Home » આ બેઠક એવી છે, જે ‘જીતે’…તે બને છે ‘સત્તાના સિકંદર’
આ બેઠક એવી છે, જે ‘જીતે’…તે બને છે ‘સત્તાના સિકંદર’
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
97
ગુજરાત વિધાનસભાની ચૂંટણી (Gujarat Assembly Election)નો પ્રચાર શરુ થઇ ગયો છે ત્યારે અત્યંત દિલચસ્પ કહી શકાય તેવા સમાચાર મળી રહ્યા છે. ગુજરાતની એક વિધાનસભા બેઠક એવી છે કે જેના માટે કહેવાય છે કે આ બેઠક પર જે જીતે છે તેની સરકાર રાજ્યમાં બને છે અને ગાંધીનગરમાં સત્તા ભોગવે છે. આવો સંયોગ વર્ષોથી ચાલ્યો આવે છે. 1960માં રાજ્યની રચના થયા બાદ માત્ર એક વખતની ચૂંટણીને બાદ કરીએ તો તમામ ચૂંટણીમાં વલસાડ (Valsad) બેઠક પર જે પક્ષનો ઉમેદવાર જીતે છે તે જ પક્ષની સરકાર રાજ્યમાં બની છે.
1990 થી સતત ભાજપ જીતે છે
વર્ષ 1990માં દોલતભાઈ દેસાઈ ભાજપમાં જોડાયા હતા. વલસાડ બેઠક પર દોલતભાઈ જીત્યા અને ભાજપે જનતા દળ સાથે મળીને ગુજરાતમાં સરકાર બનાવી. તે પછી સિલસિલો શરુ થયો હતો. દોલતભાઈ વલસાડમાંથી 1998, 2002 અને 2007માં પણ જીત્યા હતા. આ તમામ ચૂંટણીઓમાં ગુજરાતમાં ભાજપે સરકાર બનાવી છે. વર્ષ 2012માં ભાજપે વલસાડથી ભરતભાઈ પટેલને પોતાના ઉમેદવાર બનાવ્યા હતા. ઉમેદવાર ભલે બદલાયા હોય, પરંતુ ભાજપનું નસીબ બદલાયું નથી. ભરતભાઈ સતત બે ચૂંટણી જીત્યા અને ગુજરાતમાં ભાજપ સત્તા પર રહ્યો. ગત ચૂંટણીમાં અહીં ભરતભાઈએ નરેન્દ્રકુમાર ટંડેલને હરાવ્યા હતા.
1962માં પ્રથમ ચૂંટણી
વલસાડ બેઠક 2008માં સીમાંકન બાદ અસ્તિત્વમાં આવી હતી, તે પહેલા તેનું નામ બુલસર હતું. વર્ષ 1962માં અહીં પહેલીવાર વિધાનસભાની ચૂંટણી યોજાઈ હતી. ત્યારથી, 1975 માં, કોંગ્રેસ અહીં સત્તામાં રહી. ગુજરાતમાં બે વખત ત્રિશંકુ સરકાર બની છે. પહેલી વાર 1975માં અને બીજી વાર 1990માં. 1975 માં, કોંગ્રેસ (ઓ) અથવા સિન્ડિકેટ કોંગ્રેસ, જે કોંગ્રેસથી અલગ થઈ ગઈ, તેમણે જનસંઘ, ચીમનભાઈ પટેલના કિસાન મજદૂર લોક પક્ષ સાથે મળીને સરકાર બનાવી. અહીં પણ સિન્ડિકેટ કોંગ્રેસના કેશવભાઈ પટેલ અહીંથી જીત્યા હોવાથી વલસાડ કનેક્શન હતું. વર્ષ 1990માં ભાજપ અને જનતા દળનું ગઠબંધન હતું.
જો કે એક વાર આ રેકોર્ડ તૂટ્યો હતો
વલસાડ બેઠક પર વિજેતા ઉમેદવારના પક્ષે સરકાર બનાવવાનો ક્રમ માત્ર એક જ વખત તૂટ્યો છે. તે વર્ષ હતું 1972. સિન્ડિકેટ કોંગ્રેસના ઉમેદવાર કેશવભાઈ પટેલે કોંગ્રેસના ગોવિંદ દેસાઈને 6,908 મતોથી હરાવ્યા હતા. જો કે અહીં 140 બેઠકો જીતનારી કોંગ્રેસની સરકાર ચોક્કસ બની હતી, પરંતુ થોડા સમય પછી જ ગુજરાતમાં રાષ્ટ્રપતિ શાસન લાદવું પડ્યું હતું.
આ વખતે ખરાખરીનો જંગ
વલસાડમાં આ વખતે ફરી ભાજપે ધારાસભ્ય ભરત પટેલને રિપિટ કર્યા છે. કોંગ્રેસે કમલ કુમાર પટેલને ટિકિટ આપી છે. આ વખતે કોણ જીતે છે અને ક્યા પક્ષની સરકાર બને છે તે જાણવું ચોક્કસ રસપ્રદ બની રહેશે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject