• Sardar @150 : લોહપુરૂષ સરદાર પટેલ માત્ર ભારત માટે જ નહીં, સમગ્ર વિશ્વ માટે એક પ્રેરણા: યુનાઈટેડ નેશન્સના એમ્બેસેડર ડૉ. ઈવાન્સ અફેદી
• 'સરદાર @150 યુનિટી માર્ચમાં યુવાનોની ભાગીદારીની પ્રશંસા કરતા ડૉ. ઈવાન્સ અફેદી

Sardar @150 : સરદાર વલ્લભભાઈ પટેલની ૧૫૦મી જન્મજયંતી નિમિત્તે આયોજિત ભવ્ય **'સરદાર @૧૫૦ યુનિટી માર્ચ'**Unity March ના સમાપન સમારોહનો માહોલ અદ્ભુત હતો! આ ઐતિહાસિક ક્ષણના સાક્ષી બનવા માટે વિશ્વ સ્તરની પ્રતિષ્ઠિત પ્રતિભા, યુનાઇટેડ નેશન્સના એમ્બેસેડર ડૉ. ઈવાન્સ અફેદી (Dr. Evans Afedi') ખાસ ઉપસ્થિત રહ્યા હતા. તેમણે માત્ર હાજરી જ ન આપી, પરંતુ પોતાના પ્રેરક શબ્દોથી યુવાનોમાં નવો ઉત્સાહ ભરી દીધો!

Sardar @150 -વિશ્વ નેતાના હૃદયમાં સરદાર

ડૉ. ઈવાન્સ અફેદીએ ભારતના લોહપુરુષ સરદાર વલ્લભભાઈ પટેલને ભાવપૂર્ણ શ્રદ્ધાંજલિ અર્પી હતી. તેમણે ઊંડો આદર વ્યક્ત કરતાં કહ્યું કે:

"સરદાર @૧૫૦ યુનિટી માર્ચના સમાપન સમારોહના સાક્ષી બનવું મારા માટે ગૌરવની વાત છે. ભારતના લોખંડી પુરુષ સરદાર વલ્લભભાઈ પટેલના જીવનથી હું અત્યંત પ્રભાવિત થયો છું."

ડૉ. અફેદીએ સરદાર પટેલના અદ્ભુત પરાક્રમને યાદ કર્યું: ૫૬૨થી વધુ દેશી રજવાડાંઓને એક કરીને ભારતને રાષ્ટ્રીય એકતાની અખંડિત ઓળખ આપવી – આ માત્ર ભારત માટે જ નહીં, પણ સમગ્ર વિશ્વના ઇતિહાસમાં એક અનોખી ઐતિહાસિક ઘટના છે. તેમણે સ્પષ્ટ કહ્યું કે:

"લોહપુરુષ સરદાર પટેલ માત્ર ભારતના નેતા નથી, પણ તેઓ સમગ્ર વિશ્વ માટે એક પ્રેરણા છે!"

Sardar @150 - યુવાનોમાં 'એક ભારત, શ્રેષ્ઠ ભારત'નો સંકલ્પ

ભારત સરકારના રમતગમત મંત્રાલય દ્વારા આયોજિત આ 'યુનિટી માર્ચ'ને ડૉ. અફેદીએ માત્ર સ્મરણયાત્રા નહીં, પણ યુવાનોના હૃદયમાં દેશભક્તિની જ્યોત જગાવતી અનોખી તીર્થયાત્રા ગણાવી.

કાર્યક્રમમાં ઉમટી પડેલા હજારો યુવાનો, એકતાના ગુંજતા નારા, ભારતીય સંસ્કૃતિની ઝાંખીઓ અને અવિરત દેશપ્રેમે ડૉ. અફેદીને અત્યંત પ્રભાવિત કર્યા. તેમણે કહ્યું કે આ દ્રશ્યો 'એક ભારત, શ્રેષ્ઠ ભારત'ની સંકલ્પનાને સાકાર કરે છે.

"આજે અહીં ઉપસ્થિત યુવાનોમાં મેં સરદાર પટેલનો જ આત્મવિશ્વાસ અનુભવ્યો!" – ડૉ. અફેદી

તેમણે ભારપૂર્વક ઉમેર્યું કે, યુવાનોનો આ જબરદસ્ત ઉમળકો ભારતના ભવિષ્યને શક્તિ આપે છે, અને આ અભિયાન એકતા, અનુશાસન અને રાષ્ટ્રભાવનાના મૂલ્યોને નવી પેઢીને વારસામાં અર્પે છે.

ડૉ. ઈવાન્સ અફેદીના મતે, સરદાર પટેલના આદર્શ વિચારો વિશ્વની એકતા અને શાંતિ માટે આજે પણ એટલા જ પ્રસ્તુત છે! સમગ્ર વિશ્વને 'આયર્ન મેન ઓફ ઇન્ડિયા' પાસેથી ઘણું શીખવાનું છે.

આ પણ વાંચો : Narmada: સરદાર પટેલની 150મી એકતા પદયાત્રાનું આજે સમાપન