ભરતસિંહ સોલંકીએ કહ્યું, સક્રિય રાજકારણમાંથી ટૂંકો બ્રેક લઇશ

તેમણે આરોપ લગાવ્યા હતા કે કોરોનામાં હોસ્પિટલમાંથી ઘેર આવ્યો ત્યારે મને કહ્યું કે મારી પ્રોપર્ટીનું શું છે. મારા નોકર ચાકર અને ડ્રાઇવરને પણ છુટા કરી દેવાયા હતા. બધાને લાગે છે કે મે તેમને ઘરમાંથી કાઢી મુક્યા હતા પણ તે મારા જ ઘરમાં રહે છે અને હું જુના ઘરમાં રહું છું, મને દુખ છે કે વ્યક્તિગત જીવનની ચર્ચા મારે જાહેર જીવનમાં કરવી પડે છે. મને કોઇ સ્વીકારવા તૈયાર હશે તો ત્રીજુ લગ્ન પણ થશે. તેમણે કહ્યું કે તેમને માત્ર મારી પ્રોપર્ટીમાં જ રસ છે. 

તેમણે કહ્યું કે મારી પત્ની સાથે ઝઘડા અને રાજકારણને શું લેવા દેવા છે. મારી સામે કોઇ ભ્રષ્ટાચારની ફરિયાદ નથી. ગુજરાતની પ્રજાનું માઇન્ડ બદલવાની કોશિશ થઇ રહી છે. 

રામ મંદિર મુદ્દે તેમણે જણાવ્યું કે  રામનું મંદિર બને તો ભરતને આનંદ થાય તેવું 25 વર્ષથી હું કહેતો આવ્યો છું. મંદિરોનું રક્ષણ ક્ષત્રિયોએ કર્યું છે અને રામ મંદિરમાં સહુની ભાગીદારી છે અને ખોટુ થતું હોય તો આગળી ચીંધવાની પણ જવાબદારી છે. દરેક વાતને તોડમરોડ કરીને રજૂઆત કરાય છે. અમે હિન્દુ ધર્મના સાચા હિમાયતી છીએ અને રક્ષક છીએ.