શા માટે થઇ અમુલના એમડી આર.એસ.સોઢીની હકાલપટ્ટી ? કયા આરોપોએ લીધો ભોગ ?

અમુલના એમડી આર.એસ.સોઢીની હકાલપટ્ટી ચર્ચાનો વિષય બની છે.. શું અચાનક એવું કંઇક થયુ કે જેને કારણે આર.એસ.સોઢીની હકાલપટ્ટી કરાઇ ? કે પછી આ નિર્ણય ખુબજ સમજી વિચારીને અને તેમના કાર્યકાળ દરમ્યાન તેમના પર ગેરરીતીના જે આક્ષેપો થયા છે તેમાં સચ્ચાઇ જણાયા બાદ આ હકાલપટ્ટી કરાઇ ?  તે સવાલ ઉઠ્યો છે. આર.એસ.સોઢીની હકાલપટ્ટી ચર્ચાનો વિષય એટલા માટે વધારે બની છે કારણ કે આ નિર્ણય સીધો જ કેન્દ્રએ લીધો હોવાનું અને આ અંગે હકાલપટ્ટીના આદેશ સુધી ખુદ રાજ્યના સહકાર મંત્રી પણ અજાણ હોવાનું માનવામાં આવી રહ્યું છે.  આ સંજોગમાં તેમના પર કયા આરોપ લાગ્યા તેને લઇને પણ લોકોમાં સવાલ ઉઠ્યા છે...તો ચાલો આર.એસ.સોઢીની હકાલપટ્ટી પાછળના સંભવિત કારણો બીજા શબ્દોમાં કહીએ તો તેમના પર લાગેલા આરોપો પર નજર કરીએ.

અમુલ પાર્લર એ અમુલની કોઇપણ પ્રોડ્કટ ખરીદવા માટેનું સૌથી મુખ્ય સ્થળ છે.. અમુલ પાર્લર ખોલવા માટેની પરવાનગી આર.એસ.સોઢીએ પોતાના હાથમાં રાખી હતી.. અને આક્ષેપ છે કે સોઢીએ આ પરવાનગી આપવામાં ગેરરીતિ આચરી હતી. 

આઇસ્ક્રીમ માટેના મશીન હોય કે પછી અન્ય મશીનરીની ખરીદી હોય.. સોઢી પર આ મશીનરીની ખરીદીમાં ગેરરીતિ આચરવાનો આક્ષેપ છે..આ કથિત ગેરરીતી પણ તેમની હકાલપટ્ટી માટે કારણભૂત મનાય છે  

આર.એસ.સોઢી એમડીના દરજ્જા પર હોવાથી દરેક બાબતમાં તેમનો નિર્ણય આખરી ગણાતો. આ સંજોગોમાં તેમણે કેટલાક ચોક્કસ લોકોને ફાયદો પહોંચાડવાના નિર્ણયો લીધા હોવાનું પણ માનવામાં આવે છે 

 

આક્ષેપ છે કે આર.એસ.સોઢી વહીવટમાં મનમાની કરતા હતા, કોઇનું પણ માનતા ન હતા. વહીવટમાં મનમાની કરી તેઓએ અનેક અયોગ્ય કામોને અંજામ આપ્યો હોવાનું  પણ માનવામાં આવે છે.