શ્રમિક અન્નપૂર્ણા યોજના અંતર્ગત 11 સપ્ટેમ્બરે ભાવનગર જિલ્લામાં નવા 4 કડીયાનાકા ખાતે ભોજન કેન્દ્રો શરૂ કરાશે
અહેવાલ - સંજય જોશી
શ્રમિક અન્નપૂર્ણા યોજના અંતર્ગત બાંધકામ શ્રમિકો માટે રાજ્યના ભાવનગર જિલ્લામાં ચાર કડિયાનાકા ખાતે આગામી તા. ૧૧ સપ્ટેમ્બર, ૨૦૨૩ના રોજ સવારે ૮.૦૦ કલાકે ભોજન કેન્દ્રોનો શુભારંભ કરવામાં આવશે. આ ભોજન કેન્દ્રો ખાતે માત્ર રૂ. ૫/-ના ટોકન દરે બાંધકામ શ્રમિકોને પૌષ્ટિક ભોજન પૂરું પાડવામાં આવશે તેમ, ગુજરાત મકાન અને અન્ય બાંધકામ શ્રમયોગી કલ્યાણ બોર્ડ-અમદાવાદની યાદીમાં જણાવાયું છે.
વધુમાં જણાવ્યાનુસાર તા. ૧૧ સપ્ટેમ્બર, ૨૦૨૩ના રોજ ભાવનગર જિલ્લામાં રાજકોટ રોડ ખાતે આવેલી આર.ટી.ઓ ઓફિસની સામે, લીમડીયું-ઘોઘાજી સર્કલ પાસે આવેલી પોલીસ ચોકીની બાજુમાં, ૧૫૦ રીંગ રોડ પર આવેલા ઘોઘા રોડ ખાતે અને બોરડી ગેટ પોલીસ ચોકી સામે એમ નવા કુલ ૪ ભોજન કેન્દ્રો શરૂ કરવામાં આવશે, જેથી મોટા પ્રમાણમાં બાંધકામ શ્રમિકોને પૌષ્ટિક ભોજનનો લાભ મળશે.
અત્રે ઉલ્લેખનીય છે કે, ગુજરાત રાજ્યના મકાન અને અન્ય બાંધકામ શ્રમિકો માટે જૂન-૨૦૧૭થી શ્રમિક અન્નપૂર્ણા યોજનાનો શુભારંભ કરાયો હતો. આ યોજના અંતર્ગત ૧૨ જિલ્લાના ૩૬ શહેરોમાં કુલ ૧૧૯ કડીયાનાકા પર ભોજન વિતરણ કેન્દ્રો શરુ કરવામાં આવ્યા હતા. કોરોના મહામારી સમયે આ યોજનાને સ્થગિત કરાઈ હતી. ત્યારબાદ ઓક્ટોબર-૨૦૨૨માં અમદાવાદ અને ગાંધીનગરના મળી કુલ ૨૨ કડીયાનાકાથી આ યોજનાને પુનઃ કાર્યરત કરવામાં આવી હતી. યોજના પુનઃ કાર્યરત થયા બાદ અત્યારસુધીમાં નવા ૧૦૮ જેટલા કડીયાનાકા ખાતે ભોજન કેન્દ્રો શરુ કરાયા છે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.