Gujarat Congress : ગુજરાત કોંગ્રેસ પ્રદેશ પ્રમુખ પદે અમિત ચાવડાની પસંદગી
- ગુજરાત કોંગ્રેસની કમાન અમિત ચાવડાને સોંપાઈ (Gujarat Congress)
- અમિત ચાવડાને ગુજરાત કોંગ્રેસ પ્રદેશ પ્રમુખ બનાવાયા
- તુષાર ચૌધરીને વિધાનસભામાં પક્ષના નેતા બનાવાયા
- શક્તિસિંહ ગોહિલના રાજીનામા બાદ ખાલી પડ્યું હતું પદ
Gujarat Congress : ગુજરાત કોંગ્રેસને લઈને મોટા સમાચાર આવ્યા છે. ગુજરાત કોંગ્રેસની કમાન અમિત ચાવડાને (Amit Chavda) સોંપવામાં આવી છે. માહિતી અનુસાર, અમિત ચાવડાને ગુજરાત કોંગ્રેસ પ્રદેશ પ્રમુખની જવાબદારી સોંપવામાં આવી છે. જ્યારે, તુષાર ચૌધરીને (Tushar Chaudhary) વિધાનસભામાં પક્ષના નેતા બનાવાયા છે. કોંગ્રેસે ફરી એકવાર અમિત ચાવડા પર વિશ્વાસ મુક્યો છે. શક્તિસિંહ ગોહિલના (Shaktisinh Gohil) રાજીનામા બાદ આ પદ ખાલી પડ્યું હતું.
ગુજરાત કોંગ્રેસની કમાન અમિત ચાવડાને સોંપાઈ
અમિત ચાવડાને ગુજરાત કોંગ્રેસ પ્રદેશ પ્રમુખ બનાવાયા
તુષાર ચૌધરીને વિધાનસભામાં વિપક્ષના નેતા બનાવાયા@INCGujarat @AmitChavdaINC @TusharAmarsinh1 #Gujarat #Congress #AmitChavda #TusharChaudhary #BigBreaking #GujaratCongress #GujaratFirst pic.twitter.com/fEjRhoHtug— Gujarat First (@GujaratFirst) July 17, 2025
કડી, વિસાવદર પેટા ચૂંટણી બાદ શક્તિસિંહ ગોહિલે આપ્યું હતું રાજીનામું
મહેસાણા જિલ્લાની કડી (Kadi) અને જુનાગઢ જિલ્લાની વિસાવદર (Visavdar) વિધાનસભા પેટા ચૂંટણીમાં કોંગ્રેસની કારમી હાર બાદ નેતા શક્તિસિંહ ગોહિલે (Shaktisinh Gohil) ગુજરાત કોંગ્રેસ પ્રદેશ પ્રમુખ પદ પરથી રાજીનામું આપ્યું હતું. શક્તિસિંહ ગોહિલના રાજીનામા બાદ આ પદ ખાલી હતું અને આ પદની જવાબદારી કોના શિરે જશે ? તેને લઈને રાજકીય વર્તુળોમાં પણ અનેક તર્ક-વિતર્ક થઈ રહ્યા હતા. જો કે, આજે તમામ અટકળો અને તર્ક વિતર્ક પર પૂર્ણ વિરામ લાગ્યો છે. કારણ કે, આજે કોંગ્રેસ હાઇ કમાન્ડે ગુજરાત કોંગ્રેસ પ્રદેશ પ્રમુખ માટે નામની જાહેરાત કરી છે.
ગુજરાત કોંગ્રેસ સમિતિના પ્રમુખ બનવા બદલ શ્રી @AmitChavdaINC જી ને ખૂબ ખુબ અભિનંદન
ગુજરાત વિધાનસભામાં કોંગ્રેસ પક્ષના નેતા બનવા બદલ @TusharAmarsinh1 જી ને ખૂબ ખુબ અભિનંદન.#Mission2027 pic.twitter.com/wGKuPX0LZc
— Gujarat Congress (@INCGujarat) July 17, 2025
અમિત ચાવડા પર કોંગ્રેસે ફરી એકવાર મુક્યો વિશ્વાસ
જણાવી દઈએ કે, કોંગ્રેસ હાઇકમાન્ડે એકવાર ફરી અમિત ચાવડા (Amit Chavda) પર વિશ્વાસ દાખવ્યો છે અને ગુજરાત કોંગ્રેસ પ્રદેશ પ્રમુખની જવાબદારી અમિત ચાવડાને સોંપવામાં આવી છે. આ સાથે વિધાનસભામાં પક્ષના નેતા તરીકેની જવાબદારી તુષાર ચૌધરીને (Tushar Chaudhary) સોંપવામાં આવી છે. અમિત ચાવડા ગુજરાતમાં કોંગ્રેસ પાર્ટીનો જૂનો અને જાણીતો ચહેરો છે. તેઓ ઘણા વર્ષોથી પાર્ટીમાં રહી સક્રિય કામગીરી કરી રહ્યા છે. વિવિદ મુદ્દાઓ પર રાજ્યની બીજેપી (BJP) સરકારને ઘેરવાની અમિત ચાવડા પૂરજોર કોશિશ પણ કરે છે.
> અમિત ચાવડાની રાજકીય સફર
> યુવા કોંગ્રેસનાં એક્ટિવ સભ્ય તરીકે રાજકારણમાં પ્રવેશ
> પ્રથમ ચૂંટણી જીત : 2002 માં ભાલોડીયા વિધાનસભા બેઠક
> 5 વખત ધારાસભ્ય તરીકે ચૂંટાઈ આવ્યા
> 2002, 2007, 2012, 2017, 2022 માં મળ્યા આશીર્વાદ
> 2022 કપડવંજ વિધાનસભા બેઠકથી ચૂંટાયા
> ગૃહ વિભાગના સ્ટેન્ડિંગ કમિટીના સભ્ય તરીકે કામગીરી
> 2018 થી 2021 ગુજરાત પ્રદેશ કોંગ્રેસ સમિતિના પ્રમુખ રહ્યા
> 2021માં વિપક્ષના આગેવાન તરીકે કાર્ય
> નમ્ર વ્યક્તિત્વ અને સંગઠનશીલતા માટે જાણીતા
> દલિત, આદિવાસી અને પછાત વર્ગના મુદ્દાઓ પર સક્રિય અવાજ
> 2022 વિધાનસભા ચૂંટણીમાં કોંગ્રેસ તરફથી મુખ્ય ચહેરા પૈકી એક
> 2024 લોકસભા ચૂંટણી પહેલા પાર્ટી સંચાલનમાં સહભાગી જવાબદારી મળી
> હાલ અમિત ચાવડા આંકલાવથી છે ધારાસભ્ય
> કોંગ્રેસે તેમને ફરી એકવાર ગુજરાત કોંગ્રેસ પ્રમુખ બનાવ્યા