપયોગ કરતાં હોય છે. જેના કારણે કરુણ ઘટનાઓ બને છે. આ ઘટનાએ ફરી એક વખત ચાઇનીઝ માંઝા પર પ્રતિબંધની માંગને વેગ આપ્યો છે. જેથી આવી ઘટનાઓ બનતી અટકાવી શકાય.
આ પણ વાંચોઃ Bharuch: દેવલા ગામના મહિલા સરપંચે લાખો રુપિયાનો ભ્રષ્ટાચાર આચરતાં સસ્પેન્ડ, વાંચો સમગ્ર મામલો