પાક જેલમાં બંધ માછીમારોને મુક્ત કરાવવા ધારાસભ્ય કાળુભાઇ રાઠોડના નેતૃત્વમાં યોજાઇ બેઠક

આ મીટીંગ માં હાલ પાકિસ્તાન ની જેલ માં કેદ રહેલા માછીમારો ને વહેલી તકે  મુકત કરાવવા માટે ધારાસભ્ય શ્રી કાળુભાઇ રાઠોડે કેન્દ્ર સરકારમાં રજુઆત કરવાની અને માછીમાર ભાઈઓને વતન પરત લાવવાની ખાત્રી આપી હતી તેમજ માછીમાર પરિવારોને કોઈ પણ જાતની તકલીફ હોય તો તે દુર કરવા અને આવા માછીમાર પરિવારોને આર્થિક સહીત તમામ બાબતોમાં મદદ કરવાની બાંહેધરી આપી હતી...

આ  સિવાય શ્રી કાળુભાઇ રાઠોડે જણાવ્યું હતું કે વર્તમાન કોરોના મહામારીની દહેશત વચ્ચે સૌને વેક્સિનના બે ડોઝ તથા બુસ્ટર ડૉઝ લઇ લેવાની ખાસ અપીલ કરી હતી. પાકીસ્તાની જેલમા બંધ મોટાભાગના માછીમારો કોળી સમાજમાંથી આવતા હોવાથી ત્યાં હાજર રહેલ કોળી સમાજ સહીત તમામ સમાજના લોકોને લગ્નમાં થતા બીન જરૂરી ખર્ચાઓ બંધ કરી દિકરી દિકરાના લગ્ન પ્રસંગો સમૂહ લગ્નોત્સવમાં જોડાઈને પૈસાનો વેડફાટ અટકાવી કાળી મજુરી કરીને કમાયેલા પૈસાની બચત કરવા પણ ધારાસભ્ય શ્રી કાળુભાઇ રાઠોડે હ્દય સ્પર્શી અપીલ કરી હતી. 

આ માછીમાર પરિવારોની મીટીંગમાં આવેલા તમામ ભાઈ-બહેનો માટે ગરમ નાસ્તો તથા ચા પાણી વ્યવસ્થા પણ કરવામાં આવી હતી. આ મીટીંગમાં જીલ્લા પંચાયત ગીર સોમનાથના બાંધકામ સમિતિના ચેરમેન શ્રી રૂડા ભાઈ શીંગડ, તાલુકા પંચાયત ના પ્રમુખ શ્રી સામતભાઈ ચારણીયા, તાલુકા ભાજપ પ્રમુખ શ્રી બાબુભાઈ ચૌહાણ, જીલ્લા પંચાયત ના સદસ્ય શ્રી લખમણભાઇ બાંભણિયા, શ્રી બાબુભાઈ બાંભણિયા, દૅલવાડા સરપંચ ના પ્રતિનિધિ શ્રી વિજયભાઈ બાંભણિયા સહીત ના આગૅવાનૉ ખાસ ઉપસ્થિત રહ્યા હતા.

આ પણ વાંચોઃ થર્ટી ફર્સ્ટ લઈને પોરબંદર પોલીસ એક્શનમાં, વિવિધ ચેક પોસ્ટ પર પોલીસનું સઘન વાહન ચેકીંગ