રાજ્યના આ શહેરમાં નગરપાલિકાના મહિલા પ્રમુખ પર ફેંકાઈ શાહી, કારણ ચોંકાવી દેશે

અચાનક બનેલી ઘટનાથી હેબતાઈ ગયેલા મહિલા પ્રમુખ ઈશીતાબેને આરોપ મૂક્યો હતો કે નગરપાલિકાના વિરોધ પક્ષના નેતા સમિત જોશી જયશ્રીબેન ચાવડા સહિતના આગેવાનોએ તેમના પર આ હુમલો કર્યો છે અને આ રીતે તેઓ શાહી ફેંકી શકે છે તો ક્યારેક તેજાબ હુમલો પણ કરી શકાય તેવો આરોપ તેમણે મુક્યો હતો. ઘટનાની પોલીસને જાણ કરાતા પોલીસ પહોંચી હતી. જોકે, સામાન્ય સભા શરૂ ન કરવા દેવાના કોંગ્રેસના નગરસેવકોનો પ્રયાસ વચ્ચે પોલીસની સાથે રાખી સામાન્ય સભા શરૂ કરવામાં આવી હતી, તેમાં વિવિધ વિકાસ કામોના ઠરાવો કરવામાં આવ્યા હતા. દરમિયાન વિરોધ પક્ષના નેતા સમીપ જોશીએ જણાવ્યું હતું કે તેમણે કરેલા કાળા કરતુતોના કારણે જ નાગરિકોએ તેમનું મોઢું કાળું કર્યું છે. જેમાં કોંગ્રેસનો કોઈ હાથ નથી લોકો વિકાસ કામોના મુદ્દે ખૂબ જ નારાજ છે. બહુમતી ધરાવતા ભાજપના શાસકો પોતાની વિકરાળ બહુમતીના જોરે પોતાના જ વિકાસ કામો કરતા હોવાનો આરોપ કર્યો હતો. 

નોંધનીય છે કે, ગાંધીધામ નગરપાલિકામાં વિકરાળ બહુમતી ધરાવતા ભાજપના શાસક પક્ષમાં પણ આંતરિક ડખ્ખો છે. થોડા સમય પહેલા ભાજપના જ નગરસેવક નગરપાલિકામાં મોરચો માંડ્યો હતો અને મહિલા પ્રમુખ સામે નારાજગી પણ વ્યક્ત કરી હતી. બીજી તરફ આ ઘટના બાદ ભાજપના સભ્યો બી ડીવીજન પોલીસ મથક પહોંચા હતા. જોકે, પછીથી શાસક પક્ષના નેતાઓની મીટિંગ નગરપાલિકા ખાતે મળી હતી, જેમા આગળની કાર્યવાહી માટે ચર્ચા કરવામાં આવી હતી.

આ પણ વાંચો - નેશનલ એચિવમેન્ટ સર્વેમાં સામે આવ્યા ચોંકાવનારા આંકડાઓ, જાણો શું છે સુરતની સ્થિતિ