રામ મંદિર બન્યું, હવે સીતા માતાનું મંદિર બનશે... ગાંધીનગરમાં અમિત શાહની જાહેરાત

• અમિત શાહે 'શાશ્વત મિથિલા મહોત્સવ 2025' કાર્યક્રમને સંબોધિત કર્યો
• મિથિલામાં સીતા માતાનું ભવ્ય મંદિર બનશે : અમિત શાહ
• બિહારના લોકોનું ગુજરાતના વિકાસમાં મહત્વનું યોગદાન

Amit Shah's announcement : કેન્દ્રીય મંત્રી અમિત શાહે ગુજરાતના ગાંધીનગરમાં 'શાશ્વત મિથિલા મહોત્સવ 2025' કાર્યક્રમને સંબોધિત કર્યો હતો. આ દરમિયાન તેમણે વચન આપ્યું હતું કે સીતા માતાનું ભવ્ય મંદિર બનાવવામાં આવશે. કેન્દ્રીય મંત્રીએ કહ્યું કે જ્યારે તેઓ લોકસભા ચૂંટણી વખતે બિહાર ગયા હતા ત્યારે તેમણે કહ્યું હતું કે રામ મંદિર બની ગયું છે, હવે સીતા માતાનું ભવ્ય મંદિર બનાવવાનો વારો છે.

કેન્દ્રીય મંત્રી અમિત શાહે ગુજરાતમાં જાહેરાત કરી હતી કે મિથિલામાં ટૂંક સમયમાં સીતા માતાનું ભવ્ય મંદિર બનાવવામાં આવશે, જે વિશ્વને નારી શક્તિનો સંદેશ આપશે. તેમણે રવિવારે ગુજરાતના વિકાસમાં યોગદાન આપવા બદલ મિથિલાંચલ અને બિહારના લોકોની પ્રશંસા કરી હતી. તેમણે કહ્યું કે આ પ્રદેશ પ્રાચીન સમયથી લોકશાહી અને ફિલસૂફીને સશક્ત બનાવવાનો ઇતિહાસ ધરાવે છે.

जल्द ही मिथिला में माता सीता का भव्य मंदिर बनेगा, जो पूरी दुनिया को उनके आदर्शों पर जीवन जीने का संदेश देगा। pic.twitter.com/9vKhEOa2Xs

— Amit Shah (@AmitShah) March 9, 2025

આ પણ વાંચો : Air India: ફ્લાઇટમાં બોમ્બ છે.....ન્યૂયોર્ક જતુ પ્લેન મુંબઇ પરત આવ્યું

સીતા માતાનું મંદિર ટૂંક સમયમાં બનાવવામાં આવશે

તેમણે કહ્યું કે હવે સીતા માતાનું મંદિર બનાવવામાં આવશે જે સમગ્ર વિશ્વને નારી શક્તિનો સંદેશ આપશે અને તે જણાવશે કે જીવનને દરેક રીતે આદર્શ કેવી રીતે બનાવવું. આ મંદિર સમગ્ર વિશ્વને આ શીખ આપશે.

અમિત શાહે મિથિલા અને બિહારના લોકોની પ્રશંસા કરી

ગુજરાતમાં સ્થાયી થયેલા મિથિલાંચલ અને બિહારના લોકોના વખાણ કરતાં તેમણે કહ્યું કે આ લોકોએ ગુજરાતના વિકાસમાં મહત્વનું યોગદાન આપ્યું છે. શાહે કહ્યું કે મિથિલાની ભૂમિ રામાયણ અને મહાભારતના સમયથી બૌદ્ધિકોની ભૂમિ છે, જ્યાં પ્રાચીન વિદેહ સામ્રાજ્ય લોકશાહીની જનની છે.

આ પણ વાંચો : Madhya Pradesh : ભોપાલમાં કોંગ્રેસનું વિરોધ પ્રદર્શન, એકા એક સ્ટેજ તુટી પડતા 7 નેતાઓ ઘાયલ

મિથિલાંચલ લોકશાહી માટે એક મજબૂત શક્તિ સાબિત થયું છે

પોતાના સંબોધનમાં શાહે કહ્યું કે મહાત્મા બુદ્ધે ઘણી વાર કહ્યું હતું કે જ્યાં સુધી વિદેહના લોકો એક બીજા સાથે હળીમળીને રહેશે ત્યાં સુધી તેમને કોઈ હરાવી શકશે નહીં. તેમણે કહ્યું કે મિથિલાંચલ લોકશાહીની એક મજબૂત શક્તિ સાબિત થઈ, જે વર્ષો સુધી સમગ્ર દેશને પોતાનો સંદેશ આપતી રહી. કેન્દ્રીય મંત્રીએ કહ્યું કે મિથિલા પણ ચર્ચાઓની ભૂમિ રહી છે. તેમણે કહ્યું કે ભારતના છ મુખ્ય દર્શનોમાંથી ચાર મિથિલામાંથી આવ્યા છે.

વધુમાં અમિત શાહે કહ્યું કે મિથિલાની ધરતીથી જ વાતચીત દ્વારા ઉકેલની પરંપરા વિકસી છે. ગુજરાતના વિકાસમાં બિહારના લોકો, ખાસ કરીને મિથિલાના લોકોનું બહુ મોટું અને મહત્ત્વનું યોગદાન છે. શાહે ગાંધીનગરમાં શાશ્વત મિથિલા ભવનનું ઉદ્ઘાટન કર્યું અને મહાન કવિ વિદ્યાપતિજીની ભવ્ય પ્રતિમાનું પણ અનાવરણ કર્યું. તેમણે કહ્યું કે આ ઇમારત માતા સીતા, વિદુષી ભારતી, ગાર્ગી અને મૈત્રેયીના જ્ઞાન અને શક્તિથી પ્રકાશિત મિથિલાની સંસ્કૃતિ અને પરંપરાનું મહત્વનું કેન્દ્ર બનશે.

આ પણ વાંચો : Liquid Diet : સ્લિમ બનવા માટે ઓનલાઈન ડાયેટ ફોલો કરતા 18 વર્ષની છોકરીનું થયું મૃત્યુ