Krushi Rahat Package : મુખ્યમંત્રી ભૂપેન્દ્ર પટેલે રાજ્યમાં તાજેતરના અસાધારણ કમોસમી વરસાદને પરીણામે ખેડૂતોના ઉભા પાકને થયેલા વ્યાપક નુકસાન સામે  ઐતિહાસિક રાહત સહાય પેકેજ જાહેર કરેલુ છે. આ ઐતિહાસિક અને ઉદારતમ રાહત સહાય પેકેજ અંતર્ગત 9,815 કરોડ રૂપિયા ધરતીપુત્રોને થયેલા નુકસાનની સહાય પેટે ફાળવવામાં આવ્યા છે.

મુખ્યમંત્રીએ આપદાની વેળાએ ધરતીપુત્રોની સાથે રહીને આપેલા આ ઉદારતમ પેકેજ માટે કૃષિ મંત્રી જીતુભાઈ વાઘાણી(Jitubhai Vaghani)એ મુખ્યમંત્રીનો આભાર વ્યક્ત કર્યો છે. 

Krushi Rahat Packag:ઐતિહાસિક  રાહત સહાય પેકેજ જાહેરાતના મુખ્ય મુદ્દાઓ

• ક્યારે શરૂ થશે: 14મી નવેમ્બર, શુક્રવાર, બપોરે 12:00 કલાકથી.
• સમય મર્યાદા: 15 દિવસ સુધી પોર્ટલ કાર્યરત રહેશે.
• અરજીનું પોર્ટલ: https://krp.gujarat.gov.in (કૃષિ રાહત પેકેજ - KRP પોર્ટલ).
• મદદ: ખેડૂતોને અરજી કરવા માટે ગ્રામ પંચાયતના VCE (Village Computer  Entrepreneur)/VLE (Vllage Level Entrepreneur) મદદરૂપ થશે.
• અરજી ફી: ખેડૂતોએ ઓનલાઈન અરજી કરવા માટે કોઈ ચૂકવણું (ફી) કરવાનું રહેશે નહીં.

Krushi Rahat Package:  સહાય પેકેજ અને ચુકવણી

• સહાયની રકમ: મુખ્યમંત્રી  ભૂપેન્દ્ર પટેલે(CM Bhupendra Patel)તાજેતરના કમોસમી વરસાદના નુકસાન માટે ₹9,815 કરોડ અને અગાઉના વરસાદ માટેની સહાય સાથે કુલ ₹11,137 કરોડનું રાહત સહાય પેકેજ જાહેર કર્યું છે.
• ચુકવણી પદ્ધતિ: મળવાપાત્ર સહાય PFMS/RTGS મારફત DBT (ડાયરેક્ટ બેનિફિટ ટ્રાન્સફર) પદ્ધતિથી લાભાર્થી ખેડૂતના બેન્ક ખાતામાં સીધી જમા કરવામાં આવશે.
• કાર્યવાહી: નિયમાનુસાર પાત્રતા ધરાવતી અરજીઓ જેમ જેમ આવશે, તેમ તેમ ચકાસણી કરીને તાત્કાલિક સહાય ચૂકવણાની કાર્યવાહી કરવામાં આવશે.
• સમય મર્યાદામાં વધારો: જરૂર જણાશે તો પોર્ટલ પર અરજી કરવાની સમય મર્યાદામાં વધારો કરવા માટે પણ રાજ્ય સરકાર સકારાત્મક અભિગમ ધરાવે છે.

સર્વે અને વહીવટી પ્રક્રિયા

• સર્વે: રાજ્યના 33 જિલ્લાના 251 તાલુકાના 16,500થી વધુ ગામોનો નુકસાની સર્વે ત્વરાએ હાથ ધરવામાં આવ્યો છે.
• મેપિંગ: આ ગામોનું ઓનલાઈન અરજીના પોર્ટલ સાથે મેપિંગ કરવામાં આવશે.
• સંવેદનશીલ અભિગમ: નુકસાનીનો સર્વે, પંચરોજકામ, પેકેજની જાહેરાત અને ઠરાવ થવા સુધીની સમગ્ર વહીવટી પ્રક્રિયા મુખ્યમંત્રીશ્રીના દિશાદર્શનમાં સંબંધિત વિભાગોએ એક અઠવાડિયામાં પૂરી કરી છે, જે બદલ કૃષિમંત્રીએ મુખ્યમંત્રીનો આભાર વ્યક્ત કર્યો છે.