Mexicoમાં ગમખ્વાર અકસ્માત, બસ અને ટ્રક વચ્ચે અથડામણ, 41 લોકોના મોત

• મેક્સિકોમાં બસ અને ટ્રક વચ્ચે ભયાનક અકસ્માત સર્જાયો છે
• આ ઘટનામાં અત્યાર સુધીમાં 41 લોકોના મોતની પુષ્ટિ થઈ છે
• બે બસ ડ્રાઇવરો અને ટ્રક ડ્રાઇવરનું પણ મૃત્યુ થયું છે

Accident in Mexico : તાજેતરમાં દક્ષિણ મેક્સિકોમાં એક અકસ્માત થયો છે, જ્યાં એક બસ અને ટ્રક વચ્ચે ટક્કર થઈ છે. આ ઘટનામાં અત્યાર સુધીમાં 41 લોકોના મોતની પુષ્ટિ થઈ છે. બસમાં મુસાફરી કરી રહેલા 48 લોકોમાંથી 38 લોકો અકસ્માતનો ભોગ બન્યા છે. ઉપરાંત, બે બસ ડ્રાઇવરો અને ટ્રક ડ્રાઇવરનું પણ મૃત્યુ થયું છે.

સાઉથ મેક્સિકોમાં ભયંકર અકસ્માત સર્જાયો

હાલમાં જ સાઉથ મેક્સિકોમાં એક ભયંકર અકસ્માત સર્જાયો છે. શનિવારે બસ અને ટ્રકની ટક્કર થઈ હતી. આ ઘટના સવારે બની હતી. આ દુર્ઘટનામાં 41 લોકોના મોત થયા છે અને ઘણા લોકો ગંભીર રીતે ઘાયલ થયા છે. ટાબાસ્કોની સરકારે આ અકસ્માત અને મૃતકોની સંખ્યા વિશે માહિતી આપી છે.  દુર્ઘટના બાદ બસની તસવીરો સામે આવી છે, જેમાં બસ સંપૂર્ણ રીતે આગમાં ખાખ થઈ ગઈ છે.

ઘણા લોકો દાઝી ગયા

બસ અને ટ્રક વચ્ચેની ટક્કર બાદ બસમાં આગ લાગી હતી અને ઘણા લોકો તેમાં દાઝી ગયા હતા. આ ઘટના સવારે ઉસ્કારસેગામાં બની હતી. બસ ઓપરેટર ટુરે જણાવ્યું હતું કે બસ કાન્કુન શહેરથી ટાબાસ્કો જઈ રહી હતી ત્યારે તેમાં 48 મુસાફરો હતા. અકસ્માતમાં બસમાં સવાર 38 લોકો અને બે બસ ડ્રાઇવરોના મોત થયા છે. ઉપરાંત, અધિકારીઓએ જણાવ્યું હતું કે ટ્રક ડ્રાઈવરના મૃત્યુની પણ નોંધણી કરવામાં આવી છે.

મેક્સિકોમાં બસ અને ટ્રક વચ્ચે ભયાનક અકસ્માત સર્જાયો છે
આ ઘટનામાં અત્યાર સુધીમાં 41 લોકોના મોત
બે બસ ડ્રાઇવરો અને ટ્રક ડ્રાઇવરનું પણ મૃત્યુ #Mexico #Accident #News pic.twitter.com/0nhqub8NRM

— MG Vimal  - વિમલ પ્રજાપતિ (@mgvimal_12) February 9, 2025

આ પણ વાંચો :  Bangladesh શું છે ઓપરેશન ડેવિલ હન્ટ, બાંગ્લાદેશ સરકારે કેમ શરૂ કર્યું?

મૃતકોની ઓળખ થઈ રહી છે

બસ ઓપરેટર ટુરે જણાવ્યું હતું કે, તેઓ આ અકસ્માત બદલ ખૂબ જ દુઃખી છે અને તેના પર દુઃખ વ્યક્ત કરે છે. આ સાથે તેમણે કહ્યું કે તેઓ આ અકસ્માત પાછળનું કારણ શોધવાનો પ્રયાસ કરી રહ્યા છે, પરંતુ બસની સ્પીડ સામાન્ય હતી. બસ ઓપરેટરે જણાવ્યું કે, જાહેર મંત્રાલયે અમને જાણ કરી છે કે તપાસ કેમ્પેચેના કેન્ડેલેરિયા નગરપાલિકાના ફરિયાદીની કચેરીમાં થશે.

રિકવરી કામગીરી ચાલુ છે

ટાબાસ્કો સુરક્ષા સૂત્રોએ જણાવ્યું હતું કે હજુ સુધી અકસ્માતમાં માર્યા ગયેલા 18 લોકોના મૃતદેહ ઘટનાસ્થળેથી મળી આવ્યા છે. ઘણા લોકોના મૃતદેહ બહાર કાઢવાનું કામ હજુ પણ ચાલુ છે. ટાબાસ્કો રાજ્ય સરકારે જણાવ્યું હતું કે બચાવ કામગીરી ચાલુ છે અને મૃતકોની ઓળખ કરવામાં આવી રહી છે. ટાબાસ્કો સરકારના સચિવ રામિરો લોપેઝે જણાવ્યું હતું કે અધિકારીઓ પીડિતોની સંખ્યા અને ઓળખ અંગે માહિતી આપશે. સ્થાનિક કાઉન્સિલ પેલાસિઓ મ્યુનિસિપલ ડી કોમાલ્કોલ્કોએ જણાવ્યું હતું કે તે પેસેન્જર બસ અકસ્માતના ભોગ બનેલા લોકોના મૃતદેહોને તેમના ઘરે લઈ જશે.

આ પણ વાંચો :  Earthquake : કેરેબિયન સમુદ્રમાં ભૂકંપનો આંચકો, તીવ્રતા 7.6 નોંધાઈ, સુનામીની ચેતવણી