સ્પેસ એક્સના "ડ્રેગન" કેપ્સુલમાંથી અવકાશયાત્રીઓએ આંતરરાષ્ટ્રીય અવકાશ મથકનો એક વિડીયો લીધો
- "ડ્રેગન" કેપ્સુલમાંથી અવકાશયાત્રીઓએ આંતરરાષ્ટ્રીય અવકાશ મથકનો એક વિડીયો લીધો
- આ કેપ્સ્યુલ તેના નિર્માણ પછી 46 વખત લોન્ચ કરવામાં આવ્યું
- ઇન્ટરનેશનલ સ્પેસ સ્ટેશન હકીકતે બહુ જ ફાસ્ટ દોડતુ નજરે પડે છે
Dragon Capsule : આ વર્ષે સુનિતા વિલિયમ્સ અને બુચ વિલ્મોરની વાપસી થઈ શકે છે. નાસાએ કહ્યું કે હવે બંને અવકાશયાત્રીઓ ફેબ્રુઆરી 2025 માં પૃથ્વી પર પાછા ફરે તેવી અપેક્ષા છે. નાસાએ આ કાર્ય માટે સ્પેસએક્સના ડ્રેગન ક્રૂ કેપ્સ્યુલની પસંદગી કરી છે. આ કેપ્સ્યુલ તેના નિર્માણ પછી 46 વખત લોન્ચ કરવામાં આવ્યું છે. આપના ધ્યાને હોય તો, "સુનિતા વિલિયમ્સ" લાંબા સમયથી સ્પેસ સ્ટેશનમાં ફસાયેલ છે, તેઓ સ્વસ્થ છે અને તાજેતરમાં તેમણે સ્પેસ વોક એટલે કે યાનની બહાર જઈને અવકાશમાં વોક કરી હતી. વોક કરતી વખતે તેણે આંતરરાષ્ટ્રીય અવકાશ મથકનો એક પણ વિડીયો લીધો હતો, જેમાં "ઇન્ટરનેશનલ સ્પેસ સ્ટેશન" હકીકતે બહુ જ ફાસ્ટ દોડતુ નજરે પડે છે.
ડ્રેગન કેપ્સ્યુલ
હવે જો આપણે આ ડ્રેગન કેપ્સ્યુલ વિશે વાત કરીએ તો, તે લગભગ 42 વખત અવકાશ મથકની મુસાફરી કરી ચૂક્યું છે. તેમાં સાત લોકો બેસી શકે છે. આ વિશ્વનું પહેલું ખાનગી અવકાશયાન છે. તે સતત અવકાશયાત્રીઓ અને માલસામાનને અવકાશ મથકથી લઈ જતું રહે છે. તેનું વજન 7700 કિલો છે. જ્યારે તેને કાર્ગો અને અવકાશયાત્રીઓ સાથે લોન્ચ કરવામાં આવે છે, ત્યારે તેનું વજન લગભગ 12,500 કિલો સુધી પહોંચે છે. હવે જો આપણે તેના વજનને કોઈપણ ભ્રમણકક્ષામાં લઈ જવાની વાત કરીએ, તો તે છ હજાર કિલો સુધીનું વજન વહન કરી શકે છે. તે સ્પેસ સ્ટેશન સુધી 3307 કિલો વજન પહોંચાડી શકે છે. એટલું જ નહીં, તે સમાન વજન પાછું લાવી શકે છે. મોટે ભાગે તેમાં ફક્ત બે થી ચાર અવકાશયાત્રીઓ જ બેસે છે.
આ પણ વાંચો : ચીન પર કડકાઈ, હથિયારોની ખરીદીમાં વધારો... જાણો ટ્રમ્પ 2.0 ની ભારત-અમેરિકા સંરક્ષણ સોદા પર શું અસર થશે
સુનિતા વિલિયમ્સના પાછા ફરવા પર નાસાએ શું કહ્યું?
જો કોઈ કટોકટી હોય તો તેમાં સાત અવકાશયાત્રીઓ માટે બેઠક વ્યવસ્થા પણ કરી શકાય છે. જો સ્પેસએક્સ ક્રૂ ડ્રેગન પોતાની મેળે ઉડે છે, તો તે લગભગ 10 દિવસ સુધી નીચી ભ્રમણકક્ષામાં રહી શકે છે. આની એક ખાસ વાત એ છે કે જો તેમાં સ્પેસ સ્ટેશન સ્થાપિત કરવામાં આવે તો તે 210 દિવસ સુધી અવકાશમાં રહી શકે છે. ડ્રેગન ક્રૂ કેપ્સ્યુલમાં બીજી ઘણી ખાસ વિશેષતાઓ છે. તેની ઊંચાઈ 15 ફૂટ છે. પરંતુ જો તેની નીચેનો પ્રોપલ્શન સિસ્ટમનો સમાવેશ કરવામાં આવે તો તેની ઊંચાઈ લગભગ 26.7 ફૂટ થાય છે. કેપ્સ્યુલની પહોળાઈ 12 ફૂટ છે. અત્યાર સુધીમાં કુલ 12 ડ્રેગન કેપ્સ્યુલ્સ બનાવવામાં આવ્યા છે.
હવે સવાલ એ થાય છે કે, જેમ વાહનોને ચલાવવા પેટ્રોલ ડીઝલ કે ઇલેક્ટ્રિસિટી જોઈએ તેમ આ "સ્પેસ સ્ટેશન" ને આટલી બધી તોતિંગ ફુલ સ્પીડે દોડાવવા કયુ ઇંધણ જોઈએ?
તમને જણાવી દઈએ કે, આંતરરાષ્ટ્રીય અવકાશ મથક (ISS) ને શક્તિ આપવા માટે સૌર ઉર્જાનો ઉપયોગ થાય છે. વધુમાં, સ્પેસ સ્ટેશનને પ્રોપલ્શન માટે ડાયનાઇટ્રોજન ટેટ્રોક્સાઇડ અને અસમપ્રમાણ ડાયમેથાઇલહાઇડ્રેઝિન જેવા પ્રોપેલન્ટ્સની પણ જરૂર પડે છે.
આ પણ વાંચો : Turkey ના રિસોર્ટમાં લાગી ભીષણ આગ, 66ના મોત,અનેક ગંભીર રીતે દાઝ્યા