રાજ્યમાં ઠંડીએ પકડ્યુ જોર, મોર્નિંગ વોક-એકસરસાઇઝ અને સ્વાસ્થ્યવર્ધક સૂપનું સેવન વધ્યું

ઉત્તર ભારતમાં થયેલી હિમવર્ષાના પગલે સમગ્ર રાજ્યમાં હાડ થીજવતી ઠંડીનો માહોલ જોવા મળી રહ્યો છે, ત્યારે અમદાવાદ શહેર પણ ઠંડીમાં ઠુઠવાયુ છે. સમગ્ર રાજ્યમાં ઠંડીનો ચમકારો જોવા મળી રહ્યો છે. અમદાવાદ શહેરમાં ઠંડીમાં લોકો પોતાના સ્વાસ્થ્યને લઇને ખુબજ સચેત અને સભાન જોવા મળી રહ્યા છે.

મોર્નિંગ વોક કરનારા લોકોની સંખ્યા વધી છે..વસ્ત્રાપુર લેક ખાતે લોકો વોક કર્યા બાદ સ્વાસ્થ્ય સારુ રહે તેના માટે અલગ અલગ વેજીટેબસ સુપ્સ પીતા નજરે પડ્યા...શિયાળામાં કહેવાય છે જે લોકો પોતાનુ સ્વાસ્થ્ય સાચવે તેમનું આખુ વર્ષ સારુ જતુ હોય છે... ત્યારે સારા સ્વાસ્થ્ય માટે  ટોમેટો, મેથી સરગવો, દુધી, કોથમીર, કારેલા, બીટ, ગાજર, આદુ, ફુદીનો, આંબળા, હળદર,મશરુમનો સુપ જેવા અલગ-અલગ સૂપનું સેવન કરી આ ઠંડીની ઋતુમાં લોકો સ્વાસ્થ્યની તકેદારી રાખી રહ્યા છે. 

મોટી ઉંમરના લોકો કે જેઓ પોતાના સ્વાસ્થયને લઈને વધારે ચિંતિંત હોય છે તેઓ બોડી ફીટ રાખવા માટે એક્સરસાઇઝ અને વોક કરીને પોતાના શરીરને કસે છે અને ત્યાર બાદ અલગ અલગ સુપ પીને શીયાળાની ઠંડી સામે રક્ષણ મેળવતા જોવા મળી રહ્યા છે..

આ પણ વાંચોઃ શિયાળાની ઠંડી મોડી, ચણાના પાકમાં મંદી મોટી!,